Ɛksadɔso 26:1 - AHYERƐLƐ KRONGRON

¹ “Na nyianu sua ne de, fa mbɛmuɛ tena buru, bɔ bafa nwera, bibire, koogyan ne adaabene banwo ɔ si. Ma adwiililɛniɛ ɔnwo kɛrubim ndiamuɛ gua nu.

Ɛksadɔso 26:1 Iomraidhean Croise

2 Samuel 7:2

Nana Dawide sele Ngɔmhyɛlɛniɛ Natan kyɛ, “Nea, nde awuro bɔ bafa sida basi ɔ nu, nakoso Nyameɛ alaka ne de, ogyi ɛtena sua nu.”

1 Ahemvo 6:29

Sua ne, ye pumbu nu ne ye asa so ne, olili kɛrubim adwii, ayee mmakaa adwii ɔne bakaa nyerɛen adwii guale terɛ nemɔ anwo bra yiale.

1 Aberɛso Dwirɛ 17:1

Afei Nana Dawide tenane ye awuro asomdwee nu ne, osele ngɔmhyɛlɛniɛ Natan kyɛ, “Nde awuro bɔ bafa sida basi ɔ nu, nakoso AWURADE apam alaka ne de, ogyi ɛtena sua nu.”

1 Aberɛso Dwirɛ 21:29

Ofikyɛ AWURADE nyianu sua bɔ Mose sili wɔ ɛserɛ ne aso ne, ɔne naen yeralɛ afɔleɛ bokyea ne, sɔ mmerɛ ne, né bɛwɔ Gibeon asɔneyɛɛ ne aso.

Ɛksadɔso 25:18

Yɔ kɛrubim nyɔ siesie mbata bia ne ye ti ne ye ti; sikaa kɔkorɛ bɔ afa buralɛ aboro yeɛ fa yɔ ɔ.

Ɛksadɔso 25:4

bibire, koogyan, adaabene, nwera paa, abɔngye nwiaa,

Ɛksadɔso 25:8

Maa besi nekaa krongron bɛma me, ná matena b’afia.

Ɛksadɔso 26:2

Ma mbɛmuɛ tena ko biala tendenn ɔyɛ agyirɛ aburanyɔ ne mmɔtwɛ, ná ko biala tɛtrɛtɛɛ nu ɔyɛ agyirɛ nna. Susu mbɛmuɛ tena ne amukoraati ma bɛyɛ pɛpɛɛpɛ.

Ɛksadɔso 26:31

“Fa bibire, koogyan, adaabene ne nwera yɔ mbɛmuɛ tena. Ma adwiililɛniɛ ɔnwo kɛrubim ndiamuɛ gua nu.

Ɛksadɔso 26:36

“Fa bibire, koogyan, adaabene ne gyese nwo ɛtena bɔ bɛkɔfa bekonwi ɛtena sua ne anoa nu berɛ ɔ, ɛtena bɔ bali adwii bagua nu ɔ.

Ɛksadɔso 31:7

ɛtena sua atenaleɛ nu berɛ, Adanzeɛ alaka ne ne mbata bia bɔ ogyi so ne, ɔne ɛtena sua ne anu nningyein amukoraa;

Ɛksadɔso 35:11

nyianu sua ne ne ye nwo ndwurahoɛ ne, ye ndɔkorɔ, ye ndaboa mɔ, ye kwatena mɔ, ye bonima mɔ, ɔne ye nyinasoɛ mɔ;

Ɛksadɔso 35:35

Wama nworɛ ayi bɛ ti anu tɛkyɛ kyɛ bɛfa beli adwii biala. Mekyire: nyɔboɛ dwumvoɛ, bakaa dwumvoɛ, ɔne ɛtena nwonɛ bɔ bɛfa bibire, koogyan, adaabene ne gyese bedi nu adwii ɔ. Bɛte mmenia bɔ bɛkora bedi adwii ahoroɔ amukoraati.

Ɛksadɔso 35:6

bibire, koogyan, adaabene, nwera paa, abɔngye nwiaa,

Ɛksadɔso 36:35

Ɔfale bibire, koogyan, adaabene ne gyese nwone mbɛmuɛ tena. Na ɔmaa belili adwii bɛnwone kɛrubim ndiamuɛ beguale nu.

Ɛksadɔso 39:3

Bɛborole sikaa kɔkorɛ taataa, na bɛpepɛle ye ndeamaa ndeamaa bɛfa belili adwii beguale bibire, koogyan, adaabene ne gyese ne anu.

Ɛksadɔso 40:2

“Kyẽa bɔ oli moa wɔ bosome bɔ oli moa ne anu ne, si nyianu ɛtena sua ne.

Numeri 3:25

Gɛsɔn boso ama nemɔ, b’adwuma wɔ ɛtena sua atenaleɛ ne anu ole kyɛ, bɛ́nea ɛhemɔ amukoraa so: nyianu sua ne, pumbu ne ɔne ye ngatasoɛ, ɛtena bɔ onwi ɛtena sua atenaleɛ anoa nu berɛ ne,

Numeri 4:25

odi kyɛ bɛsoa nyianu sua mbɛmuɛ tena nemɔ, ɛtena sua atenaleɛ ne ɔne ye ngatasoɛ, abɔngye nwomaa bɔ ɔsɛ so ne, ngatasoɛ bɔ ɔsɛ so ne, ɔne ɛtena bɔ onwi ɛtena sua atenaleɛ anoa nu berɛ ne,

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 2:21

Nakoso ye de, ye nipadua asɔneyɛɛ sua yeɛ né ɔkã ye nwo dwirɛ ɔ.

Hebrifoɛ 8:2

Na odi ye sɔfo ne wɔ nekaa krongron ne anu, ɔne ɛtena sua kaenn bɔ nna dasaniɛ, na mmom Awurade yeɛ osili ɔ nu.

Hebrifoɛ 9:2

Ɔnate kyɛ, besili ɛtena sua; bɔ bedi moa befite so ne bɛfrɛ ye Nekaa Krongron. Né kanea bakaa, ɛpoen ne paanoo krongron wɔ sɔ pumbu ne anu.

Hebrifoɛ 9:9

Na ɛhe te mvandoho ma ɛnɛ mmerɛ ye, bɔ mmenia fa ayɛyɛdeɛ ne afɔleɛ bɛma, nakoso ɔngora mma sona bɔ ɔsɔne Nyameɛ ne tiboa mmua ye be.

Nyekyire 19:8

Na bɛfale nwera paa bɔ ɔte fufue, bɔ ye nwo te ɔ bɛmane braa ne kyɛ ɔfa hera.” Na nwera paa ne ole anwoteefoɛ bɛ tenenee.”

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”