Ɛksadɔso 25:9 - AHYERƐLƐ KRONGRON

⁹ Nyianu sua ne, kyɛbɔ mebaahyire wɔ ne, sɔ ala yeɛ ɔsɛ kyɛ ɛmɔyɔ ye sɛso ne nu nningyein amukoraa pɛpɛɛpɛ ɔ.

Ɛksadɔso 25:9 Iomraidhean Croise

Ɛksadɔso 25:40

Nea kyɛ ɛkɔyɔ ye sɛso kyɛbɔ mafa mahyire wɔ wɔ bokaa ye aso ne.

Ɛksadɔso 26:30

Kyɛbɔ masusu nyianu sua ne mahyire wɔ wɔ bokaa ye aso ne, sɔ ala yeɛ si ye ɔ.

Ɛksadɔso 39:32

Yiti nyianu ɛtena sua ne nwo adwuma mukoraa, sɔ yeɛ bɛyɔ beyiele bɔkɔɔ ɔ. Yisraelfoɛ yɔle nikyee biala pɛpɛɛpɛ kyɛbɔ AWURADE hyɛle Mose nen.

Ɛksadɔso 39:42

Né Yisraelfoɛ ayɔ adwuma ne amukoraati pɛpɛɛpɛ, kyɛbɔ AWURADE hyɛle Mose ne ala.

Ɛksadɔso 39:43

Na Mose neane adwuma ne amukoraa, na onwuni kyɛ bayɔ ye pɛpɛɛpɛ, kyɛbɔ AWURADE hyɛle ne ala. Yiti Mose yirale bɛ.

Numeri 4:12

Odi kyɛ bɛsesa nningyein bɔ bɛfa bɛsɔne wɔ nekaa krongron berɛ ne amukoraa, ná bɛ́fa bégua ɛtena bibire nu. Bɛ́fa nwomaa paa ngatasoɛ bɛkata so, ná bɛ́fa bésie ye mbuna ne aso.

Numeri 8:4

Sɔa yeɛ bɛyɔle kanea bakaa ne ɔ: bɛborole sikaa kɔkorɛ yeɛ bɛfa bɛyɔle ɔ. Ofi ye nyinasoɛ so kodwu ye nyerɛen ne aso ne, ɔte sikaa kɔkorɛ bɔ baboro ɔ. Kyɛbɔ AWURADE fa hyirele Mose ne sɛso te ne, sɔ ala yeɛ ɔyɔle kanea bakaa ne ɔ.

Asomafoɛ 7:44

“Né yɛ nana mɔ le ɛtena sua wɔ ɛserɛ ne aso bɔ okyire kyɛ Nyameɛ ne bɛ bɛwɔ berɛ ɔ. Na kyɛbɔ Nyameɛ hyɛle Mose kyɛ ɔyɔ ɛtena sua nen, kyɛbɔ osi nwuni ye ne ala yeɛ ɔyɔle ye ɔ.

Hebrifoɛ 8:2

Na odi ye sɔfo ne wɔ nekaa krongron ne anu, ɔne ɛtena sua kaenn bɔ nna dasaniɛ, na mmom Awurade yeɛ osili ɔ nu.

Hebrifoɛ 8:5

Na bɛ dwumadie ne, ɔte nyameɛso deɛ ne nwo nhwɛsoɛ, ɔne wawoɛ; ofikyɛ anzana Nyameɛ baama Mose si ɛtena sua nen, osele ye kyɛ, “Nea kyɛ ɛkɔyɔ nikyee biala maa ye sɛso kɔyɛ kyɛ bɔ mva ngyirele wɔ wɔ bokaa ne aso nen pɛpɛɛpɛ.”

Hebrifoɛ 9:2

Ɔnate kyɛ, besili ɛtena sua; bɔ bedi moa befite so ne bɛfrɛ ye Nekaa Krongron. Né kanea bakaa, ɛpoen ne paanoo krongron wɔ sɔ pumbu ne anu.

Hebrifoɛ 9:9

Na ɛhe te mvandoho ma ɛnɛ mmerɛ ye, bɔ mmenia fa ayɛyɛdeɛ ne afɔleɛ bɛma, nakoso ɔngora mma sona bɔ ɔsɔne Nyameɛ ne tiboa mmua ye be.