Ɛksadɔso 25:23 - AHYERƐLƐ KRONGRON

²³ Fa bɔsema bobɔ ɛpoen. Ma ye tendenn nu yɛ agyirɛ nyɔ, ye tɛtrɛtɛɛ nu yɛ agyirɛ ko, ná ye so anwuro ne ɔ́yɛ agyirɛ ko ne bue.

Ɛksadɔso 25:23 Iomraidhean Croise

1 Ahemvo 7:48

Solomon yɔle nningyein amukoraa bɔ bɛwɔ AWURADE awuro ne. Bɛ ole: esikaa kɔkorɛ afɔleɛ bokyea ne, esikaa kɔkorɛ poen bɔ bɛfa paanoo krongron begua so ne,

1 Ahemvo 7:49

esikaa kɔkorɛ paa kanea mmakaa, bɔ nnu wɔ ye ngwaen, ná nnu wora wɔ ye sorɔ wɔ nekaa krongron ne anyunu berɛ ne; esikaa kɔkorɛ nyerɛen ne, esikaa kɔkorɛ nganea nemɔ, yeɛ esikaa kɔkorɛ akapɛ nemɔ;

1 Aberɛso Dwirɛ 28:16

Ɛpoen bɔ bɛsa paanoo folii wɔ so ne biala, ohyirele esikaa kɔkorɛ somaa bɔ odi kyɛ bɛfa bɛyɔ ɔ, yeɛ ɛdwetɛ poen nemɔ koso, ohyirele ɛdwetɛ somaa bɔ odi kyɛ bɛfa bɛyɔ nu biala ɔ.

2 Aberɛso Dwirɛ 4:19

Solomon yɔle nningyein amukoraa bɔ bɛwɔ Nyameɛ awuro ne. Bɛ ole: esikaa kɔkorɛ afɔleɛ bokyea ne, esikaa kɔkorɛ poen bɔ bɛfa paanoo krongron begua so ne,

2 Aberɛso Dwirɛ 4:8

Osa yɔle ɛpoen buru fa siele asɔneyɛɛ sua ne anu. Ɔfale nnu siele famaa, yeɛ ɔfale nnu siele bɛen so. Na ɔyɔle esikaa kɔkorɛ ayaa ɛyaa ko.

Ɛksadɔso 31:8

ɛpoen ne ne ye nwo nningyein, kanea bakaa bɔ ye nwo te ne, ɔne ye nwo nningyein amukoraa, afɔleɛ bokyea bɔ bɛyera ɛyɛɛ so ne,

Ɛksadɔso 35:13

ɛpoen ne ne ye mbuna mɔ, nu nningyein amukoraa, ɔne paanoo krongron ne;

Hesekiel 41:22

bakaa afɔleɛ bokyea, bɔ ofi ye aseɛnwo bɔ ɔkwaadwu ye anwuro ne, ɔte agyirɛ nza ɔ, ye tendenn nu te agyirɛ nyɔ, [ye tɛtrɛtɛɛ nu te agyirɛ nyɔ]. Na ye ndweasoɛ nemɔ, ye nyinasoɛ nemɔ ne ye fasue nemɔ te bakaa. Na biaa ne sele me kyɛ, “Ɛpoen he yeɛ ogyi AWURADE nyunu ne.”

Lewitikɔso 24:6

Hyehyɛ bɛ folii nyɔ wɔ sikaa kɔkorɛ paa poen ne aso; ma folii ko biala ɔyɛ paanoo nzia.

Numeri 3:31

B’adwuma ole kyɛ bɛkɔnea ɛhemɔ aso: apam alaka ne, ɛpoen ne, kanea bakaa ne, afɔleɛ bokyea nemɔ, nekaa krongron berɛ nningyein bɔ asɔfo nemɔ fa yɔ ɛsɔnenɛ adwuma ne, ɔne mbɛmuɛ ɛtena ne, ɔne sɔ nningyein nemɔ nwo adwuma amukoraa.

Numeri 4:8

Afei odi kyɛ bɛfa ɛtena kɔkorɛ bɛsɛ so, ná bɛ́fa abɔngye nwomaa ngatasoɛ bɛ́kata so, ná bɛ́fa ye mbuna nemɔ bewurawura nu.

Hebrifoɛ 9:2

Ɔnate kyɛ, besili ɛtena sua; bɔ bedi moa befite so ne bɛfrɛ ye Nekaa Krongron. Né kanea bakaa, ɛpoen ne paanoo krongron wɔ sɔ pumbu ne anu.