Ɛksadɔso 25:22 - AHYERƐLƐ KRONGRON

²² Berɛ yeɛ me ne wɔ yɛkoyia ɔ, wɔ mbata bia ne aso anwuro, wɔ kɛrubim nyɔ bɔ bɛwɔ Adanzeɛ alaka ne aso ne b’afia. Na ngɔhã me mmeraa dwirɛ mukoraati bɔ méfa méma Yisraelfoɛ ne ngohyire wɔ.

Ɛksadɔso 25:22 Iomraidhean Croise

Gyenesise 18:33

Na AWURADE ne Abraham bedwudwole beyiele nen, ofili berɛ hɔle; na Abraham koso osa hɔle ye awuro.

2 Samuel 6:2

Dawide ne koɛhonɛfoɛ bɔ bɛboka ye so ne amukoraa besili nu befili Baale Yuda, kyɛ bɛkwaafa Nyameɛ apam alaka ne bɛba. Alaka ne, Asafo AWURADE bɔ ye ahennie bia wɔ kɛrubim nemɔ afia ne, ye dumaa la so.

2 Ahemvo 19:15

Na Hesekia bɔle mbaeɛ wɔ AWURADE nyunu kyɛ, “Ao AWURADE Yisrael Nyameɛ bɔ ɛte w’ahennie bia so wɔ kɛrubim mɔ b’afia ɔ, wɔ wiase ahennie amukoraati nu, wɔ ngome yeɛ ɛte Nyameɛ ɔ. Wɔ yeɛ ɛbɔle anwuro ne aseɛ ɔ.

1 Aberɛso Dwirɛ 13:6

Na Dawide ne Yisrael amukoraa bɛhɔle Baala bɔ ɔte Yuda kuro bɔ besa bɛfrɛ ye Kiriate Yearim ne, kyɛ AWURADE Nyameɛ bɔ ɔte kɛrubim so ne, ye alaka bɔ ye dumaa la so ne, bɛkwaafa befi dɔ bɛba.

Edwein 80:1

Ao Yisrael Neafoɛ, yɛ asoɛ tie, wɔ bɔ eli Yosef nyunu kyɛ mmoaen kure ɔ! Wɔ bɔ ɛte kɛrubim mɔ so ɔ, ta hyireinn

Edwein 80:2

wɔ Efraim, Benyamin ne Manase so. Kyire wɔ tumi, ná bra baapepɛ de yɛ!

Edwein 90:1

AWURADE, wɔ yeɛ ɛte y’afealeɛ wɔ aworɛ ndoatoasoɛ amukoraa nu ɔ.

Edwein 99:1

AWURADE di hene, maen maen mɔ, ɛ́mɔma ɛmɔ nwo wosowoso! Ɔte kɛrubim mɔ so; aseɛ, woso!

Ɛksadɔso 20:24

Wɔ de, si nnɛterɛ afɔleɛ bokyea ma me, na so yeɛ fa wɔ mmoaen ne wɔ nandwie bɔ naen yeralɛ afɔleɛ, ɔne w’asomdwee afɔleɛ ɔ. Na nekaa biala bɔ ngɔmaa ɛkɔkaye me dumaa nen, ngɔwa wɔ berɛ ngooyira wɔ.

Ɛksadɔso 27:21

Ɛtena sua atenaleɛ berɛ, bɔ ɔwɔ mbɛmuɛ tena bɔ onwi Adanzeɛ ne nyunu ne, Aarɔn ne ye mma mmienzua mɔ yeɛ bɛkɔnea kyɛ kanea nemɔ asosɔ wɔ AWURADE nyunu ɔ, ofi nɔsoa bɔ ɔkwaadwu ngyerɛmɔ. Na sɔ ahyɛdeɛ ne kɔla berɛ daa kɔma Yisraelfoɛ wɔ b’aworɛ ndoatoasoɛ amukoraati nu.

Ɛksadɔso 30:36

Tĩ bie ma ɔyɛ muhumuhu, ná fa bie sie Adanzeɛ ne nyunu wɔ ɛtena sua atenaleɛ nu berɛ, nekaa bɔ me ne wɔ yɛkoyia ne. Na ɔkɔyɛ krongron paa kɔma ɛmɔ.

Ɛksadɔso 30:6

Mbɛmuɛ tena bɔ onwi Adanzeɛ alaka ne nyunu ne, fa afɔleɛ bokyea ne sie ye nyunu, wɔ mbata bia bɔ ɔwɔ Adanzeɛ ne aso ne ye nyunu, nekaa bɔ me ne wɔ yɛkoyia ne.

Ɛksadɔso 31:18

Na mmerɛ bɔ Nyameɛ ne Mose bedwudwole beyiele wɔ Sinai bokaa ne aso nen, ɔfale Adanzeɛ nyɔboɛ taataa nyɔ ne mane Mose, nyɔboɛ taataa bɔ Nyameɛ afa ye sa mmɛseka wahyerɛ so ne.

Ɛksadɔso 31:6

Afei tie, Ahisamake awa bienzua Oholiabo bɔ ofi Dan abusua kure nu ne, maye ye kyɛ ɔboka ye so. Na mama adwiililɛfoɛ amukoraati nworɛ bɔ bɛkɔfa bɛkɔyɔ bɔ mahyɛ wɔ ne amukoraa:

Yesaya 37:16

“Ao Asafo AWURADE, Yisrael Nyameɛ bɔ ɛte kɛrubim mɔ b’afia ɔ, aseɛ so ahennie amukoraati nu, wɔ ngome yeɛ ɛte Nyameɛ ɔ. Wɔ yeɛ ɛbɔle anwuro ne aseɛ ɔ.

Hesekiel 43:6

Yeɛ ndele kyɛ ebie odwudwo kyire me fi awuro ne anu, wɔ mmerɛ bɔ né biaa ne ogyi me nwo berɛ ɔ.

Lewitikɔso 1:1

AWURADE frɛle Mose, na ɔhã hyirele ye fi ɛtena sua atenaleɛ ne anu kyɛ,

Lewitikɔso 16:2

Na AWURADE sele Mose kyɛ, “Ka kyire eliɛma Aarɔn kyɛ, nekaa krongron bɔ ɔwɔ mbɛmuɛ tena ne asi dɔ ne, mbata bia bɔ ɔwɔ apam alaka ne aso ne, nnɛmaa ɔba ye nyunu mmerɛ biala bɔ okuro ɔ. Sɛ ɔyɔ sɔ a okowu, ofikyɛ meye me nwo ali mekyire wɔ munungum bɔ ɔwɔ mbata bia ne aso ne anu.

Numeri 17:4

Fa gua ɛtena sua atenaleɛ ne anu wɔ Adanzeɛ ne anyunu, nekaa bɔ me ne ɛmɔ yɛyia ne.

Numeri 7:89

Sɛ né Mose kɔ ɛtena sua ne anu kyɛ ɔne AWURADE bɛkwaadwudwo a, né ɔte komviɛ ne kyɛ odwudwo kyire ye fi Adanzeɛ alaka ne aso mbata bia bɔ ɔwɔ kɛrubim nyɔ ne b’afia ne, ye anwuro ɔ; né komviɛ ne ɔne Mose bedwudwo.

Maenbulɛfoɛ 20:27

Na Yisraelfoɛ bisale AWURADE dwirɛ (ofikyɛ sɔ mmerɛ ne, né Nyameɛ apam alaka ne wɔ berɛ,

1 Samuel 4:4

Yiti maen ne tuli mmenia maa bɛhɔle Silo, na Asafo AWURADE bɔ ɔte kɛrubim nemɔ b’afia ne, bɛɛfale ye apam alaka ne befili dɔ bɛwale. Hofini ne Finehase bɔ bɛte Eli mma nyɔ ne, né bɛwɔ Nyameɛ apam alaka ne anwo.