Ɛksadɔso 25:18 - AHYERƐLƐ KRONGRON

¹⁸ Yɔ kɛrubim nyɔ siesie mbata bia ne ye ti ne ye ti; sikaa kɔkorɛ bɔ afa buralɛ aboro yeɛ fa yɔ ɔ.

Ɛksadɔso 25:18 Iomraidhean Croise

Gyenesise 3:24

Ɔfoane kuro sona ne fili berɛ, na ɔfale kɛrubim, ɔne ngrandɛ bɔ ogye wuronyiwuronyi, na osa pɛ ye nwo osiele Eden turo ne nyunu wɔ eyia afiteleɛ, kyɛ ɔbɔ atee bɔ ɔkɔ ngoa bakaa ne nwo waen.

1 Aberɛso Dwirɛ 28:18

esikaa kɔkorɛ paa somaa bɔ odi kyɛ bɛfa bɛyɔ ɛyɛɛ bokyea ne ɔ. Yeɛ afei esikaa kɔkorɛ paa somaa bɔ odi kyɛ bɛfa bɛyɔ esikaa kɔkorɛ teaseɛnam, kɛrubim bɔ bɛ ndaa nu atrɛtrɛ akata AWURADE apam alaka ne aso ne.

2 Aberɛso Dwirɛ 3:10

Krongron nu krongron ne anu, olili kɛrubim adwii nyɔ siesiele berɛ, na ɔfale esikaa kɔkorɛ borole bɛ nwo.

Ɛksadɔso 25:17

“Fa sikaa kɔkorɛ paa yɔ mbata bia. Ma ye tendenn nu yɛ agyirɛ nyɔ ne bue, ná ye tɛtrɛtɛɛ nu yɛ agyirɛ ko ne bue.

Ɛksadɔso 25:19

Yɔ kɛrubo ngoko siesie ye ti ne ye ti. Yɔ kɛrubim nemɔ ne mbata bia ne bɔ nu wɔ ye ti ne ye ti.

Ɛksadɔso 25:36

Ma bɛ nyerɛen nemɔ, bɛ mmaen nemɔ, ɔne kanea bakaa ne béfi sɔ sikaa kɔkorɛ kundunzii komapɛ bɔ bafa buralɛ baboro ne ala nu.

Hesekiel 10:2

Na osele biaa bɔ ɔhera nwera ne kyɛ, “Kango mɔ bɔ bɛwɔ kɛrubim nemɔ abo ne, kɔworo b’afia; fura see gonn bɔ ɔwɔ kɛrubim nemɔ b’afia ne, ná to pete kuro ne aso.” Na ɔworole nu bɔ me nye tua ɔ.

Hesekiel 10:20

Sɔ abɔdeɛ teasefoɛ nemɔ, bɛ yeɛ nwuni bɛ wɔ Yisrael Nyameɛ ye bo wɔ asue Kebare noa ne, na nwuni kyɛ bɛte kɛrubim.

Hesekiel 10:3

Né kɛrubim nemɔ begyigyi awuro ne ngwaen wɔ mmerɛ bɔ biaa ne worole nu ne, na munungum yili awuro ne akunu berɛ tɛkyɛ.

Hebrifoɛ 9:5

Né animnyam kɛrubim mɔ batrɛtrɛ bɛ ndaa nu wɔ mbata bia ne aso wɔ alaka ne aso. Nakoso kekesaala ye de, yɛngɔhora yɛngɔhã sɔ nningyein hemɔ nwo dwirɛ ngoko ngoko.

1 Samuel 4:4

Yiti maen ne tuli mmenia maa bɛhɔle Silo, na Asafo AWURADE bɔ ɔte kɛrubim nemɔ b’afia ne, bɛɛfale ye apam alaka ne befili dɔ bɛwale. Hofini ne Finehase bɔ bɛte Eli mma nyɔ ne, né bɛwɔ Nyameɛ apam alaka ne anwo.