Ɛksadɔso 25:16 - AHYERƐLƐ KRONGRON

¹⁶ Fa Adanzeɛ bɔ mebaafa mema wɔ ne to alaka ne anu.

Ɛksadɔso 25:16 Iomraidhean Croise

1 Ahemvo 8:9

Né nikye fee nne alaka ne anu, sana nyɔboɛ taataa nyɔ bɔ Mose fa guale nu wɔ Horebo, nekaa bɔ AWURADE ne Yisraelfoɛ bɛyɛle apam mmerɛ bɔ befili Misraim aseɛ so bɛwale ne.

2 Ahemvo 11:12

Afei Yehoada yele Nana Ahasia awa ne fitele. Ɔfale ahennie abotire bɔle ye, na ɔfale Adanzeɛ nwomaa ne mane ye. Bɛbɔle ye ohomoo, na bɛfale ɛpopalɛ ngoo bɛpopale ye. Bɛbɔle bɛ sa nu bɛbɔle ese kyɛ, “Nana, wɔ ngoa so oo!”

2 Aberɛso Dwirɛ 23:11

Afei Yehoada yele Nana Ahasia awa Yoase fitele. Ɔfale ahennie abotire bɔle ye, na ɔfale Adanzeɛ nwomaa ne mane ye. Bɛbɔle ye ohomoo, na Yehoada ne ye mma bɛfale ɛpopalɛ ngoo bɛpopale ye. Na bɛbɔle ese kyɛ, “Nana, wɔ ngoa so oo!”

Ɛksadɔso 16:34

Na kyɛbɔ AWURADE hyɛle Mose nen, sɔ ala yeɛ Aarɔn fa siele Adanzeɛ ne anu, kyɛ bɛ́fa bésie ɔ.

Ɛksadɔso 25:21

Fa mbata bia ne sie alaka ne aso anwuro, ná fa Adanzeɛ bɔ mebaafa mema wɔ ne to alaka ne anu.

Ɛksadɔso 26:33

Fa mbɛmuɛ tena ne sinze tɔkorɔ nemɔ aso, ná fa Adanzeɛ alaka ne sie mbɛmuɛ tena ne asi. Mbɛmuɛ tena ne yeɛ okonwi nekaa krongron ne ɔne krongron nu krongron ne b’afia kɔma wɔ ɔ.

Ɛksadɔso 27:21

Ɛtena sua atenaleɛ berɛ, bɔ ɔwɔ mbɛmuɛ tena bɔ onwi Adanzeɛ ne nyunu ne, Aarɔn ne ye mma mmienzua mɔ yeɛ bɛkɔnea kyɛ kanea nemɔ asosɔ wɔ AWURADE nyunu ɔ, ofi nɔsoa bɔ ɔkwaadwu ngyerɛmɔ. Na sɔ ahyɛdeɛ ne kɔla berɛ daa kɔma Yisraelfoɛ wɔ b’aworɛ ndoatoasoɛ amukoraati nu.

Ɛksadɔso 30:36

Tĩ bie ma ɔyɛ muhumuhu, ná fa bie sie Adanzeɛ ne nyunu wɔ ɛtena sua atenaleɛ nu berɛ, nekaa bɔ me ne wɔ yɛkoyia ne. Na ɔkɔyɛ krongron paa kɔma ɛmɔ.

Ɛksadɔso 30:6

Mbɛmuɛ tena bɔ onwi Adanzeɛ alaka ne nyunu ne, fa afɔleɛ bokyea ne sie ye nyunu, wɔ mbata bia bɔ ɔwɔ Adanzeɛ ne aso ne ye nyunu, nekaa bɔ me ne wɔ yɛkoyia ne.

Ɛksadɔso 31:18

Na mmerɛ bɔ Nyameɛ ne Mose bedwudwole beyiele wɔ Sinai bokaa ne aso nen, ɔfale Adanzeɛ nyɔboɛ taataa nyɔ ne mane Mose, nyɔboɛ taataa bɔ Nyameɛ afa ye sa mmɛseka wahyerɛ so ne.

Ɛksadɔso 32:15

Yiti Mose kakyili ye nwo, na ɔfale Adanzeɛ nyɔboɛ taataa nyɔ ne tirale ye sa nu torotorole bokaa ne dwuli ase: nyɔboɛ taataa bɔ bahyerɛ ye bue nyɔ ne aso ne, bɔ bahyerɛ ye nyunu ne ye si ne.

Ɛksadɔso 34:29

Mose fili Sinai bokaa ne aso dwuli ase. Mmerɛ bɔ né ódwu fi bokaa ne aso ba ase, bɔ né otira Adanzeɛ nyɔboɛ taataa nyɔ nen, né Mose nze kyɛ ɔnate Nyameɛ bɔ ɔne ye bali ngɔmɔ ne ati, ye nyunu ata ɔ.

Ɛksadɔso 38:21

Nyianu sua ne nwo nningyein ne, ye nwo ngondaa ɛhe: mekyire adanzeɛ ɛtena sua bɔ ɔsɔfo Aarɔn awa Yitama neane Lewifoɛ mɔ so maa bɛhyerɛ bɛtole berɛ, kyɛbɔ Mose hyɛle ne.

Ɛksadɔso 40:20

Ɔfale Adanzeɛ ne tole apam alaka ne anu, ɔfale mbuna nemɔ wurawurale apam alaka ne anwo, na ɔfale mbata bia ne siele alaka ne aso.

Numeri 17:4

Fa gua ɛtena sua atenaleɛ ne anu wɔ Adanzeɛ ne anyunu, nekaa bɔ me ne ɛmɔ yɛyia ne.

Asomafoɛ 7:44

“Né yɛ nana mɔ le ɛtena sua wɔ ɛserɛ ne aso bɔ okyire kyɛ Nyameɛ ne bɛ bɛwɔ berɛ ɔ. Na kyɛbɔ Nyameɛ hyɛle Mose kyɛ ɔyɔ ɛtena sua nen, kyɛbɔ osi nwuni ye ne ala yeɛ ɔyɔle ye ɔ.

Romanfoɛ 3:2

Ye nwo le mvasoɛ atee pee so! Bɔ oli moa ɔ, Nyameɛ fale ye noa dwirɛ wurale Yudafoɛ bɛ sa.

Deuteronomi 31:26

“Ɛ́mɔle mmeraa nwomaa he, ná ɛ́mɔfa bɛ́to AWURADE ɛmɔ Nyameɛ apam alaka ne anwo. Maa ɔla berɛ oli adanzeɛ tia wɔ.

Hebrifoɛ 9:4

Né sɔ nningyein hemɔ wɔ nu: esikaa kɔkorɛ afɔleɛ bokyea bɔ bɛyera ɛyɛɛ so, apam alaka bɔ bafa sikaa kɔkorɛ baboro ye nwo amu ɔ, sikaa kɔkorɛ kutusi bɔ mana wɔ nu ɔ, Aarɔn pɔmaa bɔ ɔfefɛle ne, ɔne nyɔboɛ nyɔ bɔ bahyerɛ apam ne bagua so ne.

Yosua 4:16

“Ma asɔfo mɔ bɔ bɛsõ Adanzeɛ alaka ne befi Yɔɔdan nu befite.”