Ɛksadɔso 24:7 - AHYERƐLƐ KRONGRON

⁷ Afei ɔfale apam nwomaa ne, ɔkengale mane mmenia ne tiele, na besele kyɛ, “Edwirɛ biala bɔ AWURADE aha ne, yɛkɔyɔ, na yɛkoli so.”

Ɛksadɔso 24:7 Iomraidhean Croise

1 Ahemvo 8:9

Né nikye fee nne alaka ne anu, sana nyɔboɛ taataa nyɔ bɔ Mose fa guale nu wɔ Horebo, nekaa bɔ AWURADE ne Yisraelfoɛ bɛyɛle apam mmerɛ bɔ befili Misraim aseɛ so bɛwale ne.

2 Aberɛso Dwirɛ 15:14

Bele komviɛ piri ne esebɔlɛ ne totorobɛndohulɛ ne awɛenhulɛ bɛtale ndaen behyirele AWURADE.

Edwein 50:5

Ɔnwa, “M’anwoteefoɛ bɔ bɛnate afɔleɛ so bɛ ne me ayɛ apam ne, ɛ́mɔboaboa bɛ noa bɛma me!”

Edwein 78:36

Nakoso bɛ noa yeɛ bɛfa bɛdɛfɛdɛfɛle ye ɔ, nnakannaka dwirɛ yeɛ bɛkã bekyire ye ɔ.

Ɛksadɔso 19:8

Yisraelfoɛ amukoraa bɛ noa yɛle ko, na bebuale kyɛ, “Bɔ AWURADE aha ne amukoraa, yɛkɔyɔ.” Na Mose fale mmenia nemɔ mmuayɛɛ ne tole AWURADE nyunu.

Yeremia 34:13

“AWURADE Yisrael Nyameɛ nwa nyoo: Mmerɛ bɔ nyele ɛmɔ nana mɔ mvili ngoaasolɛ tebea nu wɔ Misraim aseɛ so mmale ne, me ne bɛ yɛyɛle apam kyɛ,

Yeremia 42:6

Kyɛ ɔte paa oo, kyɛ ɔtte mayee oo, yɛkotie AWURADE yɛ Nyameɛ bɔ yɛ́soma wɔ ye berɛ ne dwirɛ, amaa ɔnate so, sɛ yɛtie AWURADE yɛ Nyameɛ dwirɛ a, wayie yɛ yé.

Hesekiel 16:8

“Na mmerɛ bɔ mebaapɛ nu wɔ nwo berɛ bieku ná nwuni wɔ nen, tie, né adwu ehurolɛ mmerɛ so; na ndrɛtrɛle me tena nu mva ngatale wɔ nwo bɔ ɔla so ne, na me ne wɔ yɛyɛle apam bɔ mvale ndaen mvoale so ɔ, na ɛɛyɛle me deɛ, AWURADE Nyameɛ noa dwirɛ ɛne.

Malaki 2:10

Aso nna Seɛ komapɛ yeɛ yɛ mukoraa yɛle ye ɔ? Aso nna Nyameɛ komapɛ yeɛ ɔbɔle yɛ ɔ? Na ɔwale ye sɛ bɔ ebiala pepɛ ngondombo okyire obiɛngo, bɔ yɛfa yɛgua yɛ nana mɔ apam ne anwo fiɛ ɔ?

Asomafoɛ 13:15

Mmerɛ bɔ ebie kengale Mose mmeraa ne ɔne ngɔmhyɛlɛfoɛ nwomaa ne yiele nen, nyianu sua ne anu mbanyi bisale Pɔɔlo ne Banaba kyɛ, “Aliɛmaa mɔ, sɛ ɛmɔle foɛtulɛ dwirɛ bie bɛma mmenia ne a, ɛmɔhã.”

Kolosefoɛ 4:16

Sɛ ɛmɔkenga krataa he wɔ ɛmɔ nu beyie a, ɛ́mɔma bɛkenga ye wɔ Laodikeafoɛ asɔre nu koso. Ɛmɔ koso odi kyɛ ɛmɔkenga Laodikeafoɛ krataa bɔ bɛkɔfa bɛkɔbrɛ ɛmɔ ne.

1 Tɛsalonikafoɛ 5:27

Méfa ahyɛdeɛ mema ɛmɔ wɔ Awurade nu kyɛ, ɛ́mɔkenga krataa he behyire agyidifoɛ nemɔ amukoraati.

Yosua 24:24

Na maen ne buale Yosua kyɛ, “AWURADE yɛ Nyameɛ yeɛ yɛkɔso ye ɔ, na ye dwirɛ so yeɛ yɛkoli ɔ.”