Ɛksadɔso 24:6 - AHYERƐLƐ KRONGRON

⁶ Mose fale mogya ne bue ko guale ayaa nu, yeɛ ye bue ko wora ohwie guale afɔleɛ bokyea ne anwo.

Ɛksadɔso 24:6 Iomraidhean Croise

2 Ahemvo 17:15

Ye ahyɛdeɛ, ye apam bɔ ɔne bɛ nana mɔ yɛle, ɔne kɔkɔbɔlɛ bɔ ɔbɔle bɛ nana mɔ ne, bebuli bɛ nye beguale so. Mmosoen bɔ bɛ nwo olle mvasoɛ yeɛ beelili bɛ si ɔ, maa ɔnate so bɛ bɔbɔ koso bɛ so amma mvasoɛ. Maen maen bɔ bapɛ Yisraelfoɛ nwo bayia bɔ AWURADE ahã bɛ nwo dwirɛ ahyire Yisraelfoɛ kyɛ nnɛmaa bɛyɔ bɛ yɔleɛ ne bie ne, bɛ yeɛ Yisraelfoɛ lili bɛ si ɔ.

Edwein 99:6

Né Mose ne Aarɔn bɛboka ye asɔfo nemɔ aso; né Samuel boka bɛ bɔ bɛbɔ ye dumaa bɛsɔne ye nemɔ aso. Besu bɛfrɛle AWURADE, na otiele bɛ.

Ɛksadɔso 12:22

Ɛ́mɔfa sufiɛ, ná ɛ́mɔfa bɛbɔ mogya bɔ ɔwɔ ayaa ne anu, ná ɛ́mɔfa mogya bɔ ɔwɔ nu ne bɛ́keka sua ne bati so ɔne aponnwaa nyɔ ne. Nnɛma ɛmɔ nu biala fi ye awuro fite maa okodwu ngyerɛmɔ.

Ɛksadɔso 12:7

Awuro bɔ bekoli naen ne wɔ nu nen, ɔsɛ kyɛ bɛfa mogya ne bie bɛkeka aponnwaa nyɔ ne, ɔne sua ne ye bati so.

Ɛksadɔso 24:8

Afei ɔfale mogya ne petene mmenia ne anwo, na ɔhane kyɛ, “Apam bɔ AWURADE nate edwirɛ he amukoraa so ɔne ɛmɔ bayɛ ne, mogya he yeɛ osi ye agyinayɛɛ ɔ.”

Ɛksadɔso 29:16

Ku boaen nyii ne, ná fa ye mogya ne petepete afɔleɛ bokyea ne anwo bra yia.

Ɛksadɔso 29:20

Ku boaen nyii ne, ná fa ye mogya ne bie kekã Aarɔn so famaa tɛndiaa ne, ye mma mmienzua nemɔ so famaa tɛndiaa ne, bɛ sa kokotire famaa ne, ɔne bɛ gya kokotire famaa ne. Na mogya bɔ ɔkɔha ne de, hwie gua afɔleɛ bokyea ne anwo bra yia.

Yeremia 31:32

Ɔngɔyɛ kyɛ apam bɔ me ne bɛ nana mɔ yɛyɛle, mmerɛ bɔ nzɔle bɛ sa nyele bɛ mvili Misraim aseɛ so ne. Ɔwɔ nu kyɛ me yeɛ né nde bɛ hu ɔ, nakoso bebuli m’apam ne aso, AWURADE noa dwirɛ ɛne.

Lewitikɔso 1:11

Odi kyɛ oku ye wɔ afɔleɛ bokyea ne sorɔ wɔ AWURADE nyunu, ná Aarɔn mma mmienzua nemɔ bɔ bɛ yeɛ bɛte asɔfo ne, bɛ́fa ye mogya ne, ná béhwie bégua afɔleɛ bokyea ne nwo bɛ́bra béyia.

Lewitikɔso 1:5

Na afei ohu nandwie nyii ne wɔ AWURADE nyunu, ná Aarɔn mma mmienzua nemɔ bɔ bɛ yeɛ bɛte asɔfo ne, bɛ́fa mogya ne, ná béhwie bégua afɔleɛ bokyea bɔ ogyi ɛtena sua atenaleɛ anoa nu berɛ ne anwo bɛ́bra béyia.

Lewitikɔso 3:2

Odi kyɛ ɔfa ye sa to kaka ne ti afia, ná oku ye wɔ ɛtena sua atenaleɛ anoa nu berɛ; na Aarɔn mma mmienzua bɔ bɛ yeɛ bɛte asɔfo ne, odi kyɛ bɛfa mogya ne behwie begua afɔleɛ bokyea ne anwo bɛbra beyia.

Lewitikɔso 3:8

Odi kyɛ ɛfa wɔ sa to kaka ne ti afia ná eku ye wɔ ɛtena sua atenaleɛ ne anyunu, ná Aarɔn mma mmienzua nemɔ béhwie ye mogya ne bégua afɔleɛ bokyea ne anwo bɛ́bra béyia.

Lewitikɔso 4:6

odi kyɛ ɔsɔfo ne ɔfa ye sa mmɛseka ɔbɔ mogya ne anu ná ɔfa bie pete pɛen nzoo, AWURADE nyunu, wɔ nekaa krongron mbɛmuɛ tena ne anyunu.

1 Korintofoɛ 11:25

Sɔ ala yeɛ bedidi beyiele nen, ɔfale kulie ne, na ɔhane kyɛ, “Kulie he te apam foforɛ me mogya nu; mmerɛ biala bɔ ɛmɔkɔno ne, ɛ́mɔyɔ he bɛ́fa bɛ́kaye me.”

Kolosefoɛ 1:20

Ɔnate ye so Nyameɛ ahwe nningyein mukoraa bɔ bɛwɔ aseɛ so ne nyameɛso wabata ye bɔbɔ ye nwo; na ɔnate ye mmeamudua nu mogya ne aso yeɛ wama sɔ asomdwee ye awa ɔ.

Hebrifoɛ 12:24

Ɛmɔawa Yesu bɔ ɔte apam foforɛ ne anu ndamgyinaniɛ, ɔne mogya bɔ bɛfa bɛpetene bɔ ɔkã nningyein paa nwo dwirɛ tra Abel deɛ ne berɛ.

Hebrifoɛ 8:9

na ɔngɔyɛ kyɛ apam bɔ me ne bɛ nana mɔ hyehyɛle wɔ kyẽa bɔ nzɔle bɛ sa nyele bɛ mvili Misraim aseɛ so ne; ɔnate kyɛ bangɔso banni m’apam ne aso, na me koso nyele me nye mvili bɛ so, Awurade noa dwirɛ ɛne.

Hebrifoɛ 9:18

Na ɔnate ɛhe ati yeɛ apam bɔ oli moa ne po anyɛ adwuma kɔpem kyɛ bɛfale mogya bɛbɔle ye atenaseɛ ɔ.

Hebrifoɛ 9:19

Ofikyɛ, mmerɛ bɔ Mose kengale ahyɛdeɛ bɔ ɔwɔ mmeraa ne anu hyirele maen ne amukoraa yiele nen, ɔfale nandwie mmaa ne mbɔngye mogya frale nzue, na ɔfale sufiɛ ne adaabene bɔle nu fa petene mmeraa nwomaa ne, ɔne mmenia ne amukoraa bɛ so.

Hebrifoɛ 9:21

Sɔ ala koso yeɛ ɔfale mogya ne petene ɛtena sua ne, ɔne nningyein mukoraa bɔ bɛfa bɛsɔne Nyameɛ nwo ɔ.

1 Petro 1:19

na mmom Kristo bɔ ɔte kyɛ boaen ba bɔ ollili nnɛen bɔ ngekalewa biala nne ye nwo ne, ye mogya bɔ odi mu ne yeɛ bɛfa bɛpɔle ɛmɔ ɔ.

1 Petro 1:2

bɛ bɔ Baba Nyameɛ waneanea nu waye bɛ fi tetetete, bɔ ɔnate Sunzum Krongron so wate bɛ nwo wama Yesu Kristo nwo sotie ɔne ye mogya nu anwopetenɛ ne: Adom ne asomdwee mmorosoɛ ɔyɛ ɛmɔ deɛ.