Ɛksadɔso 24:4 - AHYERƐLƐ KRONGRON

⁴ Na Mose hyerɛle AWURADE dwirɛ ne amukoraati. Na ɔpɛle aleɛ dwɔsole ngyerɛmɔ sili afɔleɛ bokyea wɔ bokaa ne nye abo, na ɔfale nyɔboɛ buru ne nyɔ penapenane berɛ, ɔfa gyinane berɛ mane Yisrael abusua kure buru ne nyɔ ne.

Ɛksadɔso 24:4 Iomraidhean Croise

Gyenesise 12:7

Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne.

Gyenesise 28:18

Yiti Yakob dwɔsole ngyerɛmɔ tutututu, na ɔfale nyɔboɛ bɔ ɔfa suane ne, na ɔfa penane berɛ kyɛ ngayeɛ nyɔboɛ, na ohwiele ngoo guale so.

Gyenesise 28:22

Na nyɔboɛ he bɔ mafa mapena berɛ mayɛ ngayeɛ nyɔboɛ ye kɔyɛ Nyameɛ awuro, na nikyee biala bɔ ɛkɔma me ne, ngɔma wɔ so buru nu ngyɛmuɛ ko.”

Gyenesise 31:45

Yiti Yakob fale nyɔboɛ penane berɛ yɛle ngayeɛ nyɔboɛ wɔ berɛ.

1 Ahemvo 11:30

Yeɛ Ahiya sɔle ɛtena monɛ bɔ ɔhera ye ne anu, na osunzuale nu sii sii buru ne nyɔ.

1 Ahemvo 18:31

Elia sesale nyɔboɛ buru ne nyɔ, kyɛbɔ Yakob bɔ AWURADE hã hyirele ye kyɛ, ‘Bɛkɔfrɛ wɔ Yisrael’ ne, ye mma mmienzua mɔ mmusua kure ne, bɛ somaa te ɔ.

Ɛsra 6:17

Mmerɛ bɔ bétu Nyameɛ awuro ne bewura Nyameɛ sa ne, bɛfale ɛhemɔ bɛbɔle afɔleɛ: nandwie nyii ɛyaa ko, mmoaen nyii ɛyaa nyɔ, mmoaen akrɔngrɔma ɛyaa nna; yeɛ bɛfale mbɔngye nyii buru ne nyɔ bɛbɔle Yisrael bɔne nwo afɔleɛ, kyɛbɔ Yisrael mmusua kure nemɔ bɛ somaa te ɔ.

Nehemia 10:1

Nwomaa ne, mmenia hemɔ yeɛ bɛfale bɛ nzɔanoɛ bɛsɔle ye noa ɔ: Hakalia awa Nehemia bɔ ɔte amrado ne, ɔne Sedekia;

Ɛksadɔso 17:14

Na AWURADE sele Mose kyɛ, “Kyerɛ he wɔ nwomaa bie aso ma ɔyɛ ngayeɛ nikye, ná kenga kyire Yosua kyɛ, ngonua Amalɛke ye boso ngofi aseɛ ye aso.”

Ɛksadɔso 17:15

Yeɛ Mose sili afɔleɛ bokyea, na ɔtole ye dumaa: AWURADE te me frangaa.

Ɛksadɔso 21:1

“Nhyehyɛleɛ hemɔ yeɛ hyehyɛ ma bɛ ɔ:

Ɛksadɔso 24:7

Afei ɔfale apam nwomaa ne, ɔkengale mane mmenia ne tiele, na besele kyɛ, “Edwirɛ biala bɔ AWURADE aha ne, yɛkɔyɔ, na yɛkoli so.”

Ɛksadɔso 28:21

Ɔsɛ kyɛ nyɔboɛ nemɔ yɛ buru ne nyɔ. Yisrael mma mmienzua nemɔ, ko biala dumaa kogua ko aso. Maa beli adwii bekolikoli ko biala so kyɛbɔ nzɔanoɛ so kolikolilɛ te ɔ. Abusua buru ne nyɔ ne, ko biala dumaa kogua ko aso.

Ɛksadɔso 34:27

Na AWURADE sele Mose kyɛ, “Kyerɛ edwirɛ hemɔ, ofikyɛ edwirɛ hemɔ so yeɛ ngyi bɔ me ne wɔ ne Yisrael yayɛ apam ɔ.”

Yesaya 19:19

Sɔ kyẽa ne, bekosi afɔleɛ bokyea wɔ Misraim aseɛ ne afia bɛkɔma AWURADE, na bɛkɔfa ngayeɛ nyɔboɛ bɛkɔpena ye wɛen so bɛkɔma AWURADE.

Lewitikɔso 24:5

“Odi kyɛ ɛfa esam paa, ná ɛfa to paanoo buru ne nyɔ. Fa esam ne olonka nyɔ to paanoo ko biala.

Numeri 17:2

“Ka kyire Yisraelfoɛ maa bɛma wɔ pɔmaa buru ne nyɔ. Dé fi bɛ bɔ betua bɛ nana mɔ sasofoɛ noa ne amukoraa bɛ dɔ; bɛ bɔ betua bɛ nana mɔ sasofoɛ noa ne, ebiala ye deɛ ko. Kyerɛ ebiala ye dumaa gua ye pɔmaa nwo,

Luka 22:30

amaa ɔnate so ɛmɔadidi ná ɛmɔano wɔ me poen so wɔ m’ahennie nu, ná ɛmɔatenatena ahennie bia so babua Yisrael mmusua kure buru ne nyɔ ne ndɛen.”

Galatiafoɛ 2:9

Na Yakobo, Kefa ne Yohane bɔ agyidifoɛ ne bu bɛ kyɛ bɛte bonima ma asɔre ne nwuni adom bɔ manya ye nen, besomane me ne Banaba sa nu bɛfa behyirele kyɛ bale yɛ bato nu: kyɛ yɛɛha nzɛmba ne yɛhyire Amaenmaensofoɛ, na bɛ wora bɛɛhã ye bienzuapɛlɛfoɛ nemɔ dɔ.

Deuteronomi 31:9

Afei Mose hyerɛle sɔ mmeraa he, na ɔfa mane asɔfo nemɔ, bɔ bɛte Lewi bosofoɛ bɔ bɛsoa AWURADE apam alaka ne, yeɛ afei Yisrael mbanyi amukoraati koso.

Yosua 4:20

Na nyɔboɛ buru ne nyɔ ne, bɔ bɛsesale befili asue Yɔɔdan nu ne, Yosua fa penapenane Gilgal.

Yosua 4:5

Na Yosua sele bɛ kyɛ, “Ɛ́mɔli AWURADE ɛmɔ Nyameɛ alaka ne nyunu moa bɛ́hɔ asue Yɔɔdan afia, ná ɛmɔ nu biala ɔ́fa nyɔboɛ ko ɔto ye kɔme anwo. Nyɔboɛ ko biala gyi berɛ ma Yisrael abusua kure ko,

Nyekyire 21:14

Kuro ne, ye fasue ne gyi fapem buru ne nyɔ so, bɔ Boaen Ba n’asomafoɛ buru ne nyɔ nemɔ bɛ dumaa guagua so ɔ.