Ɛksadɔso 24:3 - AHYERƐLƐ KRONGRON

³ Mose wale, na ɔɔfale AWURADE dwirɛ amukoraa ne ye nhyehyɛleɛ amukoraa bɔle mmenia ne amaneɛ, na mmenia ne amukoraa bɔle nu hane kyɛ, “Edwirɛ biala bɔ AWURADE aha ne, yɛkoli so.”

Ɛksadɔso 24:3 Iomraidhean Croise

2 Aberɛso Dwirɛ 15:14

Bele komviɛ piri ne esebɔlɛ ne totorobɛndohulɛ ne awɛenhulɛ bɛtale ndaen behyirele AWURADE.

2 Aberɛso Dwirɛ 15:15

Ɔnate ndaen ne ati, Yuda amukoraa belili ahurusi, ofikyɛ bɛfale b’ahone amukoraa yeɛ bɛfoale so ɔ. Bɛyele bɛ kunu amukoraati yeɛ bɛpenane AWURADE si ate ɔ, na benwuni ye. Na AWURADE mane bɛ asomdwee fili bɛ pɔfoɛ mɔ sa nu wɔ nekaa biala.

Edwein 50:5

Ɔnwa, “M’anwoteefoɛ bɔ bɛnate afɔleɛ so bɛ ne me ayɛ apam ne, ɛ́mɔboaboa bɛ noa bɛma me!”

Ɛksadɔso 19:8

Yisraelfoɛ amukoraa bɛ noa yɛle ko, na bebuale kyɛ, “Bɔ AWURADE aha ne amukoraa, yɛkɔyɔ.” Na Mose fale mmenia nemɔ mmuayɛɛ ne tole AWURADE nyunu.

Ɛksadɔso 24:2

Mose ngome twe yeɛ odi kyɛ opingye AWURADE ɔ; nakoso bɛ ngaa ne de, nnɛmaa bepingye ye; yeɛ mmenia ne koso, nnɛmaa bɛ ne ye fo ba bie.”

Ɛksadɔso 24:7

Afei ɔfale apam nwomaa ne, ɔkengale mane mmenia ne tiele, na besele kyɛ, “Edwirɛ biala bɔ AWURADE aha ne, yɛkɔyɔ, na yɛkoli so.”

Yeremia 11:4

apam bɔ nhyehyɛle mane ɛmɔ nana mɔ mmerɛ bɔ nyele bɛ mvili Misraim aseɛ so, buralɛ foonoo nu ne. Na ngane kyɛ, ɛ́mɔtie me dwirɛ, na ɛ́mɔli ahyɛdeɛ amukoraa bɔ mafa mama ɛmɔ ne aso. Ɔba ye sɔ a, ɛmɔkɔyɛ me maen, ná me koso mayɛ ɛmɔ Nyameɛ,

Yeremia 34:13

“AWURADE Yisrael Nyameɛ nwa nyoo: Mmerɛ bɔ nyele ɛmɔ nana mɔ mvili ngoaasolɛ tebea nu wɔ Misraim aseɛ so mmale ne, me ne bɛ yɛyɛle apam kyɛ,

Hagae 2:5

Na kyɛbɔ me ne ɛmɔ yɛyɛle apam wɔ mmerɛ bɔ ɛmɔfili Misraim bɛwale ne, sɔ ala yeɛ me Sunzum te ɛmɔ nu ɔ, yiti nnɛma ɛmɔsuro.

Malaki 2:10

Aso nna Seɛ komapɛ yeɛ yɛ mukoraa yɛle ye ɔ? Aso nna Nyameɛ komapɛ yeɛ ɔbɔle yɛ ɔ? Na ɔwale ye sɛ bɔ ebiala pepɛ ngondombo okyire obiɛngo, bɔ yɛfa yɛgua yɛ nana mɔ apam ne anwo fiɛ ɔ?

Deuteronomi 11:1

“Yiti ɔsɛ kyɛ ekuro AWURADE wɔ Nyameɛ dwirɛ, ná edi ye dwirɛ, ye ahyɛdeɛ, ye nhyehyɛleɛ ne ye mmeraa dwirɛ so mmerɛ biala.

Deuteronomi 4:1

“Afei Yisrael, tie ahyɛdeɛ ne nhyehyɛleɛ bɔ mekyirekyire ɛmɔ kyɛ ɛmɔli so ne, amaa ɔnate so ɛmɔanya ngoa, ná ɛmɔahɔ baafa aseɛ bɔ AWURADE ɛmɔ nana mɔ Nyameɛ ɔ́fa ma ɛmɔ ne.

Deuteronomi 4:45

Ɛhemɔ te edwirɛ, ahyɛdeɛ ne nhyehyɛleɛ bɔ Mose fa mane Yisraelfoɛ wɔ mmerɛ bɔ befili Misraim bɛwale ne,

Deuteronomi 4:5

Ɛ́mɔtie, kyɛbɔ AWURADE me Nyameɛ hyɛle me ne, sɔ ala yeɛ mahyirehyire ɛmɔ ahyɛdeɛ ne nhyehyɛleɛ ne ɔ, kyɛbɔ ɔkɔyɛ bɔ ɛmɔkoli so wɔ aseɛ bɔ ɛmɔkwaafa bɛtena so ne aso ɔ.

Deuteronomi 5:1

Mose mane Yisraelfoɛ amukoraati beeyiale, na osele bɛ kyɛ, “O Yisrael, ɛ́mɔtie ahyɛdeɛ ne nhyehyɛleɛ bɔ méka ma ɛmɔte ye ɛnɛ kyẽa ye. Ɔsɛ kyɛ ɛmɔsua ná ɛmɔdi so pɛpɛɛpɛ.

Deuteronomi 5:31

Nakoso wɔ de, gyina me nwo wa, na ngɔhã mmeraa dwirɛ ne ahyɛdeɛ ne nhyehyɛleɛ mukoraa bɔ ɛkɔfa kohyirehyire bɛ ɔ ngohyire wɔ, amaa ɔnate so bali so wɔ aseɛ bɔ méfa memaa ɔyɛ bɛ deɛ ne aso.’

Deuteronomi 6:1

“Afei mmeraa dwirɛ, ahyɛdeɛ ne nhyehyɛleɛ bɔ AWURADE ɛmɔ Nyameɛ hyɛle me kyɛ ngyirekyire ɛmɔ ma ɛmɔli so wɔ aseɛ bɔ ɛmɔkwaapɛ asue Yɔɔdan bɛkɔɔfa ne ɛhe;

Yosua 24:21

Na maen ne buale Yosua kyɛ, “Daabi! AWURADE yeɛ yɛkɔso ye ɔ.”

Yosua 24:22

Na afei Yosua sele maen ne kyɛ, “Ɛmɔ bɔbɔ ɛmɔte ɛmɔ nwo adanzefoɛ kyɛ AWURADE yeɛ ɛmɔaneanea nu baye ye kyɛ ɛmɔkɔso ye ɔ.” Na bɛ koso bebuale kyɛ, “Yɛte adanzefoɛ.”

Yosua 24:24

Na maen ne buale Yosua kyɛ, “AWURADE yɛ Nyameɛ yeɛ yɛkɔso ye ɔ, na ye dwirɛ so yeɛ yɛkoli ɔ.”