Ɛksadɔso 24:14 - AHYERƐLƐ KRONGRON

¹⁴ Na osele mbanyi nemɔ kyɛ, “Ɛ́mɔtena wa bɛnwondɛ yɛ kɔpem kyɛ yɛkosa kɔwa ɛmɔ wa ɔ. Aarɔn ne Hure boka ɛmɔ so wɔ wa; na sɛ ebie le dwirɛ bie a, maa ɔfa hɔ bɛ gya so.”

Ɛksadɔso 24:14 Iomraidhean Croise

Gyenesise 22:5

Na Abraham sele ye somvoɛ nemɔ kyɛ, “Ɛmɔ ne afunum ne bɛtena wa; na me ne akwadaa ye yɛkwaasɔne Nyameɛ wɔ moa dɔ, na yɛkosa yɛkɔwa ɛmɔ nwo wa.”

Ɛksadɔso 17:10

Yiti Yosua ne Amalɛkefoɛ mɔ bɛɛhone, kyɛbɔ Mose ha hyirele ye ne ala. Na Mose, Aarɔn ne Hure bɛfo bɛhɔle bokaa ne ti afia.

Ɛksadɔso 17:12

Nakoso Mose sa nyane; yiti bɛfale nyɔboɛ bie bɛtole ye gya si berɛ deinn, na ɔtenane so. Na Aarɔn ne Hure pagyale ye sa ne hɔle anwuro, ko gyinane ye bue faen, yeɛ ko wora gyinane ye bue dɔ. Yiti ye sa ne hora gyinane berɛ toonn mane eyia tɔle.

Ɛksadɔso 18:16

Sɛ ebie ne obiɛngo benya dwirɛ a, bɛba me berɛ maa mesiesie b’afia, na mekyire bɛ Nyameɛ ahyɛdeɛ ne ye mmeraa.”

Ɛksadɔso 32:1

Mmerɛ bɔ mmenia ne nwuni kyɛ Mose ahyɛ soma wɔ bokaa ne aso, ná ondwu mma nen, mmenia ne boaboale bɛ noa bɛhɔle Aarɔn berɛ, na besele ye kyɛ, “Dwɔso ná yɔ bosoen mɔ bɔ bekoli yɛ nyunu ma yɛ. Ofikyɛ sɔ Mose ne, akoaa he bɔ ɔɔyele yɛ fili Misraim aseɛ so wale ne de, yɛnze bɔ wato ye ɔ.”

1 Samuel 10:8

Na ɛhe asi ne, di me nyunu moa kɔ Gilgal, na ngooyia wɔ berɛ ngɔbɔ naen yeralɛ afɔleɛ ne asomdwee afɔleɛ. Tena berɛ nwondɛ ɛlɛsoo, kɔpem kyɛ ngɔɔto wɔ berɛ ná ngohyire wɔ bɔ odi kyɛ ɛyɔ ɔ.”