Ɛksadɔso 24:10 - AHYERƐLƐ KRONGRON

¹⁰ Na benwuni Yisrael Nyameɛ ne. Né nikyee bie te kyɛ safire nyɔbotɛnderɛ wɔ ye gya bo, bɔ ye nye te kyɛ ewienu ala ɔ.

Ɛksadɔso 24:10 Iomraidhean Croise

Gyenesise 32:30

Yiti Yakob frɛle berɛ Peniɛl, ofikyɛ ɔnwa, “Me nye abɔ Nyameɛ nyunu, nakoso me ngoa tɛ tira me.”

Gyenesise 32:31

Mmerɛ bɔ ɔ́pɛ nu wɔ Penuel ne, né eyia afite, na ɔnate ye dwongu bɔ né wafandi ne ati, né ɔtɔ gua so.

1 Ahemvo 22:19

Yeɛ Mikaya sele kyɛ, “Nzaade tie AWURADE noa dwirɛ: Nwuni kyɛ AWURADE te ye ahennie bia so, bɔ nyameɛso koɛhonɛfoɛ amukoraati begyigyi ye nwo berɛ wɔ ye bɛen ne famaa ɔ.

2 Aberɛso Dwirɛ 6:17

Ao AWURADE Yisrael Nyameɛ, ma wɔ bɔhyɛlɛ bɔ ɛhyɛle wɔ somvoɛ Dawide ne, ɔbra nu.

Ɛksadɔso 24:11

Nakoso Nyameɛ anyɔ Yisrael mbanyi nemɔ hwee. Benwuni Nyameɛ, bedidili, na bɛnone.

Ɛksadɔso 3:6

Na ɔfa sɔle so kyɛ, “Me ole wɔ baba Nyameɛ ne, Abraham Nyameɛ ne, Yisake Nyameɛ ne Yakob Nyameɛ ne. Na Mose fale ye nyunu feale, ofikyɛ né osuro kyɛ ɔkɔnea Nyameɛ ɔ.

Ɛksadɔso 33:20

Na ɔfa sɔle so kyɛ, nakoso ɛngɔhora ngonwu me nyunu, ofikyɛ sona nnwu me nyunu ná onnya ngoa.

Ɛksadɔso 33:23

Afei ngɔye me sa, na ekonwu me kɔme asi; nakoso me nyunu de, bennwu ye.”

Edwein Nu Dwein 5:14

Ye sa te kyɛ sikaa kɔkorɛ pɔmaa, bɔ mbembenanneɛ tuatua nu ɔ. Ye ko te kyɛ ɛsoen gye bɔ bafa safire nyɔboɛ badwura ye nwo ɔ.

Edwein Nu Dwein 6:10

“Nwa ɛne, bɔ ɔba kyɛ alehyeleɛ e, bɔ ye anwonyemene te kyɛ ɛsraen, bɔ ɔta kyɛ eyia, bɔ ye anwonyemene atɔ me so kyɛ koɛhonɛfoɛ bɔ betiratira frangaa e?”

Awuye 4:7

Né ye mbanyi mɔ bɛ nwo te tra asukɔtwea, né bɛ fufue tra nyɔfonesue, bɛ nwonaen ne, né ɔboro tra mbaen, ná ne bɛ nwonaen atɔ so te kyɛ kokwaboba.

Hesekiel 1:1

Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Hesekiel 10:1

Afei nneane, na nwuni nikyee bie bɔ osoma ahennie bia, bɔ osoma kyɛ bafa safire nyɔboɛ bayɔ ɔ, kyɛ ɔwɔ nikyee tɛtrɛtɛɛ bɔ ɔwɔ kɛrubim nemɔ anwuro ne aso.

Daniel 10:17

Me mene, wɔ somvoɛ, ɔkɔyɛ sɛɛ né me ne me mene yahora yadwudwo? Ofikyɛ afei de, me nwo ngaka atu amini, na me nwomeɛ ayie.”

Numeri 12:8

Ye de megyina ye nyunu me ne ye yɛdwudwo pefee; mendwudwo mengyire ye anyandera nu; na onwu kyɛbɔ AWURADE ye sue te ɔ. Nzu ati yeɛ ɛmɔanzuro kyɛ ɛmɔkodwudwo bekotia me somvoɛ Mose ɔ?”

Mateo 17:2

Na ɔsesane wɔ bɛ nyunu berɛ, ye nyunu tale kyɛ eyia, na ye ndaadeɛ yɛle hyɛnn kyɛ kanea.

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 14:9

Na Yesu buale ye kyɛ, “Filipo, me ne ɛmɔ yɛwɔ berɛ dadadada ye, aso ɛnze me? Ebiala bɔ wanwu me ne, wanwu Baba ne; na nzu ati yeɛ ɛkã kyɛ, ‘Kyire yɛ Baba ne’ ɔ?

Yohane 6:46

Nna kyɛ sona bie anwu Baba ne, sana bɔ ofi Nyameɛ berɛ ne, na ye yeɛ wanwu Baba ne ɔ.

1 Timoteo 6:16

bɔ ye ngome twe yeɛ onwu, ná ɔwɔ berɛ afebɔɔ, bɔ ɔte kanea bɔ ebie ngora mbingye ye nu, bɔ ebiala nnwuni ye le, ná ebiala ngɔhora ngonwu ye ne. Ye yeɛ anidie ne daa tumi te ye deɛ ɔ! Amen.

1 Yohane 4:12

Ebiala nye nnwuni Nyameɛ le, nakoso sɛ yɛkurokuro yɛ nwo dwirɛ a, Nyameɛ tena yɛ nu, na ye dɔ ne di mu bɔkɔɔ wɔ yɛ nu.

Nyekyire 1:16

Né otira nzramaa nzoo wɔ ye sa famaa nu, na sɛpɔ nnaennaen fili ye noa nu fitele, na ye nyunu te kyɛ eyia bɔ ɔbɔ gyireingyirein ɔ.

Nyekyire 21:11

Né ole Nyameɛ animnyam, na ye hyireinn ne ɔte kyɛ nyɔboɛ bɔ ye nyɔboɛ yɛ se paa bɔ bɛfrɛ ye yasepa, bɔ ye nye te kaenn kyɛ neanu ɔ.

Nyekyire 4:3

Na bɔ ɔte so ne, ɛnea a, ɔte kyɛ nyɔboɛ bɔ oli yasepa ne kokwaboba, yeɛ nyangondoen bɔ ɛnea, ɔte kyɛ dɛngyɛmmoɛ ɔ wapɛ ahennie bia ne anwo wayia.