Ɛksadɔso 23:8 - AHYERƐLƐ KRONGRON

⁸ Nnede fea-ase-ma, ofikyɛ fea-ase-ma ma mbanyi bu bɛ nye gua ndɛen turoloo so, na ɔma mmenia bua bɛ bɔ bedi be ɔ ndɛengyea.

Ɛksadɔso 23:8 Iomraidhean Croise

Edwein 15:5

ɔmmɔ bosea mva nzihoɛ nzi ye nwo, yeɛ onne fea-ase-ma mmua bɔ odi be ɔ ndɛengyea. Ebiala bɔ odi sɔ dwirɛ nemɔ aso ne, ye bo ngotutu.

Edwein 26:10

mmenia bɔ bɔne nwo adwene ala yeɛ ɔwɔ bɛ ti anu ɔ, bɔ bɛyere bɛ nwo bede fea-ase-ma ɔ.

Anyandera 15:27

Sɛ sona nya ye nwo fi aminɛlilɛ nu a, ɔtwetwe amaneɛ brɛ ye abusua, nakoso sona bɔ okyi fea-ase-ma de, okonya ngoa.

Anyandera 17:23

Bɔnefoɛ ɔfea ye nwo ode fea-ase-ma, kyɛ ogyina so obua ndɛengyea.

Anyandera 17:8

Fea-ase-ma ɔte kyɛ tafo wɔ sona bɔ ɔfa ma ne nye so, nekaa biala bɔ sɔ sona ne kowura ne, nningyein kɔ yé ma ye.

Anyandera 19:4

Sikaa ma sona nya adamvoa pee, nakoso ehianiɛ de, ye mmango mɔ bɛnga bɛmma ye nwo.

Nworɛ Dwirɛhanɛniɛ 7:7

Nahorɛ nu, nhyɛsoɛ ma nworɛfoɛ bɛbɔ laen, yeɛ fea-ase-ma koso ɔma sona bu ye nye gua nahorɛ so.

Yesaya 1:13

Ɛmɔ afɔleɛ mbaen mbaen ne, nnɛma ɛmɔfa bɛba ko, ɛyɛɛ ne te m’akyiwadeɛ. Ɛsraen foforɛ ne afofikyẽa aluolue ne, ɔne ɛmɔ dwaabɔlɛ ne, nyianu krongron ne po, ɔte amumuyɛɛ, mengɔhora ngɔgyegye so.

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 33:15

Sana teneneeniɛ bɔ ɔkã nahorɛ, bɔ okyi aminɛlilɛ nu mvasoɛ, bɔ ɔnwaha ye sa kyɛ ongole fea-ase-ma, bɔ otuatua ye so kyɛ ongotie sona hunɛ nwo porɛ bɔ babɔ ɔ, bɔ omuamua ye nye kyɛ ɔngɔma ongonwu bɔne ɔ;

Yesaya 5:22

Bɛ yaakɔ! Bɛ bɔ bale dumaa wɔ nzaanonɛ nu ɔ, ɔne bɛ bɔ bɛbɔ mmɔden wɔ nzaa serɛ frafralɛ nu ɔ.

Yesaya 5:23

Bɛ yaakɔ! Bɛ bɔ bede fea-ase-ma bebua sona bɔ odi fɔ be ɔ, ɔne bɛ bɔ bebua sona bɔ odi be ndɛengyea ɔ!

Hesekiel 22:12

Mmenia wɔ wɔ nu bɔ bede fea-ase-ma beku mmenia ɔ. Ede nzihoɛ mbemanim, na esisi ebiɛngo enya wɔ nwo; nakoso me de, wɔ wora afi me, AWURADE Nyameɛ noa dwirɛ ɛne.

Hosea 4:18

Bɛno bɛ nzaa ngapealaa ne a, gyandera alaa yeɛ bɛbɔ ɔ; animguaseɛ yeɛ bɛ mbanyi mɔ bekuro ɔ.

Amose 5:12

Ofikyɛ mese ɛmɔ mmeraatolɛ worawora ne, ɔne ɛmɔ bɔne mbiri mbiri ne. Ɛmɔ bɔ ɛmɔteetee teneneefoɛ, ná ɛmɔde fea-ase-ma, ná ɛmɔbua bɛ bɔ bɛyɛ anwumvo ɔ ndɛengyea wɔ nekaa bɔ bedi dwirɛ ɔ.

Mika 7:3

Bɛ sa nyɔ ne, ɔbɔ bɔneyɔlɛ nwo mmɔden, mbanyi ne ndɛenbualɛfoɛ bede fea-ase-ma, na tumifoɛ nemɔ bɛkã nikyee tɛɛ bɔ bɛ kra kuro ɔ nhyɛsoɛ so; sɔ yeɛ bɛbɔ nu bɛbɔ porɛ tɛɛ ɔ.

Deuteronomi 10:17

Ofikyɛ AWURADE ɛmɔ Nyameɛ ne, ɔte nyameɛ mɔ nu Nyameɛ ɔne meneɛ mɔ nu Meneɛ, Nyameɛ piri bɔ ye nwo yɛ suro, bɔ ɔnyɛ nyeyemuɛ, bɔ onne fea-ase-ma ɔ.

Deuteronomi 16:19

Nnɛbua ndɛengyea, nnɛsisi ebie wɔ ndɛenbualɛ nu, yeɛ nnɛde fea-ase-ma, ofikyɛ fea-ase-ma ma nworɛniɛ bu ye nye gua ndɛen turoloo so, na ɔmaa mmenia bua bɛ bɔ bedi be ɔ ndɛengyea.

1 Samuel 12:3

Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”

1 Samuel 8:3

Nakoso ye mma nemɔ de, bamva ye suban, na mmom bɛmane bɛ nye borole nikye, belele fea-ase-ma, na bebuale ndɛengyea.