Ɛksadɔso 23:27 - AHYERƐLƐ KRONGRON

²⁷ “Ngɔma me nwo suronyi koli wɔ nyunu, na maen biala bɔ ekodwu so ne, ngɔma ahunundetelɛ kɔtɔ nu mmenia so. Na ngɔma wɔ pɔfoɛ amukoraa kɔnwati kofi wɔ nyunu.

Ɛksadɔso 23:27 Iomraidhean Croise

Gyenesise 35:5

Na besili nu bɔ bɛ́kɔ ne, Nyameɛ mane esuronyi kandinga tɔle nguro bɔ né bapɛ bɛ nwo bayia ne aso, yiti bangora bamvoa Yakob mma mmienzua nemɔ.

2 Samuel 22:41

Ɛmane me pɔfoɛ mɔ nwati fili me nyunu, bɛ bɔ bekyi me ne, nnuane bɛ boso.

2 Ahemvo 7:6

Ofikyɛ né AWURADE ama Siria koɛhonɛfoɛ nemɔ bate teaseɛnam mɔ, mbɔngɔ mɔ, ɔne koɛhonɛfoɛ lɔen kandinga nga wɔ bɛ so anu, bɔ ɔnate so maa besisele bɛ nwo kyɛ, “Yisrael hene waabɔ Hiti ahemvo ne Misraim ahemvo mɔ paa kyɛ bɛɛfa koɛ bɛtoa yɛ.”

2 Aberɛso Dwirɛ 14:14

Nguro bɔ bapɛ Gera nwo bayia ne, Yudafoɛ lili bɛ so ngonim, ofikyɛ AWURADE nwo suronyi tɔle sɔ nguro nemɔ aso. Bɛfene nguro nemɔ amukoraa nu nningyein, ofikyɛ né koɛ nu nzesadeɛ pee wɔ berɛ.

Edwein 18:40

Ɛmane me pɔfoɛ mɔ nwati fili me nyunu, bɛ bɔ bekyi me ne, nnuane bɛ boso.

Edwein 21:12

Ofikyɛ ɛkɔfoa bɛ maa bɛkɔnwati; ɛkɔfa w’agyaen ne kohyire bɛ so.

Ɛksadɔso 33:2

Ngɔsoma m’abɔfo maa okoli wɔ nyunu, na ngɔfoa Kanaanfoɛ, Amorifoɛ, Hitifoɛ, Perisifoɛ, Hiwifoɛ ne Yebusifoɛ mɔ ngofi so.

Ɛksadɔso 34:24

Ofikyɛ ngɔfoa maen maen ngofi wɔ nyunu, ná mama w’aseɛ wɛen so atrɛ. Na sɛ afoɛ biala ɛfo kɔ AWURADE wɔ Nyameɛ ne nyunu pɛen nza a, sona biala nye ngɔboro w’aseɛ.

Numeri 22:3

Moabo surole Yisrael maen ne paa, ofikyɛ né bɛsone pee. Na Yisraelfoɛ nwo suronyi tɔle Moabo so.

Deuteronomi 11:23

ye de AWURADE kɔfoa maen maen hemɔ amukoraati kofi ɛmɔ nyunu, na ɛmɔkɔɔfa maen maen bɔ bɛ mbiri ne b’anwoserɛ tra ɛmɔ ɔ.

Deuteronomi 11:25

Kuro sona biala ngɔhora ngogyina ɛmɔ nyunu. Na kyɛbɔ AWURADE ɛmɔ Nyameɛ ahyɛ ɛmɔ bɔ ne, ɔkɔma ɛmɔ nwo suronyi ne ɛmɔ nwo surolɛ piri kɔtɔ aseɛ mukoraati bɔ ɛmɔ gya kotia so ɔ so.

Deuteronomi 2:25

Ofi ɛnɛ bɔ ɔkɔ ɔ, ngɔma wɔ nwo suronyi ne esurolɛ piri kɔtɔ mmenia bɔ bɛwɔ ewiase amukoraati so. Na ebiala bɔ ɔkɔte wɔ nga nen, ɔnate wɔ ti ye nwo kɔwosowoso ye, na ahunundetelɛ kɔtɔ ye so.’

Deuteronomi 6:19

ná wafoa wɔ pɔfoɛ mɔ amukoraati wafi wɔ nyunu, kyɛbɔ AWURADE hyɛle bɔ ne.

Deuteronomi 7:23

Nakoso AWURADE wɔ Nyameɛ kɔfa bɛ kowura wɔ sa, ɔkɔma bɛ nye so kɔtã paa, kɔpem kyɛ bekowuwu ɔ.

1 Samuel 14:15

Ahunundetelɛ tɔlɛ ɛlɔen ne amukoraa so wɔ asikyeleɛ ne anu, ɔne eburo. Ahunundetelɛ tɔle koɛhonɛfoɛ nemɔ ne bɛ bɔ bɛbɔ apaa ne aso, aseɛ wosole, na ɛserɛ piri paa hane bɛ.