Ɛksadɔso 23:26 - AHYERƐLƐ KRONGRON

²⁶ Wɔ maen ne anu brasua biala ngɔpɔ baa, anaa ɔngɔyɛ mmotaen, na ngɔma wɔ ngoa tendenn.

Ɛksadɔso 23:26 Iomraidhean Croise

Gyenesise 25:8

Abraham yɛle aworowaa posoposo, ɔyɛle panyi paa, na owuli ye mbanyi nu asomdwee nu. Na ɔtoale ye mbanyi mɔ.

Gyenesise 35:29

ɔhale nu, owuli, na ɔpole ye mbanyi mɔ, mmerɛ bɔ né wanyi wayɛ aworowaa paa ɔ. Na ye mma mmienzua Yisɔ ne Yakob besiele ye.

1 Aberɛso Dwirɛ 23:1

Dawide nyini yɛle aworowaa paa ne, ɔfale ɔwa Solomon sili Yisrael so hene.

YOB NWOMAA NE 21:10

Ye nandwie nyii ɔkɔ so wo, na ye nandwie beleɛ kɔ so wo mmaa, bɔ ɔmbɔ ba ɔ.

YOB NWOMAA NE 42:17

Na Yob nyini yɛle aworowaa posoposo koraka yeɛ owu ɔ.

YOB NWOMAA NE 5:26

Ekonyi kɔyɛ posoposo koraka né awu, kyɛbɔ bebu aburoo worowaa wɔ ye mmerɛ nu ne.

Edwein 107:38

Oyira bɛ maa bɛta pee, na ɔmma bɛ nyɛmmoa mɔ bɛ somaa so nde.

Edwein 144:13

Ahaa né yɛ pata mɔ so ayi to bɔ aleɛ ahoroɔ gua so ɔ; ahaa né yɛ mmoaen bawo apee apee, apee buru apee buru wɔ yɛ aseɛ mɔ aso.

Edwein 55:23

Nakoso wɔ, ao Nyameɛ, ekofindi bɛ kogua ewue kumaa ne abo dɔ; kodiawufoɛ ne ngondombofoɛ de, bengoli b’aseɛ ye aso ngoa ye bue po. Nakoso me de, mefa me wora mewura wɔ nu.

Edwein 90:10

Ngyẽa bɔ yɛdi ye aseɛ ye aso te afoɛ aburasoo, anaa sɛ anwoserɛ wɔ nu po a, ɔte afoɛ aburawɔtwɛ, na ɛhene po, nu fɛɛ ne amaneɛ! Ɔngyɛ né wapɛ nu, ná yatu yamini.

Yesaya 65:20

Adɔma bɔ bɛwo ye a ɔngyɛ né wawu ne, ebie ngosi ko wɔ kuro ne anu, yeɛ aworowaa bɔ wanyie ye afoɛ mukoraa di ne koso, sɔ ala; ofikyɛ bɔ okoli afoɛ ɛyaa koraka né wawu ne, bekobu ye akwadaa, yeɛ bɔnefoɛ bɔ okoli afoɛ ɛyaa koraka né wawu ne, bekobu ye kyɛ banoma ye.

Hosea 9:14

Ao AWURADE, fa ma bɛ e! Nzikyɛ yeɛ ɛkɔfa kɔma bɛ ɔ? Ma bɛ koɛ bɔ ɔpɔ baa, ɔne nyɔfone bɔ nzue nne nu ɔ.

Deuteronomi 28:4

“Nyameɛ koyira wɔ maa ekonya mmaa pee, w’aseɛ so aleɛ pee, nyɛmmoa pee, nandwie mmaa pee ne mmoaen mmaa pee.

Deuteronomi 4:40

Ye sɔ ne ati, di ye ahyɛdeɛ ne ye mmeraa dwirɛ bɔ méhyehyɛ méma wɔ ɛnɛ kyẽa ye aso, amaa ɔnate so wayie wɔ ne wɔ bosofoɛ yé, ná atena aseɛ bɔ AWURADE wɔ Nyameɛ ɔ́fa ma wɔ afebɔɔ ne aso ahyɛ.”

Deuteronomi 7:14

Ekonya saleɛ kɔtra maen biala, na bienzua anaa brasua biala ngɔyɛ mmotaen wɔ wɔ nu, anaa wɔ nyɛmmoa nu.