Ɛksadɔso 23:24 - AHYERƐLƐ KRONGRON

²⁴ Nnɛbɔ wɔ ti ase ma bɛ mmosoen nemɔ, nnɛsɔne bɛ, yeɛ nnɛyɔ bɛ yɔleɛ ne bie. Na mmom sɛkyesɛkye bɛ bosoen nemɔ bɔkɔɔ, ná bubu bɛ bonima nemɔ nu gɔsɔgɔsɔ.

Ɛksadɔso 23:24 Iomraidhean Croise

2 Ahemvo 17:11

Berɛ yeɛ bɛyerale ɛyɛɛ wɔ asɔneyɛɛ nemɔ amukoraa so ɔ, kyɛbɔ maen mɔ bɔ AWURADE foane bɛ fili Yisraelfoɛ nyunu nemɔ bɛyɔle ne ala. Bɛyɔle bɔne bɛfa bewurale AWURADE apue maa ɔfɛle yaa.

2 Ahemvo 17:8

na maen maen bɔ AWURADE foane bɛ fili Yisraelfoɛ nyunu ne, Yisraelfoɛ yɔle b’amammerɛ nemɔ bie. Afei belili amammerɛ bɔ Yisrael ahemvo mɔ belili bɛ ti piri bɛhyehyɛ bɛmane bɛ ne aso.

2 Ahemvo 18:4

Otutuli asɔneyɛɛ nemɔ abo, obubuli bonima nemɔ, na ɔpepɛle Asera dosii nemɔ guale. Kɔɔbere ewoo bɔ Mose yɔle ne, obubuli nu. Ofikyɛ ɔbaadwu sɔ mmerɛ ne, né Yisraelfoɛ bɛyera ɛyɛɛ wɔ kɔɔbere ne aso bɛsɔne ye: né bɛfrɛ ye Nehustan.

2 Ahemvo 3:2

Ɔyɔle bɔ ɔte bɔne wɔ AWURADE nyunu ɔ. Na mmom, ye bɔne ando bɔ ye baba ne ye maame bɛyɔle ɔ, ofikyɛ otuli Baal bonima bɔ ye baba gyinane ne abo fili berɛ.

2 Aberɛso Dwirɛ 14:2

Asa yɔle bɔ ɔte paa ne bɔ ɔtengyɛ ɔ wɔ AWURADE ye Nyameɛ nyunu.

2 Aberɛso Dwirɛ 25:14

Amasia oohuhuni Edomfoɛ nemɔ bɔ ɔba ne, ɔsesale Sɛrefoɛ bɛ mmosoen mɔ wale, na oogyinagyinane bɛ fa yɛle ye mmosoen. Ɔsɔnene bɛ, na ɔyerale ɛyɛɛ mane bɛ.

2 Aberɛso Dwirɛ 33:2

Ɔyɔle bɔ ɔte bɔne wɔ AWURADE nyunu ɔ. Maen maen mɔ bɔ AWURADE foane bɛ fili Yisraelfoɛ nyunu ne, akyiwadeɛ nningyein bɔ bɛyɔle ne, ye koso ɔyɔle bie.

2 Aberɛso Dwirɛ 33:9

Manase lakalakale Yuda ne Yerusalemfoɛ maa bɛyɔle bɔne bɛtrale maen maen mɔ bɔ AWURADE huhuni bɛ fili Yisraelfoɛ nyunu ne.

Edwein 101:3

Mengɔfa nikyee biala bɔ mvasoɛ nne so ɔ mengosie me nye so. Bɛ bɔ bedi wɔ dwirɛ nwo makyebu ne, mekyi bɛ yɔleɛ; mengɔma bɛ yɔleɛ ne ngɔte ngɔmata me.

Ɛksadɔso 20:3

“Nnɛnya nyameɛ foforɛ biala ɛboka me so.

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Ɛksadɔso 23:13

Bɔ mahã mahyire ɛmɔ ne amukoraa, ɛ́mɔli so. Nnɛma ɛmɔbɔ nyameɛ foforɛ biala dumaa; yeɛ nnɛmɔma ofite ɛmɔ noa.

Ɛksadɔso 23:32

Nnɛne bɛ, anaa bɛ bosoen mɔ yɛ apam.

Ɛksadɔso 23:33

Nnɛmaa bɛtena w’aseɛ so, anyɔ a né bamaa ayɔ bɔne atia me; ofikyɛ sɛ ɛso bɛ bosoen nemɔ a, ɔkɔyɛ wɔ so ngaen.”

Ɛksadɔso 32:20

Ɔfale nandwie amoen bɔ bayɔ ne, ɔfale see yerale ye, otini ye muhumuhu, ɔto guale nzue nye so, na ɔmane Yisraelfoɛ none.

Hesekiel 16:47

Nna b’agyirɛ bɔ betuli ne bie angome yeɛ etuli ɔ, yeɛ nna b’akyiwadeɛ bra ne bie angome yeɛ ɛbɔle ɔ; na mmom mmerɛ kãa bie, ɛyɔle bɔ ɔtte mayee ɔ trale bɛ wɔ wɔ yɔleɛ amukoraa nu.

Hosea 10:2

B’adwene ayɛ ndaa ndaa, afei odi kyɛ bɛsoa bɛ mvomsoɛ; AWURADE kobubu b’afɔleɛ mmokyea mɔ, na ɔkɔsɛkye b’amoen nemɔ.

Lewitikɔso 18:3

Misraim aseɛ bɔ né ɛmɔte so ne, nnɛma ɛmɔyɔ bɛ yɔleɛ ne bie, yeɛ Kanaan aseɛ bɔ méfa ɛmɔ mékɔ so ne, bɛ yɔleɛ ne, nnɛma ɛmɔyɔ bie. Nnɛma ɛmɔdi b’ahyɛdeɛ so.

Lewitikɔso 26:1

“Nnɛma ɛmɔyɔ mmosoen, yeɛ nnɛma ɛmɔgyina amoen bɔ base anaakyɛ bonima biala bɛma bɛ nwo; nnɛma ɛmɔfa nyɔboɛ bɔ ɛmɔali so adwii bɛpenapena ɛmɔ aseɛ so bɛsɔne bɛ, ofikyɛ me ole AWURADE ɛmɔ Nyameɛ.

Numeri 25:2

Moabo mmrasua nemɔ hwehwene Yisraelfoɛ hɔle Moabo mmosoen sɔnenɛ nu. Yisraelfoɛ lili mmosoen so aleɛ ne bie, na bɛkotole bɛ mmosoen nemɔ.

Numeri 33:52

ye de ɛ́mɔfoa aseɛ ne aso ama mukoraa béfi ɛmɔ nyunu. Bɛ mmosoen bɔ bafa nyɔboɛ base ɔne b’amoen mɔ bɔ bahuro nikyee bafa bayɔ amukoraa, ɛ́mɔsɛkye bɛ. Ɛ́mɔbubu b’asɔneyɛɛ amukoraa bégua,

Deuteronomi 12:3

Ɛ́mɔdwiri b’afɔleɛ bokyea nemɔ bégua, ɛ́mɔbubu bɛ bonima nemɔ nu, ná ɛ́mɔfa see bɛ́yera bosoen Asera dosii nemɔ. Ɛ́mɔpepɛ amoen mɔ bɔ bafa bayɛ bɛ nyameɛ ne begua, ná ɛ́mɔkyikyi bɛ dumaa béfi porɛ ne anu berɛ.

Deuteronomi 7:5

Nakoso bɔ ɔsɛ kyɛ ɛmɔfa bɛyɔ bɛ hɔ ɛhe: Ɛ́mɔdwiri b’afɔleɛ bokyea nemɔ bégua, ná ɛ́mɔbubu bɛ bonima nemɔ nu gɔsɔgɔsɔ; ɛ́mɔpepɛ bosoen Asera dosii nemɔ bégua, ná ɛ́mɔfa see bɛ́yera b’amoen nemɔ.