Ɛksadɔso 23:23 - AHYERƐLƐ KRONGRON

²³ Na sɛ m’abɔfo ne di wɔ nyunu fa wɔ kodwu Amorifoɛ, Hitifoɛ, Perisifoɛ, Kanaanfoɛ, Hiwifoɛ ne Yebusifoɛ berɛ a, ngokyikyi bɛ boso bɔkɔɔ.

Ɛksadɔso 23:23 Iomraidhean Croise

Gyenesise 24:7

Ofikyɛ AWURADE, nyameɛso Nyameɛ bɔ ɔfale me fili me baba awuro, ɔne aseɛ bɔ bɛwole me wɔ so ne, odwudwo hyirele me, na ɔtale ndaen hyirele me kyɛ, ‘Wɔ bosofoɛ yeɛ ngɔfa sɔ aseɛ he ngɔma bɛ ɔ.’ Na ye ala yeɛ ɔkɔsoma ye abɔfo maa okoli wɔ nyunu ɔ, ná aagya braa dɔ abrɛ mma ne ɔ.

Gyenesise 34:2

Hiwiniɛ Hamɔ bɔ ɔte aseɛ ne aso hene ne, ɔwa Sɛkem nwuni Dina, na ɔhyɛle ye ɔne ye bɛlale.

Ɛksadɔso 18:8

Na Mose fale ɛhemɔ nwo amaneɛ bɔle ye sia bienzua ne: nningyein mukoraa bɔ ɔnate Yisrael ti AWURADE afa ayɔ Faro ne Misraimfoɛ, ɔne amaneɛ mukoraa bɔ Yisraelfoɛ nwuni ye wɔ atunu, yeɛ afei kyɛbɔ AWURADE si yele bɛ fili nu ɔ.

Ɛksadɔso 23:20

“Tie, mésoma abɔfo maa odi wɔ nyunu, maa ɔbɔ wɔ nwo waen fa wɔ kɔ nekaa bɔ masiesie ne.

Ɛksadɔso 3:17

Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Ɛksadɔso 32:2

Na Aarɔn buale bɛ kyɛ, “Ɛ́mɔyeye sikaa kɔkorɛ asomade bɔ owurawura ɛmɔ aye mɔ, ɛmɔ mma mmienzua ne mmrasua mɔ, ná ɛ́mɔfa bɛ́brɛ me.”

Yesaya 5:13

Ye sɔ ne ati, bɛkɔhye me maen nnure bɛkɔhɔ, ɔnate nimdeɛ bɔ belle bie ti; ɛhɔen kohũ b’atitirefoɛ maa bekowu, yeɛ nzuhɔen kohũ mmenia wora ne maa bekowu.

Deuteronomi 9:3

Yiti nwu ye ɛnɛ kyẽa ye kyɛ, AWURADE wɔ Nyameɛ yeɛ oli wɔ nyunu ɔkwaapɛ asue ɔ, na ɔte see bɔ ogye wuronyiwuronyi ɔ. Okoli bɛ so ngonim, ná wabrɛ bɛ ase wɔ wɔ nyunu; amaa ɔnate so afoa bɛ afi berɛ, ná ahũhũ bɛ ndɛndɛ so, kyɛbɔ AWURADE ahyɛ wɔ bɔ ne.

Yosua 23:9

Ofikyɛ AWURADE afoa maen mbiri mbiri bɔ bɛ nwo yɛ se ɔ wafi ɛmɔ nyunu. Na ɛmɔ de, toonn bɔ ɔbaadwu ɛnɛ ye, ebiala nne berɛ bɔ wahora wagyina ɛmɔ nyunu ɔ.

Yosua 5:13

Ɛlɛho bie, né Yosua wɔ nekaa bie bɔ opingye Yeriko. Ɔmane ye ti so, na mvum nu, onwuni biaa bie bɔ wahwe ngrandɛ watira ɔ kyɛ ogyi ye nyunu berɛ. Na Yosua hɔle ye nwo berɛ oobisale ye kyɛ, “Ɛboka yɛ so, anaa ɛboka yɛ pɔfoɛ nemɔ so?”

Yosua 9:1

Ahemvo amukoraa bɔ bɛwɔ Yɔɔdan si dɔ mmokaa aseɛ so, yeɛ bɛ bɔ bɛwɔ aseɛ frɛtɛɛ so, bɔ bɛ mukoraa bɛwɔ Ɛpo Piri noa, bɔ ɔkwaadwu Lebanon ne, bɛtele sɔ dwirɛ ne: bɛ ole Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ ahemvo mɔ.