Ɛksadɔso 23:21 - AHYERƐLƐ KRONGRON

²¹ Suro ye ná tie ye dwirɛ. Nnɛtwi fa ye dwirɛ so, na ɔngɔfa ɛmɔ mmeraatolɛ ngɔhyɛ ɛmɔ, ofikyɛ me dumaa la ye so.

Ɛksadɔso 23:21 Iomraidhean Croise

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Edwein 72:19

Ye animnyam dumaa ne, odi kyɛ bɛye ye ayɛ daa, na ma ye animnyam oyi aseɛ ye amukoraa so tɛkyɛ. Amen, Amen.

Edwein 78:40

Amba, bɛyɛle ye nwo lɔen wɔ ɛserɛ so mmerɛ pee, na bɛmane ye wora bɔle wɔ ɛserɛ so!

Edwein 78:56

Nakoso besole Anwuro Anwuro Nyameɛ ne bɛneane, bɛyɛle ye nwo lɔen. Banni ye noa dwirɛ so,

Edwein 83:18

Maa benwu kyɛ wɔ bɔ wɔ ngome yeɛ wɔ dumaa ole AWURADE ne, wɔ yeɛ ɛte Anwuro Anwuro hene bɔ edi aseɛ amukoraa so ɔ.

Ɛksadɔso 3:14

Na Nyameɛ buale Mose kyɛ, “ME ALA OLE ME ALA.” Na osele kyɛ, “Bɔ ɔsɛ kyɛ ɛkã kyire Yisraelfoɛ hɔ ɛhe: ‘ME ALA asoma me ɛmɔ berɛ.’ ”

Ɛksadɔso 32:34

Nakoso kɔ, ná kɔfa mmenia ne kɔ nekaa bɔ mahã ye nwo dwirɛ mahyire wɔ ne. Tie, m’abɔfo koli wɔ nyunu moa, nakoso kyẽa bie kɔwa bɔ ngɔmaa bekonya bɛ bɔne nwo akatuaa ɔ.”

Ɛksadɔso 6:3

Nyele me nwo ali ngyirele Abraham, Yisake ne Yakob kyɛ nde Tuminiɛ Nyameɛ. Nakoso me dumaa YAHWE (AWURADE) ne de, mamma bangyina so bannwu me.

Yesaya 42:8

Me ole AWURADE, me dumaa ɛne, memva m’animnyam memma ebiala, yeɛ m’ayɛyelɛ koso, memva memma amoen mɔ.

Yesaya 45:6

na ɔnate so mmenia konwu ye kofi eyia afiteleɛ ne eyia atɔleɛ, kyɛ ebiala nne berɛ, sana me ngome. Me ole AWURADE, na ebiala nne berɛ ko.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yesaya 9:5

Ofikyɛ mbaboa biala bɔ koɛhonɛniɛ wafa watia ase kum kum ne, ɔne ataadeɛ biala bɔ bafa bafɔrefɔre mogya ne, bɛkɔfa bɛkɔyɛ eyein bɛkɔsɔ see.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Yeremia 5:7

“Ɛhe de, ɔkɔyɛ sɛɛ né mafa wɔ bɔne mahyɛ wɔ? Wɔ mma mɔ bapo me, na bafa bɛ bɔ nna nyameɛ mɔ ahɔ ɔ bata ndaen. Mmane bɛ ko yili ne, bɛbɔle adwaman, na betuli bi bɛhɔle gyanderafoɛ awuro.

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Numeri 14:11

Na AWURADE sele Mose kyɛ, “Mmenia hemɔ kobu me animtia maa okoodwu kyinzu? Nzɛngyerɛnneɛ amukoraa bɔ mayɔ mama bɛ ye asi ye, kyinzu yeɛ bekole me bekoli ɔ?

Numeri 14:35

Me, AWURADE, yeɛ mahã ɔ. Amba ngɔyɔ ɛhe ngotia mmenia atianuserɛfoɛ bɔ bɛ mukoraa babɔ porɛ bayɛ lɔen batia me ye. Bɛ mukoraa bɛ boso konua ɛserɛ ye aso, na berɛ yeɛ bekowuwu ɔ.’ ”

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Yohane 10:30

Me ne Baba ne yɛte ko.”

Yohane 10:38

Na sɛ meyɔ, ná ɛmɔnne me benni po a, nnwumaa ne de odi kyɛ ɛmɔde bedi, amaa ɔnate so ɛmɔanwu ye, ná ɛmɔale bali kyɛ Baba ne ɔte me nu, na me koso nde Baba ne nu.”

Yohane 5:23

kyɛ mmenia amukoraa beli Baa ne ni, kyɛbɔ bedi Baba ne ni nen. Na ebiala bɔ onni Baa ne ni nen, onni Baba ne bɔ ɔsomane ye ne koso ni.

Ɛfesofoɛ 4:30

Nyameɛ Sunzum Krongron bɔ bafa bahyɛ ɛmɔ nzorɛ bama ngoalelɛ kyẽa ne, nnɛma ɛmɔbɔ ye wora.

Deuteronomi 18:19

Na sona biala bɔ ondie me dwirɛ bɔ ngɔmhyɛlɛniɛ ne kɔha ye me dumaa nu nen, me bɔbɔ ngɔmaa okobu ye nwo ngondaa.

Deuteronomi 9:7

Kaye, na nnɛma wɔ wora fi kyɛbɔ ewurale AWURADE wɔ Nyameɛ apue mane ye ahone huli wɔ ɛserɛ so ne, ofi kyẽa bɔ efili Misraim aseɛ so wale, kɔpem kyɛ ɛmɔɔdwuli wa ɔ; AWURADE dwirɛ so alaa yeɛ ɛmɔahwi bafa ɔ.

Kolosefoɛ 2:9

Ofikyɛ ye nu yeɛ Nyameɛ sue mumua ne amukoraa ɔte ɔ wɔ nipadua nu ɔ.

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Hebrifoɛ 3:16

Nwa mɔ yeɛ bɛtele Nyameɛ dwudwolɛ, nakoso bɛyɛle ye so lɔen ne? Aso nna bɛ bɔ Mose yele bɛ fili Misraim ne amu ɔ?

Yosua 24:19

Nakoso Yosua sele maen ne kyɛ, “Ɛmɔngɔhora ngɔso AWURADE, ofikyɛ ɔte Nyameɛ bɔ ɔte krongron ɔ. Ɔte nungunɛ Nyameɛ; na ɔngɔfa ɛmɔ mmeraatolɛ ne ɛmɔ bɔne ngɔhyɛ ɛmɔ.

1 Yohane 5:16

Sɛ ebie nwu oliɛma kyɛ ɔyɔ bɔne bɔ ɔmva ye ngɔ ewue nu a, maa ɔbɔ mbaeɛ ɔma ye, na Nyameɛ kɔfa ye mbaeɛ ne aso kɔma ye ngoa. Mekyire bɛ bɔ bɛyɔ bɔne bɔ ɔmva bɛ ngɔ ewue nu ɔ. Nakoso bɔne bie wɔ berɛ bɔ ɔfa sona kɔ ewue nu ɔ, na ɛhe de mengyire kyɛ ɔbɔ ye nwo mbaeɛ.

Nyekyire 1:8

Awurade nwa Nyameɛ nwa, “Me ole Alfa ne Omega ne, bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, nikyee biala so Tuminiɛ ne.”

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

Nyekyire 2:8

“Kyerɛ kɔma Simina asɔre ne anu abɔfo ne kyɛ: Bɔ ɔte ahyɛaseɛ ne ayieleɛ, bɔ owuli ná osa te ase ne, ye noa dwirɛ ɛhe:

Nyekyire 3:7

“Kyerɛ kɔma Filadɛɛfia asɔre ne anu abɔfo ne kyɛ, ‘Krongronniɛ ne nahorɛniɛ ne, bɔ otira Dawide safoaa ne, bɔ obukye a ebiala ndo nu, bɔ ɔto nu a ebiala mmukye ne, ye noa dwirɛ ɛhe:

Maenbulɛfoɛ 13:18

Nakoso AWURADE abɔfo ne buale ye kyɛ, “Nzu ati yeɛ ebisa me dumaa ɔ? Me dumaa ne te dumaa bɔ ɔyɛ nwanwa paa ɔ.”