Ɛksadɔso 23:2 - AHYERƐLƐ KRONGRON

² Nnɛdi mmeni soma si ɛkɔyɔ bɔne. Sɛ édi dwirɛ bie nwo adanzeɛ a, nnɛdi mmeni soma noa dwirɛ si, ná angyea nahorɛ ne;

Ɛksadɔso 23:2 Iomraidhean Croise

Gyenesise 19:4

Né bennya bɛllale po, yeɛ Sodom kurotue ne amukoraa, fite mmɛɛmaa so kodwu mbanyi so, bɛɛpɛle sua ne anwo beyiale ɔ.

Gyenesise 6:12

Nyameɛ neane aseɛ, na onwuni kyɛ wasɛkye, ofikyɛ né mmenia mukoraa ama bɔne ali bɛ ti wɔ aseɛ so.

Gyenesise 7:1

Na AWURADE sele Nowa kyɛ, “Kɔfo ɛlɛen alaka ne anu, ɛne w’awuro ama mukoraa, ofikyɛ, manwu kyɛ wɔ de ɛtengyɛ wɔ me nyunu wɔ sɔ aworɛ ndoatoasoɛ he anu.

1 Ahemvo 19:10

Obuale kyɛ, “Matu me nwo masie berɛ kyɛ meko mema AWURADE Asafo Nyameɛ, ofikyɛ Yisraelfoɛ bahwi bafa w’apam ne aso, badwiri w’afɔleɛ bokyea mɔ bagua ase, yeɛ bele ngrandɛ bahũhũ wɔ ngɔmhyɛlɛfoɛ mɔ. Waha me ngome twe, na bɛpena me beku me.”

YOB NWOMAA NE 31:34

ɔnate kyɛ né mesuro mmenia worawora ne, yeɛ né mesuro kyɛ mmusua mmusua mɔ kobu me animtia, yiti ɔmaa nyɛle konn, na mamvite aluo.

Edwein 72:2

Maa ɔfa tenenee obu wɔ maen ne, na ɔfa pɛpɛɛpɛyɛlɛ ɔnea bɛ bɔ bɛyɛ anwumvo ɔ so.

Anyandera 1:15

mma, nnɛne bɛ bɔ afɛ. Nekaa bɔ bekotia ne, nnɛtia berɛ bie;

Anyandera 18:5

Ɔtte mayee kyɛ ɛkɔma bɔnefoɛ koli be, ná ekobua teneneeniɛ ndɛengyea ɔ.

Anyandera 4:14

Bɔnefoɛ atee ne, nnɛfa so bie, yeɛ nnɛfa amumuyɛɛfoɛ atee so.

Yeremia 37:15

Mbanyi nemɔ fɛle Yeremia so yaa hahii, na bɛbole ye bɛfale ye bɛtole kuku nu wɔ ahyerɛlɛniɛ Yonatan awuro, ofikyɛ né bafa berɛ bakakyi kuku nu.

Yeremia 37:21

Yiti Nana Sedekia hyɛle maa bɛfale Yeremia bɛɛtole kuku nu aluo berɛ, na daa biala né bɛma ye paanoo mumua ko fi paanootonɛfoɛ borɔnoɛ so kɔpem kyɛ kuro berɛ paanoo amukoraa yiele ɔ. Yiti Yeremia hale kuku nu aluo berɛ.

Yeremia 38:9

“Nana, me mene, bɔ mmenia hemɔ bafa bali ngɔmhyɛlɛniɛ Yeremia ne amukoraa, bayɔ bɔne. Bafa ye bato kumaa nu kuku nu kyɛ ɛhɔen hu ye maa owu wɔ nekaa bɔ ɔwɔ ne, ofikyɛ aleɛ biala nne kuro ye anu.”

Hesekiel 9:9

Yeɛ obuale me kyɛ, “Yisrael awuro ama ne Yuda awuro ama b’amumuyɛɛ ne ɔte piri paa; mogya ayi aseɛ ne aso to, yeɛ ndɛengyea ayi kuro ne anu to; ofikyɛ bɛnwa: ‘AWURADE apo aseɛ ne, yeɛ AWURADE nnwu huu.’

Lewitikɔso 19:15

“Nnɛma ɛmɔbua ndɛengyea. Nnɛkã kyɛ ebie te ehianiɛ yiti ebua ye be, yeɛ nnɛkã kyɛ ebie te sona titire yiti ɛkɔ so tu ye dwirɛ hyɛ kyẽa, na mmom bua ebiɛngo ndɛen turoloo.

Hagae 1:4

“Ɛmɔ de, aso mmerɛ adwu kyɛ ɛmɔtenatena ɛmɔ awuro mɔ bɔ bafa nikyee badwura ye kunu ɔ nu, wɔ aberɛ bɔ awuro he de wabubu wagua ɔ?

Marko 15:15

Né Pilato pena kyɛ ɔyɔ nikyee ma ɛlɔen ne bɛ nye sɔ, yiti ɔyakyili Baraba mane bɛ, nakoso Yesu de, ofini ye mbire, na ɔyele ye mane bɛ kyɛ bɛɛbɔ ye mmeamudua nu.

Luka 23:51

bɔ ye de wambene bɛ porɛ ne bɛ yɔleɛ ne aso ɔ, né ye de ɔ́nwondɛ Nyameɛ ahennie ne.

Asomafoɛ 24:27

Afoɛ nyɔ asi ne, Pɔkio Festo sili amrado Felise gya nu. Né Felise pena kyɛ ɔyɔ nikyee ma Yudafoɛ ne nye sɔ, yiti ɔmaa Pɔɔlo hale kuku nu berɛ.

Asomafoɛ 25:9

Nakoso né Festo kuro kyɛ ɔyɔ nikyee ma Yudafoɛ nemɔ nye sɔ, yiti obisale Pɔɔlo kyɛ, “Ekuro kyɛ ɛkɔ Yerusalem ɛkɔye kwaadu hemɔ noa wɔ me nyunu wɔ dɔ anaa?”

Romanfoɛ 1:32

Bɛse Nyameɛ mmeraa ne kyɛ bɛ bɔ bɛyɔ sɔ nningyein nemɔ ne, ewue yeɛ ɔfata bɛ ɔ. Nna kyɛ bɛyɔ sɔ nningyein hemɔ angome, na mmom bɛhyɛ bɛ bɔ bɛyɔ sɔ ne nguraen.

Deuteronomi 1:17

Nnɛma ɛmɔbua ndɛengyea, na mmom ɛ́mɔyɛ asoɛ bétie kwahweabaa mɔ dwirɛ kyɛbɔ ɛmɔtie atitirefoɛ ne ala. Nnɛma ɛmɔsuro sona nyunu, ofikyɛ ndɛenbualɛ ne te Nyameɛ deɛ. Na edwirɛ biala bɔ ɔbo ɛmɔ so ne, ɛ́mɔfa bɛbra me gya so, na ngoli.’

Deuteronomi 16:19

Nnɛbua ndɛengyea, nnɛsisi ebie wɔ ndɛenbualɛ nu, yeɛ nnɛde fea-ase-ma, ofikyɛ fea-ase-ma ma nworɛniɛ bu ye nye gua ndɛen turoloo so, na ɔmaa mmenia bua bɛ bɔ bedi be ɔ ndɛengyea.

Deuteronomi 24:17

“Nnɛbua ɛwɔfoɛ anaa awisianiɛ ndɛengyea; yeɛ nnɛde kunaniɛ tena fa si wɔ berɛ awowaa.

Yosua 24:15

Na sɛ ɛmɔ kunu ndwo kyɛ ɛmɔkɔso AWURADE de a, nzaade ɛnɛ kyẽa ye ɛ́mɔhyire bɔ ɛmɔkɔso ye ɔ: sɛ mmosoen bɔ ɛmɔ nana mɔ sole bɛ wɔ asue ne asi dɔ ne ahɔ oo, anaakyɛ Amorifoɛ bɔ ɛmɔte b’aseɛ so ye bɛ mmosoen nemɔ ahɔ oo. Nakoso me ne m’awuro ama de, yɛ de yɛkɔso AWURADE.”

1 Samuel 15:24

Yeɛ Sɔɔlo sele Samuel kyɛ, “Mayɔ bɔne kyɛ mabu AWURADE mmeraa ne wɔ noa dwirɛ so ɔ, ofikyɛ nzurole koɛhonɛfoɛ nemɔ, na ndiele bɛ dwirɛ.

1 Samuel 15:9

Sɔɔlo ne koɛhonɛfoɛ nemɔ bangu Agage, mmoaen ne nandwie paa nemɔ, nandwie sayɛɛ nemɔ, ɔne mmoaen mmaa nemɔ, yeɛ banzɛkye nikyee biala bɔ ɔte paa ɔ. Banguro kyɛ bekohu bɛ ɔ. Nakoso nikyee biala bɔ bebuli ye kyɛ ɔtte mayee ná ye nwo olle mvasoɛ ne de, bɛsɛkyele ye bɔkɔɔ.