Ɛksadɔso 23:14 - AHYERƐLƐ KRONGRON

¹⁴ “Afoɛnoa biala, di aluolue pɛen nza fa hyɛ me animnyam.

Ɛksadɔso 23:14 Iomraidhean Croise

1 Ahemvo 9:25

Afoɛ biala, né Solomon bɔ naen yeralɛ afɔleɛ ne asomdwee afɔleɛ pɛen nza wɔ afɔleɛ bokyea bɔ osi mane AWURADE ne aso. Asa koso né ɔyera ɛyɛɛ wɔ AWURADE nyunu. Yiti osili asɔneyɛɛ sua ne yiele.

2 Aberɛso Dwirɛ 8:13

Ɔbɔle afɔleɛ biala bɔ odi kyɛ ɔbɔ ye kyẽa biala ɔ, kyɛbɔ Mose mmeraa nu afɔleɛ nhyehyɛleɛ te ne: ɔbɔle afofikyẽa deɛ, ɛsraen foforɛ deɛ, afoɛnoa afoɛnoa aluolue nza nemɔ deɛ bɔ bɛ ole Paanoo Kabrɛdi aluolue, Dapɛn Dapɛn aluolue ne Asese aluolue ne.

Ɛksadɔso 23:17

Afoɛnoa biala, ɔsɛ kyɛ wɔ mmienzua mukoraa bɛba AWURADE Nyameɛ nyunu.

Ɛksadɔso 34:17

“Nnɛhuro nikyee biala fa yɔ bosoen sɔne ye.

Ɛksadɔso 34:18

“Di Paanoo Kabrɛdi aluolue ne. Di paanoo kabrɛdi ɛlɛsoo, kyɛbɔ mahyɛ wɔ ne, bosome Abibo nu mmerɛ bɔ mahyɛ ne, ofikyɛ bosome Abibo nu yeɛ etuli wɔ bo fili Misraim ɔ.

Hesekiel 46:9

“Na sɛ aseɛ ne aso ama bɛba AWURADE nyunu wɔ mmerɛ bɔ bedi aluolue nemɔ a, ebiala bɔ ɔkɔfa sorɔ dɔ anoa piri atee ne aso kɔwa nu kɔɔsɔne ne, ngwaen dɔ anoa piri atee ne aso yeɛ odi kyɛ ɔfa fite kɔ ɔ; yeɛ ebiala bɔ ɔkɔfa ngwaen dɔ anoa piri atee ne aso kɔwa nu ne, sorɔ dɔ anoa piri atee ne aso yeɛ odi kyɛ ɔfa fite kɔ ɔ. Onni kyɛ osa kɔfa anoa bɔ ɔfale nu wale ne anu, na mmom odi kyɛ ɔkɔ ye nyunu tee fite.

Lewitikɔso 23:16

Ɛ́mɔha maa oodwu kyẽa bɔ oli afofikyẽa bɔ ɔtɔ so nzoo ne asi ne, bɔ ɔte aburannu ne, koraka né ɛmɔafa aburoo monɛ afɔleɛ babrɛ AWURADE.

Lewitikɔso 23:34

“Ka kyire Yisraelfoɛ kyɛ, Bosome nzoo ne, ye kyẽa bɔ ɔtɔ so buru ne nnu ne, odi kyɛ bedi Asese aluolue ɛlɛsoo bɛma AWURADE.

Lewitikɔso 23:4

“Ɛhemɔ ole aluolue ahoroɔ bɔ AWURADE atu asie berɛ, nyianu krongron bɔ odi kyɛ ɛmɔdi so mmerɛ bɔ mahyehyɛ mato berɛ ne ɔ.

Lewitikɔso 23:5

Bosome bɔ oli moa ne, ye kyẽa bɔ ɔtɔ so buru ne nna ne, ye nɔsoa, odi kyɛ ɛmɔbɔ Abɔtra afɔleɛ bɛma AWURADE.

Deuteronomi 16:1

Di Abɔtra aluolue ne hyɛ AWURADE wɔ Nyameɛ animnyam wɔ bosome Abibo nu, ofikyɛ bosome Abibo nu yeɛ AWURADE wɔ Nyameɛ yele wɔ fili Misraim kɔngɔen ɔ.

Deuteronomi 16:16

“Afoɛ biala, ɔsɛ kyɛ wɔ mmienzua mukoraati ba AWURADE wɔ Nyameɛ nyunu pɛen nza, wɔ nekaa bɔ okohyire ne: wɔ Paanoo Kabrɛdi aluolue ne, Dapɛn Dapɛn aluolue ne, yeɛ Asese aluolue ne anu. Nnɛmaa bɛfa bɛ sa mbaen bɛba AWURADE nyunu.

1 Samuel 1:3

Afoɛ biala, né Ɛlkana fi ye kuro kɔ Silo kɔsɔne Asafo AWURADE ná ɔbɔ afɔleɛ ma ye wɔ berɛ. Hofini ne Finehase bɔ bɛte Eli mma mmienzua nyɔ ne, né bɛte AWURADE asɔfo wɔ Silo.