Ɛksadɔso 23:12 - AHYERƐLƐ KRONGRON

¹² “Fa elesia yɔ w’adwuma, nakoso kyẽa bɔ ɔtɔ so nzoo ne de, de wɔ nwome; amaa ɔnate so wɔ nandwie ne w’afunum bale bɛ nwome, ná w’afaneɛ awa ne wɔ wɔfoɛ koso bale bɛ nwome.

Ɛksadɔso 23:12 Iomraidhean Croise

Nehemia 13:16

Tirofoɛ bɔ ne bɛte kuro ne aso ne, bɛ koso bɛfale tiré ne dwaa nningyein ahoroɔ bɛɛtɔnene bɛ afofikyẽa bɛmane Yudafoɛ wɔ Yerusalem.

Ɛksadɔso 16:23

na Mose buale bɛ kyɛ, “Bɔ AWURADE ahyɛ hɔ ɛne: ‘Ɛhema te nwomelelɛ kyẽa bɔkɔɔ, afofikyẽa krongron ma AWURADE. Yiti bɔ ɛmɔkɔtoto ne, ɛ́mɔtoto, yeɛ bɔ ɛmɔkɔto ne koso, ɛ́mɔto. Na bɔ ɔkɔha ne, odi kyɛ ɛmɔfa besie maa odwu ɛhema ngyerɛmɔ.’ ”

Ɛksadɔso 23:11

Nakoso afoɛ bɔ ɔtɔ so nzoo ne de, ma aseɛ ne ɔla berɛ mbaen ná ole ye nwome; amaa ɔnate so ɛmɔ nu ehiafoɛ mɔ badidi so; ná eburo ngaka koso bali ye boso ne. Sɔ ala yeɛ yɔ wɔ bobe boo ne wɔ olive boo ɔ.

Ɛksadɔso 34:21

“Fa elesia yɔ adwuma, nakoso kyẽa bɔ ɔtɔ so nzoo ne de, de wɔ nwome; sɛ eboosonɛ anaa mmakaammaa telɛ mmerɛ po a, de wɔ nwome.

Ɛksadɔso 35:2

Elesia yeɛ ɔsɛ kyɛ ɛmɔfa bɛyɔ adwuma ɔ, nakoso kyẽa bɔ ɔtɔ so nzoo ne de, ɔte afofikyẽa krongron ma ɛmɔ, ɔte nwomelelɛ kyẽa bɔkɔɔ ma AWURADE. Na ebiala bɔ ɔkɔyɔ adwuma sɔ kyẽa nen, ɔsɛ kyɛ beku ye.

Ɛksadɔso 35:3

Nnɛma ɛmɔkua see afofikyẽa ne wɔ nekaa biala bɔ ɛmɔte ɔ.

Yesaya 58:3

Bɛnwa: ‘Nzu ati yeɛ yayɛ akɔngyere bɔ ennwu ye ɔ? Nzu ati yeɛ yabrɛ yɛ kra ase bɔ ɛnze ɔ?’ Ɛ́mɔtie, sɛ ɛmɔyɛ akɔngyere a, bɔ ɛmɔ bɔbɔ ɛmɔkuro yeɛ ɛmɔyɔ ɔ, na ɛmɔhyɛ ɛmɔ adwumayɔlɛfoɛ amukoraa so.

Lewitikɔso 23:3

Elesia yeɛ ɔsɛ kyɛ ɛmɔfa bɛ́yɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ. Ɔte nyianu krongron, ná onni kyɛ ɛmɔyɔ adwuma biala; ɔte afofikyẽa ma AWURADE wɔ nekaa biala bɔ ɛmɔkɔtena ɔ.

Marko 2:27

Na osele bɛ kyɛ, “Sona ti yeɛ bɛhyehyɛle afofikyẽa ɔ, ná nna afofikyẽa ti yeɛ bɛbɔle sona ɔ.

Luka 13:14

Nakoso nyianu sua ne anu panyi ne fɛle yaa kyɛ Yesu asa anwonyerɛ afofikyẽa ɔ, na osele mmenia ne kyɛ, “Elesia yeɛ ɔsɛ kyɛ yɛfa yɛyɔ adwuma ɔ. Sɔ ngyẽa nemɔ yeɛ ɛmɔbra ma bɛsa ɛmɔ anwonyerɛ ɔ, na ɔnzɛ kyɛ ɔyɛ afofikyẽa.”