Ɛksadɔso 22:9 - AHYERƐLƐ KRONGRON

⁹ “Edwudwolɛ biala bɔ ɔkɔwa ne, sɛ ɔfa nandwie nwo oo, afunum nwo oo, boaen nwo oo, ndaadeɛ nwo oo, anaa nikyee bie bɔ wamini nwo oo, bɔ mmenia ne anu biala nwa: ‘Me deɛ ɔ’ nen, odi kyɛ sɔ mmenia nyɔ ne fa bɛ dwirɛ ne ba Nyameɛ nyunu. Na bɛ nu ko bɔ Nyameɛ kobua ye foɛ nen, okotua ye mmɔhoɛ nyɔ kɔma obiɛngo ne.

Ɛksadɔso 22:9 Iomraidhean Croise

Gyenesise 31:39

Bɛ bɔ ngaka aboyaa huni bɛ ne po, mamva mammrɛ wɔ, na mmom mmaa ɔyɛle me kerɛ. Na bɛ bɔ bewuale bɛ eyia anaa kɔngɔen ne wora, ɛmaa nduale ye kerɛ.

1 Ahemvo 8:31

“Sɛ ebie yɔ obiɛngo bɔne, ná bɛkã kyɛ ɔta ndaen a, sɛ ɔba w’afɔleɛ bokyea ne anyunu wɔ sua ye anu ɔbata ndaen a,

2 Aberɛso Dwirɛ 19:10

Ɛmɔ aliɛma mɔ bɔ bɛtete bɛ nguro nemɔ aso ne, sɛ bɛ nu biala fa edwirɛ ba ɛmɔ nyunu bɔ ɔfa awuelilɛ nwo, mmeraa anaa mmeraa dwirɛ, ahyɛdeɛ anaa nhyehyɛleɛ nwo a, odi kyɛ ɛmɔkyirekyire bɛ, amaa ɔnate so banni fɔ wɔ AWURADE nyunu maa ye yaafɛlɛ piri wamma ɛmɔ ne ɛmɔ aliɛma mɔ so. Ɛ́mɔyɔ sɔ, amaa ɛmɔanni fɔ.

Ɛksadɔso 22:10

“Sɛ ebie fa ye afunum, nandwie, boaen, anaa kaka biala wura obiɛngo sa, ná sɛ kaka ne wu, opura, anaa bewua ye bɔ ebiala nye ambɛ so ne,

Ɛksadɔso 22:28

“Nnɛkã edwirɛ tɛɛ tia Nyameɛ, yeɛ nnɛnoma wɔ maen panyi.

Ɛksadɔso 22:4

Nakoso sɛ ɛhe si wɔ mmerɛ bɔ eyia apukye a, ye de odi ye wue nwo fɔ.

Lewitikɔso 6:5

anaa nikyee biala bɔ ɔnate ngondombo ndaentalɛ so nyane ye ne, odi kyɛ osa fa ye mu kɔ; na odi kyɛ ɔbɔ ye nwo nnu nu ngyɛmuɛ ko ɔfa ma nikyee ne mene, kyẽa bɔ ɔbɔ foɛlilɛ afɔleɛ ne.

Mateo 18:15

“Sɛ eliɛma yɛ wɔ tɛɛ a, kɔhã ye mvomsoɛ kyire ye wɔ mmerɛ bɔ ɛne ye bɛ munyɔ pɛ yeɛ bɛwɔ berɛ ɔ. Sɛ otie wɔ a, anya eliɛma.

Mateo 18:35

“Na sɛ ɛmɔanye ɛmɔ kunu fitaa bamva ɛmɔ aliɛma mvomsoɛ bangyɛ ye a, sɔ ala yeɛ me Baba bɔ ɔwɔ nyameɛso ne koso kɔyɛ ɛmɔ ɔ.”

Deuteronomi 25:1

“Sɛ mmenia nyɔ nya edwudwolɛ a, ɔsɛ kyɛ bɛfa bɛkɔ mbanyi nyunu ma ndɛenbualɛfoɛ bua ndɛen. Bekobua bɔ ye dwirɛ yɛ fɛ ne be, ná babua bɔ ye dwirɛ nyɛ fɛ ne foɛ.