Ɛksadɔso 22:30 - AHYERƐLƐ KRONGRON

³⁰ Sɔ ala yeɛ yɛ wɔ nandwie ne wɔ mmoaen ɔ: Maa oli oni anwo ɛlɛsoo, nakoso ye ɛlɛbɔtwɛ ne aso de, fa ye ma me.

Ɛksadɔso 22:30 Iomraidhean Croise

Gyenesise 17:12

Na ɛmɔ aworɛ ndoatoasoɛ mukoraa nu, sɛ bienzua biala di ɛlɛbɔtwɛ a, odi kyɛ bɛpɛ ye bienzua. Yeɛ sɛ bɛwo kanganiɛ wɔ w’awuro, anaa ɛfale sikaa tɔle ye fili amanvraniɛ biala, bɔ nna wɔ nwoniɛ ahɔ berɛ a, odi kyɛ ɛpɛ ye bienzua.

Ɛksadɔso 13:12

tu abɔdeɛ biala bɔ okoli moa kofi koɛsɛen nu kɔwa ne sie berɛ ma AWURADE. Wɔ nyɛmmoa mɔ bɛ bamuɛbaa bienzua mukoraa te AWURADE deɛ.

Hesekiel 4:14

Yeɛ nzele kyɛ, “Ao, AWURADE Nyameɛ, me kra nwo ogguale fiɛ le; ofi me ngwadaa nu bɔ ɔbaadwu ɛnɛ ɔ, nnnili kaka bɔ ye bɔbɔ wawu ɔ anaa bɔ kaka bie ahye ye ɔ le, yeɛ akyiwadeɛ naen biala ɔhhane me noa le.”

Lewitikɔso 11:44

Ofikyɛ me ole AWURADE ɛmɔ Nyameɛ; yiti ɛ́mɔte ɛmɔ anwo, ná ɛ́mɔyɛ krongron ofikyɛ nde krongron. Nnɛma ɛmɔfa kaka biala bɔ ɔtwe ye nwo ase begua ɛmɔ nwo fiɛ.

Lewitikɔso 11:45

Ofikyɛ me ole AWURADE bɔ nyele ɛmɔ mvili Misraim aseɛ so mmale ne, bɔ me yeɛ nde ɛmɔ Nyameɛ ɔ; yiti ɛ́mɔyɛ krongron, ofikyɛ nde krongron.”

Lewitikɔso 12:3

Na ye ɛlɛbɔtwɛ ne aso, odi kyɛ bɛpɛ akwadaa ne bienzua.

Lewitikɔso 17:15

Sona biala, kuromani oo, ɛwɔfoɛ oo, bɔ okoli naenmvuin anaa naen biala bɔ kaka aboyaa bie ahu ye atete ye ne, odi kyɛ ɔpo ye nwo nningyein, ná ɔ́fa nzue bia, na ye nwo kogua fiɛ maa okoodwu nɔsoa koraka né ye nwo ate.

Lewitikɔso 22:27

“Sɛ bɛwo nandwie anaa boaen anaa abɔngye a, ɔkɔtena oni anwo ɛlɛsoo. Ofi ye ɛlɛbɔtwɛ ne aso ne, sɛ bɛyera ye bɛfa bɛbɔ afɔleɛ bɛma AWURADE a, ye nye kɔsɔ.

Lewitikɔso 22:8

Naenmvuin anaa naen bɔ kaka aboyaa bie ahu ye atete ye de, nnɛmaa odi ná wamva wangua ye nwo fiɛ: Me ole AWURADE.’

Lewitikɔso 7:23

“Ka kyire Yisraelfoɛ kyɛ, Nnɛma ɛmɔdi nandwie loe, anaa boaen loe, anaa abɔngye loe.

Lewitikɔso 7:24

Kaka biala bɔ ye bɔbɔ okowu, anaakyɛ bɔ kaka aboyaa bie kohũ ye ne, ɛmɔkɔhora bɛkɔfa ye loe bɛkɔyɔ nikyee foforɛ, nakoso nnɛma ɛmɔdi.

Lewitikɔso 7:26

Afei ɛmɔ atenaleɛ biala anu, nnɛma ɛmɔdi anomaa anaakyɛ kaka biala mogya.

Deuteronomi 14:21

“Nnɛma ɛmɔdi kaka fuin biala. Ɛkɔhora kɔfa kɔma ɛwɔfoɛ bɔ ɔwɔ wɔ kuro maa okoli, anaakyɛ ɛkɔhora kɔyɛ ye atɔen kɔma ɛwɔfoɛ; ofikyɛ ɛte maen krongron ma AWURADE wɔ Nyameɛ. “Nnɛfa abɔngye ba oni nyɔfonesue gua ye nwo to.

Deuteronomi 15:19

“Wɔ nandwie ne mmoaen mɔ bɛ bamuɛbaa bienzua biala, tu bɛ sie berɛ ma AWURADE wɔ Nyameɛ. Nnɛfa wɔ nandwie bamuɛbaa yɔ adwuma, yeɛ nnɛpepɛ wɔ boaen bamuɛbaa nwiaa.