Ɛksadɔso 22:28 - AHYERƐLƐ KRONGRON

²⁸ “Nnɛkã edwirɛ tɛɛ tia Nyameɛ, yeɛ nnɛnoma wɔ maen panyi.

Ɛksadɔso 22:28 Iomraidhean Croise

2 Samuel 16:5

Mmerɛ bɔ Nana Dawide oodwuli Bahurim nen, mvum nu, biaa bie bɔ oli Simei bɔ ofi Sɔɔlo abusua nu wale berɛ. Ye baba ole Gera. Ɔ́ba ne, né ɔ́boro amoen.

2 Samuel 16:9

Na Seruya awa Abisae sele Nana Dawide kyɛ, “Me mene, ɔwale ye sɛ bɔ sɔ kyea fuin he ɔboro wɔ amoen ɔ? Nana, maa ngɔnde ye ti mvi so.”

2 Samuel 19:21

Na Seruya awa Abisae buale kyɛ, “Aso ɔnzɛ kyɛ beku Simei anaa? Ofikyɛ ɔborole sona bɔ AWURADE apopa ye ngoo ne amoen.”

1 Ahemvo 21:10

Ɛ́mɔma mmienzua asanzafoɛ nyɔ bɛtena ye nyunu ndendeneɛ so, ná ɛ́mɔma bɛ́bɔ ye kwaadu kyɛ, ‘Ahã musue dwirɛ atia Nyameɛ ne Nana Ahabo.’ Na afei ɛ́mɔfa ye befite bɛɛboro ye nyɔboɛ behũ ye.”

Edwein 138:1

Ao AWURADE, ngɔfa m’ahone amukoraa ngɔla wɔ ase; nyameɛ mɔ anyunu yeɛ meto wɔ nwo ayɛyelɛ dwein ɔ.

Edwein 32:6

Yiti ebiala bɔ ɔtengyɛ ne, odi kyɛ ɔbɔ mbaeɛ okyire wɔ. Amaneɛnwunɛ mmerɛ nu, sɛ amaneɛnwunɛ ba ye so kyɛ asue bɔ wayi bɔ ɔse wuruwuru a, ye de ɔngoto ye.

Ɛksadɔso 13:12

tu abɔdeɛ biala bɔ okoli moa kofi koɛsɛen nu kɔwa ne sie berɛ ma AWURADE. Wɔ nyɛmmoa mɔ bɛ bamuɛbaa bienzua mukoraa te AWURADE deɛ.

Ɛksadɔso 13:2

“Tu bamuɛbaa mukoraa sie berɛ ma me; ebiala bɔ okoli moa kofi koɛsɛen nu kɔwa wɔ Yisraelfoɛ nu ne, sona oo, ayɛmmoa oo, ɔte me deɛ.”

Ɛksadɔso 21:17

“Ebiala bɔ ɔkɔnoma ɔse anaa oni nen, ɔsɛ kyɛ beku ye.

Ɛksadɔso 23:16

“Di Buberɛ aluolue ne, wɔ mmerɛ bɔ ekoli moa kɔpɛ aleɛ bɔ alua ye wɔ aseɛ ne aso ne. Di Aleɛ Noa Boaboalɛ aluolue ne, wɔ afoɛ ne ayieleɛ, mmerɛ bɔ afa wɔ boo nu aleɛ ne.

Ɛksadɔso 23:19

“W’aseɛ so aleɛ paa bɔ ekoli moa kɔpɛ ne, fa brɛ AWURADE wɔ Nyameɛ awuro. Nnɛfa abɔngye ba oni nyɔfonesue gua ye nwo to.

Nworɛ Dwirɛhanɛniɛ 10:20

Ɛhene ne, wɔ ti anu po, nnɛnoma ye, yeɛ nnɛfea wɔ pumbu nu noma sikafoɛ, ofikyɛ ewienu anomaa bie kɔfa wɔ noa dwirɛ ne kɔhɔ, anaa kaka bie bɔ ole ndaa ɔ kɔɔbɔ amaneɛ.

Lewitikɔso 24:11

Biaa bɔ oni yeɛ ɔte Yisraelniɛ ne, ɔbɔle Dumaa bɔ bɛmmɔ ne ɔfa nomale, na ɔkekane musue dwirɛ tiale ye dumaa. Bɛfale ye bɛwale Mose nyunu. Oni dumaa ole Selomite, bɔ oni ole Dibri bɔ ofi Dan abusua kure nu ne.

Lewitikɔso 24:15

Na ka kyire Yisraelfoɛ kyɛ, Ebiala bɔ ɔkɔnoma Nyameɛ ne, ye bɔne kɔbɔ ye bɔbɔ ye ti so.

Lewitikɔso 24:16

Ebiala bɔ ɔkɔha musue dwirɛ kotia AWURADE dumaa ne, odi kyɛ beku ye ɔ; sona bɔ ɔkɔha musue dwirɛ ne, odi kyɛ maen ne amukoraa bɛboro ye nyɔboɛ beku ye. Ɛwɔfoɛ oo, kuromani oo, sɛ bɛ nu biala ka musue dwirɛ tia Nyameɛ Dumaa a, odi kyɛ beku ye ɔ.

Asomafoɛ 23:3

Yeɛ Pɔɔlo koso sele ye kyɛ, “Wɔ yeɛ Nyameɛ kɔbɔ wɔ ɔ. Wɔ, fasue bɔ bahã ye nwo fufue ɔ! Wɔ yeɛ ɛte berɛ egyina mmeraa ne aso ebua me ndɛen ɔ, nakoso wɔ wora ebu mmeraa ne aso ɛhyɛ kyɛ bɛbɔ me!”

Asomafoɛ 23:5

Na Pɔɔlo buale kyɛ, “Aliɛmaa mɔ Yisraelfoɛ, né menze kyɛ ɔte ɔsɔfo panyi paa ɔ; ofikyɛ bahyerɛ kyɛ, ‘Ɔnzɛ kyɛ ɛkã wɔ maen panyi nwo dwirɛ tɛɛ ɔ.’ ”

1 Petro 2:17

Ɛ́mɔfa anidie bɛ́ma mmenia amukoraa! Ɛ́mɔhurohuro aliɛmaa mɔ agyidifoɛ dwirɛ! Ɛ́mɔsuro Nyameɛ! Ɛ́mɔfa anidie bɛ́ma ɛhene ne!

2 Petro 2:10

nganga bɛ bɔ bedi anwoɔnaen akɔnnɔ fiɛ si, ná bebu tumililɛ animtia ɔ. Besi b’ahone, bedi bɛ ti piri, na benzuro kyɛ bɛkɔkekã dwirɛ bekotia animnyamfoɛ nemɔ ɔ.

Yuda 1:8

Na sɔ ala yeɛ sɔ laleɛhyenɛfoɛ nemɔ begua bɛ nwonaen nwo fiɛ ɔ. Bebu tumililɛ animtia, na bɛkekã dwirɛ betia animnyamfoɛ nemɔ.

1 Samuel 24:10

Tie, ɛnɛ kyẽa ye, wɔ nye tua kyɛbɔ AWURADE fale wɔ wurale me sa, wɔ nyɔboɛ bɔ wasi sua ne anu ɔ. Ebiemɔ sele me kyɛ ngu wɔ, nakoso mamaa anya wɔ ti adidi nu. Na ngane kyɛ, ‘Mengɔfa me sa ngɔhã me mene, ofikyɛ AWURADE apopa ye ngoo.’

1 Samuel 24:6

Na osele ye mmenia nemɔ kyɛ, “AWURADE pa gua kyɛ ngɔyɔ sɔ nikyee ne ngotia me mene bɔ AWURADE apopa ye ngoo ɔ, kyɛ ngɔfa me sa ngɔhã ye ɔ, ofikyɛ AWURADE apopa ye ngoo.”

1 Samuel 26:9

Nakoso Dawide sele Abisae kyɛ, “Nnɛku ye! Nwa yeɛ ɔkɔhora kɔfa ye sa kɔha sona bɔ AWURADE apopa ye ngoo, bɔ ongoli fɔ ɔ?”