Ɛksadɔso 22:25 - AHYERƐLƐ KRONGRON

²⁵ “Me mmenia ehiafoɛ bɔ bɛwɔ ɛmɔ nu ne, sɛ ɛfa sikaa fɛmo bɛ nu biala a, nnɛyɛ ye kyɛ sona bɔ ɔbɔ bosea ɔ, yeɛ nnede ye berɛ nzihoɛ.

Ɛksadɔso 22:25 Iomraidhean Croise

2 Ahemvo 4:1

Ngɔmhyɛlɛfoɛ fekue ne, bɛ nu ko aye oosuni hyirele Elisa kyɛ, “Me hu, bɔ ɔte wɔ somvoɛ ne, wawu. Ɛse kyɛ wɔ somvoɛ, né osuro AWURADE. Nakoso ebie bɔ yɛma ye kerɛ ɔ, wawa kyɛ ɔbaafa me mma nyɔ nemɔ yɛ nganga sie kerɛ ne anoa.”

2 Ahemvo 4:7

Braa ne ɔɔbɔle Nyameɛ sona ne amaneɛ, na osele braa ne kyɛ, “Kɔtɔne ngoo ne fa tuatua wɔ nwo kerɛ. Na bɔ ɔkɔha ne, ɛne wɔ mma mɔ, ɛ́mɔfa bɛnea bɛ nwo.”

Nehemia 5:7

Na ndwene ye nwo alaa nen, mmɔle atitire ne mbanyi nemɔ kwaadu nzele bɛ kyɛ, “Ɛmɔde nzihoɛ befi ɛmɔ bɔbɔ deinn ɛmɔ aliɛma mɔ berɛ!” Na mmɔle dwaa kandinga kyɛ mene bɛ koli,

Edwein 15:5

ɔmmɔ bosea mva nzihoɛ nzi ye nwo, yeɛ onne fea-ase-ma mmua bɔ odi be ɔ ndɛengyea. Ebiala bɔ odi sɔ dwirɛ nemɔ aso ne, ye bo ngotutu.

Anyandera 28:8

Sona bɔ ɔnate aminɛlilɛ ne bosea nwo nzihoɛ so onya ye nwo ne, ye anwonya bɔ ɔboaboa ye noa ne, okodi ebie bɔ ɔse ehiafoɛ anwumvoin ɔ ye berɛ.

Yeremia 15:10

Mooni ee! Edwirɛ ato me oo, kyɛ ɛwole me, kyɛ sona bɔ aseɛ ye aso ama amukoraa bɛ ne me di apereapereɛ, ná bɛko betia me ɔ! Mmmɔle ebie bosea nnnele nzihoɛ, yeɛ nnnele ebie bosea nnduale nzihoɛ, nakoso bɛ mukoraa bɛnoma me.

Hesekiel 18:13

ɔbɔ bosea fa nzihoɛ si ye nwo, anaa ode bie boka so a, aso okonya ngoa anaa? Ongonya ngoa. Wabɔ sɔ akyiwadeɛ bra ne amukoraa; ewue yeɛ okowu ɔ, na ye bɔbɔ ye mogya kɔbɔ ye ti so.

Hesekiel 18:17

onni ehiafoɛ aminɛ, ɔbɔ bosea a ɔmva nzihoɛ nzi ye nwo, anaa onne bie mmoka so; ná mmom odi me nhyehyɛleɛ ne m’ahyɛdeɛ so a, ye de, nna ye baba amumuyɛɛ ne ati yeɛ ɔbaamaa owu ɔ. Nahorɛ nu, okonya ngoa.

Hesekiel 18:7

ɔnhyɛ obiɛngo so; na mmom sɛ ebie fa nikyee si ye berɛ awowaa a, osa fa ye nikyee ma ye, ɔmva ebie nningyein patapaa so, na mmom ɔfa ye aleɛ ma bɔ ɛhɔen ku ye ɔ, ɔma bɔ ye nwo la so ɔ ɛtena,

Hesekiel 18:8

ɔmmɔ bosea mva nzihoɛ nzi ye nwo, anaa onne bie mva mmoka so, ɔtwe ye nwo fi amumuyɛɛ nwo, obua mmenia afia ndɛen bɔ ɔtengyɛ ɔ,

Hesekiel 22:12

Mmenia wɔ wɔ nu bɔ bede fea-ase-ma beku mmenia ɔ. Ede nzihoɛ mbemanim, na esisi ebiɛngo enya wɔ nwo; nakoso me de, wɔ wora afi me, AWURADE Nyameɛ noa dwirɛ ɛne.

Amose 2:8

Ndena bɔ bafa basi bɛ berɛ awowaa ne, bɛfa bɛsesɛ afɔleɛ bokyea biala anwo bɛda so, na bɛtɔ mmenia bedi a, nu nzaa ne, bɛno ye wɔ bɛ nyameɛ mɔ awuro.

Mateo 25:27

Nzaade, ahaa né ɔsɛ kyɛ ɛfa me sikaa ne kɔma sikakorabeafoɛ. Na mmale ye, ahaa me sa kɔhã me sikaa ne ne ye nwo nzihoɛ!

Luka 19:23

Na nzu ati yeɛ amva me sikaa ne ando sikakorabea ɔ, kyɛ meba a, me sa kɔhã me nikyee ne ye nwo nzihoɛ ɔ?’

Deuteronomi 15:7

“Sɛ eliɛma bie te ehianiɛ wɔ kuro bie anu, wɔ w’aseɛ bɔ AWURADE wɔ Nyameɛ ɔ́fa ma wɔ ne aso a, nnɛbɔ eliɛma ne atianuserɛ, yeɛ nnɛma wɔ sa bo yɛ se ma eliɛma bɔ ye nwo ahyere ye ɔ.

Deuteronomi 24:13

Sɛ eyia kwaatɔ a, fa awowaa nikyee ne sá kɔma ye maa onya ye tena ogurɔ ye nwo, ná óyira wɔ. Na ɔkɔyɛ yɔleɛ bɔ ɔtengyɛ wɔ AWURADE wɔ Nyameɛ nyunu kɔma wɔ.