Ɛksadɔso 22:24 - AHYERƐLƐ KRONGRON

²⁴ na ngɔfɛ yaa piri paa, ná mafa ngrandɛ mahu ɛmɔ: ɛmɔ aye mɔ kɔyɛ kunafoɛ, ná ɛmɔ mma mɔ ayɛ awisiafoɛ.

Ɛksadɔso 22:24 Iomraidhean Croise

Nehemia 5:7

Na ndwene ye nwo alaa nen, mmɔle atitire ne mbanyi nemɔ kwaadu nzele bɛ kyɛ, “Ɛmɔde nzihoɛ befi ɛmɔ bɔbɔ deinn ɛmɔ aliɛma mɔ berɛ!” Na mmɔle dwaa kandinga kyɛ mene bɛ koli,

YOB NWOMAA NE 31:23

Ofikyɛ né mesuro kyɛ Nyameɛ kɔma musue kɔto me ɔ, yeɛ ahaa mengɔhora ye animnyam ne anyunu gyina.

Edwein 109:2

ofikyɛ bɔnefoɛ ne nnakannakafoɛ batu bɛ noa basie me so, na bɛpepɛ anoanu dwirɛ begua me so.

Edwein 109:9

Ma ye mma mɔ bɛyɛ nyisiaa, ná ɔye koso ɔyɛ kunaniɛ.

Edwein 15:5

ɔmmɔ bosea mva nzihoɛ nzi ye nwo, yeɛ onne fea-ase-ma mmua bɔ odi be ɔ ndɛengyea. Ebiala bɔ odi sɔ dwirɛ nemɔ aso ne, ye bo ngotutu.

Edwein 69:24

Ma wɔ nye boro bɛ so, ná ma wɔ yaa bɔ afɛ ye hahii ne ɔhɔ bɛ so.

Edwein 76:7

Nakoso wɔ de, wɔ nwo yɛ suro! Sɛ ɛfɛ yaa a, nwa yeɛ ɔkɔhora wɔ nyunu gyina ɔ?

Edwein 90:11

Nwa yeɛ ɔse wɔ ɛyaafɛlɛ ne noa hyerɛ ɔ? W’ahonehulɛ ne, ɔne esurolɛ bɔ odi kyɛ besuro wɔ ne, bɛte pɛ.

Yeremia 15:8

Mama b’akunafoɛ mmrasua mɔ basone pee batra mboanoa anweaa; mama bɛ bɔ bekũkũ mmenia ne, bahɔ mmerandeɛ mɔ bɛ ni mɔ so eyiagyina. Mama aworabɔlɛ ne ahunundetelɛ atɔ bɛ so mvum nu.

Yeremia 18:21

Yiti maa ɛhɔen ohũhũ bɛ mma mɔ, maa bɛtotɔ ngrandɛ noa, bɛ ye mɔ, ma bɛ mma fi bɛ sa, maa bɛyɛ kunafoɛ. Ma ewue anwonyerɛ ohũhũ bɛ hu mɔ; ma bɛ mmerandeɛ mɔ totɔ ngrandɛ noa wɔ koɛ nu.

Awuye 5:3

Yakakyi nyisiaafoɛ bɔ belle seɛ ɔ, yɛ ni mɔ akakyi kunafoɛ.

Lewitikɔso 25:35

“Sɛ wɔ nwoniɛ bie kɔ anwokyere nu, ná ɔfa ye anwokyere ne bato wɔ so a, odi kyɛ ɛboka ye ɔ; maa ɔne wɔ bɛtena kyɛ ɛwɔfoɛ anaa bataniɛ bɔ waasikye wɔ ɔ.

Lewitikɔso 25:36

Nnɛde ye dɔ nzihoɛ, yeɛ nnɛdidi ye nwo, na mmom suro wɔ Nyameɛ, ná ma eliɛma ne ɔne wɔ bɛtena.

Nahum 1:6

Nwa yeɛ ɔkɔhora kogyina ye ahonehulɛ ne nyunu ɔ? Nwa yeɛ ɔkɔhora kogyina ye yaa noa hyerɛhyerɛ ne noa ɔ? Ye yaafɛlɛ ne hwie gua kyɛ see, na ɔma nyɔbotaen mɔ nu dwudwa.

Luka 6:38

Ɛ́mɔfa bɛ́ma, na bɛkɔfa bɛkɔma ɛmɔ; asusudeɛ paa bɔ bamiamia so, bɔ bawoso ye, bɔ wayi wabo so ɔ yeɛ bekohwie bekogua ɛmɔ tena nu ɔ. Ofikyɛ asusudeɛ bɔ ɛmɔfa besusu ne, sɔ asusudeɛ ne ala yeɛ bɛkɔfa bekosusu bɛkɔma ɛmɔ ɔ.”

Deuteronomi 23:20

Ɛfa fɛmo amanvraniɛ a, ye de, de ye nwo nzihoɛ. Nakoso ɛfa fɛmo eliɛma Yisraelniɛ de a, ye de, nnɛde ye nwo nzihoɛ, na ɔnate so AWURADE wɔ Nyameɛ koyira wɔ wɔ wɔ sa noa adwuma mukoraati nu, wɔ aseɛ bɔ ɛkwaafa tena so ne aso.

Deuteronomi 23:21

“Sɛ ɛhyɛ AWURADE wɔ Nyameɛ bɔ a, nnɛtwetwe wɔ bo ase wɔ ye tualɛ nu; ofikyɛ ɔyɛ sɛɛ ala a AWURADE wɔ Nyameɛ kobisa kofi wɔ berɛ, na ɔkɔkakyi wɔ so bɔne.

Hebrifoɛ 10:31

Na ɔyɛ suro kyɛ ɛkɔma Nyameɛ teasefoɛ ne sa kɔsɔ wɔ nu ɔ!