Ɛksadɔso 22:23 - AHYERƐLƐ KRONGRON

²³ Sɛ ɛmɔsisi bɛ ná besu bɛfrɛ me a, ngotie bɛ suɛ ne paa;

Ɛksadɔso 22:23 Iomraidhean Croise

YOB NWOMAA NE 34:28

Bɛmane mmenia bɔ bɛyɛ anwumvo ɔ bɛ suɛ dwuli ye nyunu, na wate bɛ bɔ benwu amaneɛ ɔ bɛ suɛ.

YOB NWOMAA NE 35:9

“Mmenia bɔ awuye, ɔnate nhyɛsoɛ worawora ti, besu bɛpena mmokalɛ, ofikyɛ bewura tumifoɛ atianuserɛfoɛ bɛ sa.

Edwein 10:14

Nakoso enwu ye. Amba, wɔ nye tua amaneɛ ne aworabɔlɛ bɔ ɔba ɔ, maa yiti ɛkɔhwe ye so wɔ ye nwo. Sona bɔ ɔyɛ anwumvo ne, ɔfa ye nwo wura wɔ sa; wɔ yeɛ ɛte ayisiaaniɛ bokafoɛ ɔ.

Edwein 140:12

Mese kyɛ AWURADE di bɛ bɔ bɛyɛ anwumvo ɔ bɛ dwirɛ ma bɛ, na obua ndɛen turoloo ma ehiafoɛ.

Edwein 145:19

Ɔyɔ bɛ bɔ besuro ye ɔ b’apɛdeɛ ma bɛ; afei koso otie bɛ sufrɛ, na ɔpepɛ de bɛ.

Edwein 18:6

Nzu mvrɛle AWURADE wɔ m’amaneɛ nu, na ndeane nu mvrɛle me Nyameɛ kyɛ ɔboka me. Ɔwɔ ye asɔneyɛɛ sua nu dɔ yeɛ ɔtele me komvi ɔ, na me sufrɛ dwuli ye so anu.

Edwein 68:5

Ayisiaafoɛ baba ne akunafoɛ neafoɛ, ye ole Nyameɛ bɔ ɔwɔ ye atenaleɛ krongron nu ne.

Ɛksadɔso 22:27

ofikyɛ ye tena ala ɛne, bɔ ɔfa kata ye nwo hɔ ɛne. Nzu yeɛ ɔ́fa gurɔ ye nwo ɔla ɔ? Na sɛ osũ frɛ me a, ngotie ye, ofikyɛ mese anwumvoin.

Awuye 5:3

Yakakyi nyisiaafoɛ bɔ belle seɛ ɔ, yɛ ni mɔ akakyi kunafoɛ.

Luka 18:7

Na bɛ bɔ Nyameɛ aneanea nu waye bɛ, bɔ besu bɛfrɛ ye eyia ne kɔngɔen ne, sɛ ɔto ye bo ase ɔkyɛ kãa wɔ bɛ nwo a, aso ongoli bɛ dwirɛ ngɔma bɛ anaa?

Deuteronomi 10:18

Ye bɔ odi nyisiaafoɛ ne akunafoɛ dwirɛ ma bɛ ɔ, ye bɔ okuro ɛwɔfoɛ dwirɛ, ná ɔma ye aleɛ ne ɛtena ɔ.

Deuteronomi 15:9

Nea yé né annya adwene tɛɛ bie kyɛ, ‘Afoɛ bɔ ɔtɔ so nzoo, bɔ ɔte kerɛ-fahyɛlɛ afoɛ ne apingye,’ ná amva eliɛma hianiɛ nwo dwirɛ tɛɛ anzie wɔ ti anu, kyɛ ɛngɔma ye hwee. Eliɛma ne kosũ kogua wɔ so kohyire AWURADE, na ɔkɔkakyi bɔne kotia wɔ.

Deuteronomi 24:15

Kyẽa biala bɔ ɔkɔyɔ adwuma ne, tua ye kerɛ koraka né eyia atɔ, ofikyɛ ɔte ehianiɛ, na ye nyunu ne ye si ɛne. Anyɔ a, okosũ kohyire AWURADE kogua wɔ so, na ɔkɔkakyi bɔne kɔma wɔ.

Yakobo 5:4

Ɛ́mɔtie! Apaafoɛ bɔ bɛyɔle ɛmɔ fieso adwuma ne, b’akatuaa bɔ ɛmɔnate asisie so bɛfa besiele ne, ɔtea nu; na bɛ bɔ bɛtele ɛmɔ fieso nnɔbaeɛ ne, bɛ suɛ ne waadwu Asafo Awurade so anu.