Ɛksadɔso 22:22 - AHYERƐLƐ KRONGRON

²² Nnɛma ɛmɔsisi kunaniɛ brasua, anaa awisianiɛ biala.

Ɛksadɔso 22:22 Iomraidhean Croise

YOB NWOMAA NE 31:16

“Bɛ bɔ bɛyɛ anwumvo ne, aso mafa bɔ behia ɔ mabɔ bɛ atianuserɛ, anaa mama akunafoɛ mmrasua bafa bɛ nye bato me so mbaen?

YOB NWOMAA NE 34:28

Bɛmane mmenia bɔ bɛyɛ anwumvo ɔ bɛ suɛ dwuli ye nyunu, na wate bɛ bɔ benwu amaneɛ ɔ bɛ suɛ.

Edwein 10:14

Nakoso enwu ye. Amba, wɔ nye tua amaneɛ ne aworabɔlɛ bɔ ɔba ɔ, maa yiti ɛkɔhwe ye so wɔ ye nwo. Sona bɔ ɔyɛ anwumvo ne, ɔfa ye nwo wura wɔ sa; wɔ yeɛ ɛte ayisiaaniɛ bokafoɛ ɔ.

Edwein 34:7

Bɛ bɔ besuro AWURADE ne, ye abɔfo bɔ bɛ nwo waen bra yia, na ɔpepɛ de bɛ.

Anyandera 22:23

ofikyɛ AWURADE koli bɛ dwirɛ kɔma bɛ, na bɛ bɔ besisi ehiafoɛ ne, okole bɛ kra kofi bɛ sa nu.

Anyandera 23:10

Nnɛtutu daa tete ɛwɛen, yeɛ nnɛpimbi nyisiaa mɔ b’aseɛ,

Anyandera 23:11

ofikyɛ bɛ Defoɛ ne ɔte tuminiɛ, na okoli bɛ dwirɛ kɔma bɛ maa okotia wɔ.

Yesaya 1:17

Ɛ́mɔsua bɔ ɔte paa ɔ bɛyɔ, ɛ́mɔpena pɛpɛɛpɛyɛlɛ si atee, ɛ́mɔpepɛ bele bɛ bɔ bɛyɛ anwumvo ɔ, ɛ́mɔhã bie bɛma nyisiaafoɛ, ná ɛmɔgyina akunafoɛ mmrasua si.

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 10:2

kyɛ bɛfa bebua ehiafoɛ ndɛengyea, kyɛ bɛfa bedi me mmenia bɔ bɛyɛ anwumvo ɔ aminɛ, bɔ ɔnate so bɛfa akunafoɛ mmrasua bɛkakyi bɛ koɛ nu nzesadeɛ, ɔne kyɛ bedi nyisiaa aminɛ ɔ.

Yeremia 7:6

sɛ ɛmɔanhyɛ ɛwɔfoɛ mɔ, nyisiaa ne akunafoɛ mmrasua mɔ so, sɛ ɛmɔanga mogya bɔ odi be ɔ bangua wɔ wa, ná ɛmɔanzo nyameɛ foforɛ mɔ bamva banha ɛmɔ nwo a,

Yeremia 7:7

ye de ngɔma ɛmɔkɔtena wa, aseɛ bɔ daa ne mva mane ɛmɔ nana mɔ afebɔɔ ne aso.

Hesekiel 22:7

Bebu seɛ ne niɛ animtia wɔ wɔ nu; bɛhyɛ ɛwɔfoɛ so wɔ wɔ nu; yeɛ besisi nyisiaa ne kunafoɛ mmrasua koso wɔ wɔ nu.

Sakaria 7:10

nnɛma ɛmɔsisi kunafoɛ, ayisiaa, ɛwɔfoɛ ne ehianiɛ; yeɛ nnɛma ɛmɔ nu biala dwene obiɛngo nwo adwene tɛɛ.”

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Mateo 23:14

Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔbɔ akunafoɛ mmrasua apoo bede bɛ nningyein, nakoso ɛmɔpati bɛbɔ mbaeɛ tendenn bekyire. Ɛhe ati, bekobua ɛmɔ foɛ piri paa!]

Deuteronomi 10:18

Ye bɔ odi nyisiaafoɛ ne akunafoɛ dwirɛ ma bɛ ɔ, ye bɔ okuro ɛwɔfoɛ dwirɛ, ná ɔma ye aleɛ ne ɛtena ɔ.

Deuteronomi 15:9

Nea yé né annya adwene tɛɛ bie kyɛ, ‘Afoɛ bɔ ɔtɔ so nzoo, bɔ ɔte kerɛ-fahyɛlɛ afoɛ ne apingye,’ ná amva eliɛma hianiɛ nwo dwirɛ tɛɛ anzie wɔ ti anu, kyɛ ɛngɔma ye hwee. Eliɛma ne kosũ kogua wɔ so kohyire AWURADE, na ɔkɔkakyi bɔne kotia wɔ.

Deuteronomi 24:17

“Nnɛbua ɛwɔfoɛ anaa awisianiɛ ndɛengyea; yeɛ nnɛde kunaniɛ tena fa si wɔ berɛ awowaa.

Deuteronomi 24:18

Kaye kyɛ né ɛte kanga wɔ Misraim, na AWURADE wɔ Nyameɛ lele wɔ fili berɛ; yiti méhyɛ wɔ kyɛ di sɔ dwirɛ he aso.

Deuteronomi 27:19

“ ‘Musue tó sona biala bɔ okobua ɛwɔfoɛ, awisianiɛ anaa kunaniɛ ndɛengyea ɔ.’ Na mmenia ne amukoraa kosuro so kyɛ, ‘Amen!’

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.