Ɛksadɔso 22:21 - AHYERƐLƐ KRONGRON

²¹ “Nnɛdi ɛwɔfoɛ aminɛ, anaa nnɛsisi ye, ofikyɛ né ɛmɔ koso ɛmɔte wɔfoɛ wɔ Misraim aseɛ so.

Ɛksadɔso 22:21 Iomraidhean Croise

YOB NWOMAA NE 6:27

Ayisiaaniɛ po, ɛmɔgua ye nwo serewa, yeɛ ɛmɔ adamvo koso, ɛmɔdi ye noa bɛtɔne ye.

Edwein 146:9

AWURADE yeɛ ɔbɔ ɛwɔfoɛ mɔ nwo waen ɔ; ɔnea nyisiaafoɛ ne akunafoɛ, nakoso bɔnefoɛ atee de, ɔmaa ɔyɛ basaa.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 23:9

“Nnɛsisi ɛwɔfoɛ. Ɛmɔse kyɛbɔ ɛwɔfoɛyɛlɛ si te ɔ, ofikyɛ né ɛmɔ wora ɛmɔte wɔfoɛ wɔ Misraim aseɛ so.

Yesaya 1:17

Ɛ́mɔsua bɔ ɔte paa ɔ bɛyɔ, ɛ́mɔpena pɛpɛɛpɛyɛlɛ si atee, ɛ́mɔpepɛ bele bɛ bɔ bɛyɛ anwumvo ɔ, ɛ́mɔhã bie bɛma nyisiaafoɛ, ná ɛmɔgyina akunafoɛ mmrasua si.

Yeremia 22:3

Bɔ AWURADE kã ɛhe: Ɛ́mɔbua ndɛen turoloo, ná ɛ́mɔyɔ bɔ ɔtengyɛ ɔ. Na ebiala bɔ babɔ ye apoo ne, ɛ́mɔpepɛ bele ye béfi aminɛlilɛfoɛ bɛ sa nu. Nnɛma ɛmɔyɔ bɔne betia ɛwɔfoɛ, ayisiaa anaa kunaniɛ, yeɛ nnɛma ɛmɔsisi bɛ. Afei koso, nnɛma ɛmɔkã mogya bɔ odi be ɔ begua wɔ ɛwa.

Yeremia 7:6

sɛ ɛmɔanhyɛ ɛwɔfoɛ mɔ, nyisiaa ne akunafoɛ mmrasua mɔ so, sɛ ɛmɔanga mogya bɔ odi be ɔ bangua wɔ wa, ná ɛmɔanzo nyameɛ foforɛ mɔ bamva banha ɛmɔ nwo a,

Hesekiel 22:7

Bebu seɛ ne niɛ animtia wɔ wɔ nu; bɛhyɛ ɛwɔfoɛ so wɔ wɔ nu; yeɛ besisi nyisiaa ne kunafoɛ mmrasua koso wɔ wɔ nu.

Lewitikɔso 19:13

“Nnɛdi ebiɛngo ndurum, nnɛwua ye, yeɛ nnɛfa paaniɛ akatuaa wura wɔ nwo ma aleɛ kye so.

Lewitikɔso 19:33

“Sɛ ɛwɔfoɛ bie batena ɛmɔ nu wɔ ɛmɔ aseɛ ne aso a, nnɛma ɛmɔhyɛ ye so.

Lewitikɔso 19:34

Ɛwɔfoɛ bɔ waatena ɛmɔ nu ne, ɛ́mɔfa ye kyɛ ɔte kuromani; ná kuro ɛwɔfoɛ ne dwirɛ kyɛ wɔ bɔbɔ wɔ nwo, ofikyɛ né ɛmɔte ɛwɔfoɛ wɔ Misraim aseɛ so: Me ole AWURADE wɔ Nyameɛ.

Lewitikɔso 25:35

“Sɛ wɔ nwoniɛ bie kɔ anwokyere nu, ná ɔfa ye anwokyere ne bato wɔ so a, odi kyɛ ɛboka ye ɔ; maa ɔne wɔ bɛtena kyɛ ɛwɔfoɛ anaa bataniɛ bɔ waasikye wɔ ɔ.

Sakaria 7:10

nnɛma ɛmɔsisi kunafoɛ, ayisiaa, ɛwɔfoɛ ne ehianiɛ; yeɛ nnɛma ɛmɔ nu biala dwene obiɛngo nwo adwene tɛɛ.”

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Deuteronomi 1:16

Na sɔ mmerɛ ne, nhyɛle ɛmɔ ndɛenbualɛfoɛ nemɔ kyɛ, “Ɔsɛ kyɛ ɛmɔtie edwirɛ bɔ ɔkɔwa ɛmɔ aliɛma mɔ afia ɔ, ná ɛmɔbua ndɛen turoloo, ɔmva ye nwo kyɛ sona ne te ɛmɔ aliɛma Yisraelniɛ, anaakyɛ ɛwɔfoɛ bɔ waatena ɛmɔ nu ɔ.

Deuteronomi 10:18

Ye bɔ odi nyisiaafoɛ ne akunafoɛ dwirɛ ma bɛ ɔ, ye bɔ okuro ɛwɔfoɛ dwirɛ, ná ɔma ye aleɛ ne ɛtena ɔ.

Deuteronomi 10:19

Yiti ɔsɛ kyɛ ɛmɔkuro ɛwɔfoɛ dwirɛ, ofikyɛ né ɛmɔ koso ɛmɔte wɔfoɛ wɔ Misraim aseɛ so.

Deuteronomi 15:15

Kaye kyɛ né ɛte kanga wɔ Misraim aseɛ so, na AWURADE wɔ Nyameɛ lele wɔ. Na ɛhe ati yeɛ ɔmaa ɛnɛ kyẽa ye méhyɛ mmeraa he méma wɔ ɔ.

Deuteronomi 23:16

Maa ɔne wɔ bɛtena, wɔ wɔ berɛ, wɔ wɔ nguro nemɔ ko aso nekaa bɔ okuro kyɛ ɔkɔtena ɔ; nnɛhyɛ ye so.

Deuteronomi 23:7

“Nnɛpɔ Edomniɛ, ofikyɛ ɔte eliɛma. Nnɛpɔ Misraimniɛ, ofikyɛ né ɛte ɛwɔfoɛ wɔ ye aseɛ so.

Deuteronomi 24:17

“Nnɛbua ɛwɔfoɛ anaa awisianiɛ ndɛengyea; yeɛ nnɛde kunaniɛ tena fa si wɔ berɛ awowaa.

Deuteronomi 27:19

“ ‘Musue tó sona biala bɔ okobua ɛwɔfoɛ, awisianiɛ anaa kunaniɛ ndɛengyea ɔ.’ Na mmenia ne amukoraa kosuro so kyɛ, ‘Amen!’