Ɛksadɔso 22:20 - AHYERƐLƐ KRONGRON

²⁰ “Sona biala bɔ ɔkɔbɔ afɔleɛ kɔma bosoen, bɔ wammɔ wamma AWURADE ngome twe nen, ɔsɛ kyɛ beku ye korakorakorakora.

Ɛksadɔso 22:20 Iomraidhean Croise

1 Ahemvo 18:40

Elia sele bɛ kyɛ, “Ɛ́mɔhye Baal ahɔmeɛ nemɔ. Nnɛmɔma bɛ nu ko po nwati.” Yeɛ bɛhyele bɛ, na Elia fale bɛ wale Kison bɔnza ne anwo oohuhuni bɛ wɔ berɛ.

2 Ahemvo 10:25

Yehu bɔle naen yeralɛ afɔleɛ ne yiele pɛ, osele awɛmvoɛ nemɔ ne mbanyi nemɔ kyɛ, “Ɛmɔbra beehũhũ bɛ, nnɛmɔma ebiala nwati.” Yiti bɛfale ngrandɛ behuhuni bɛ. Awɛmvoɛ nemɔ ne mbanyi nemɔ yeyele bɛ fuin beguale aluo. Afei besa bɛhɔle Baal asɔneyɛɛ sua ne anu.

2 Aberɛso Dwirɛ 15:13

Na bele bɛtole nu kyɛ, ebiala bɔ ɔngɔpena AWURADE Yisrael Nyameɛ ne, ye si atee ne, kyɛ akwadaa oo, panyi oo, kyɛ bienzua oo, brasua oo, odi kyɛ beku ye ɔ.

Ɛksadɔso 23:9

“Nnɛsisi ɛwɔfoɛ. Ɛmɔse kyɛbɔ ɛwɔfoɛyɛlɛ si te ɔ, ofikyɛ né ɛmɔ wora ɛmɔte wɔfoɛ wɔ Misraim aseɛ so.

Ɛksadɔso 32:8

Atee bɔ ngyirele bɛ ne, bakwati ye ndɛndɛ so. Bahuro nikyee bafa bayɔ nandwie ba, bakoto ye, yeɛ babɔ afɔleɛ bama ye, na baha kyɛ, O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Ɛksadɔso 34:15

Nnɛne aseɛ ne aso ama yɛ apam, amaa sɛ bɛbɔ adwaman bekodi bɛ mmosoen nemɔ asi, ná bɛbɔ afɔleɛ bɛma bɛ mmosoen nemɔ, ná bɛ nu bie to ye sa frɛ wɔ a, angɔanni ye afɔleɛ ne bie.

Hesekiel 20:7

Na nzele bɛ kyɛ: Odi kyɛ ɛmɔ nu biala ogyi akyiwadeɛ nningyein bɔ ɛmɔ nye gye ye nwo ne ogua. Nnɛma ɛmɔfa Misraim mmosoen begua ɛmɔ nwo fiɛ. Me ole AWURADE ɛmɔ Nyameɛ ne.

Lewitikɔso 17:7

Ɔnate ɛhe aso bɛngɔhɔ so bɛngɔbɔ b’afɔleɛ mɔ bɛngɔma mmosoen mɔ bɔ besoma mbɔngye ne, mekyire mmosoen bɔ bafa bɛ nwo bawura bɛ sa ne. Ɛhe kɔyɛ ahyɛdeɛ afebɔɔ kɔma bɛ wɔ b’aworɛ ndoatoasoɛ mukoraati nu.’

Lewitikɔso 19:33

“Sɛ ɛwɔfoɛ bie batena ɛmɔ nu wɔ ɛmɔ aseɛ ne aso a, nnɛma ɛmɔhyɛ ye so.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Numeri 21:3

AWURADE tiele Yisrael abisadeɛ ne, na ɔfale Kanaanfoɛ ne wurale bɛ sa. Behuhuni bɛ bɛsɛkyele bɛ nguro nemɔ pasaa; yiti bɛfrɛle berɛ Hɔma.

Deuteronomi 10:18

Ye bɔ odi nyisiaafoɛ ne akunafoɛ dwirɛ ma bɛ ɔ, ye bɔ okuro ɛwɔfoɛ dwirɛ, ná ɔma ye aleɛ ne ɛtena ɔ.

Deuteronomi 18:20

Nakoso ngɔmhyɛlɛniɛ biala bɔ okodwudwo nyameɛ foforɛ biemɔ dumaa nu, anaa bɔ okoli ye bɔbɔ ye ti piri kɔfa me dumaa kɔha edwirɛ bɔ nnhyɛle ye kyɛ ɔhã nen, ɔsɛ kyɛ beku ye.

Deuteronomi 23:8

Ofi b’aworɛ ndoatoasoɛ bɔ ɔtɔ so nza ne aso de, bɛ bosofoɛ kora ba AWURADE badwa nu.

Deuteronomi 24:17

“Nnɛbua ɛwɔfoɛ anaa awisianiɛ ndɛengyea; yeɛ nnɛde kunaniɛ tena fa si wɔ berɛ awowaa.