Ɛksadɔso 22:18 - AHYERƐLƐ KRONGRON

¹⁸ “Nnɛma musueyelɛniɛ brasua nya ye ti didi nu.

Ɛksadɔso 22:18 Iomraidhean Croise

Yesaya 19:3

Misraim sunzum bɔ ɔwɔ ye nu ɔ ye nwo kɔto, bɛkɔ agyina a, ngɔmaa ɔkɔyɛ mbaen, bɛkɔhɔ abisa wɔ mmosoen ne musueyelɛfoɛ, nzamangɔmhyɛlɛfoɛ ne ngɔndwemahwenɛfoɛ so.

Yeremia 27:10

Ofikyɛ ngɔndorɔ yeɛ bedi bekyire ɛmɔ ɔ, kyɛbɔ ɔkɔyɛ bɔ bekotu ɛmɔ bo bekofi ɛmɔ aseɛ so maa ɛmɔkɔhɔ dedeede ɔ; kyɛbɔ ɔkɔyɛ bɔ ngɔfoa ɛmɔ ngofi ɛwa maa ɛmɔkowuwu ɔ.

Yeremia 27:9

Yiti, nnɛma ɛmɔtie ɛmɔ ngɔmhyɛlɛfoɛ, ɛmɔ ahɔmeɛ, ɛmɔ mmenia bɔ bekyirekyire laleɛ bo, ɛmɔ ngonyaayelɛfoɛ, anaa ɛmɔ musueyelɛfoɛ bɔ bɛkekã bekyire ɛmɔ kyɛ, ‘Ɛmɔngɔso Babilɔn hene’ ne.

Lewitikɔso 18:23

Nnɛma bienzua ɔne kaka bɛda ná ɔnate so wangua ye bɔbɔ ye nwo fiɛ; yeɛ nnɛma brasua biala fa ye nwo ma kaka maa ɔne ye bɛda; ɔte musue.

Lewitikɔso 19:26

“Nnɛma ɛmɔdi naen bɔ ye mogya wɔ ye nu ɔ. Nnɛma ɛmɔkɔ abisa, yeɛ nnɛma ɛmɔyɛ bayie.

Lewitikɔso 19:31

“Nnɛma ɛmɔkɔ nzamangɔmhyɛlɛfoɛ ne ahɔmeɛ mɔ berɛ bɛkɔpena mmokalɛ befi bɛ berɛ maa begua ɛmɔ nwo fiɛ: Me ole AWURADE ɛmɔ Nyameɛ.

Lewitikɔso 20:27

“Bienzua anaa brasua bɔ ɔte nzamangɔmhyɛlɛniɛ anaa kɔmeɛ ne, odi kyɛ beku ye ɔ; bɛ́boro bɛ nyɔboɛ béhu bɛ, na bɛ wue kɔbɔ bɛ ti so.”

Lewitikɔso 20:6

“Na ebiala bɔ ɔkɔhɔ nzamangɔmhyɛlɛfoɛ ne ahɔmeɛ so, ná okoli bɛ si ne, ngotu me nye ngosie sɔ sona ne aso, na ngɔpɛ ye asue ngofi ye maen nu.

Asomafoɛ 19:19

Ngonyaayelɛfoɛ nemɔ anu pee fale b’adwuma mmukuu bɛwale bɛɛyerale bɛ bɔ ebiala nye tua ɔ, na bɛsesene bɛ nyɔboɛ benwuni kyɛ ɔte ɛdwetɛ apee aburannu.

Galatiafoɛ 5:20

bosoensolɛ, bayie, ɛpɔen, ngondii, ahoɔyea, ɛyaafɛlɛ, pɛsɛmangomenya, ɛyakalɛ, ndoto,

Deuteronomi 27:21

“ ‘Musue tó sona biala bɔ ɔne kaka biala bɛkɔla ɔ.’ Na mmenia ne amukoraa kosuro so kyɛ, ‘Amen!’

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.

1 Samuel 28:3

Sɔ mmerɛ ne, né Samuel de wawu ama Yisrael amukoraa basu ye basie ye wɔ ye bɔbɔ ye kuro Rama. Né Sɔɔlo atu nzamangɔmhyɛlɛfoɛ ne musueyelɛfoɛ wafi aseɛ ne aso.

1 Samuel 28:9

Na braa ne buale ye kyɛ, “Wɔ bɔbɔ ɛse bɔ Sɔɔlo ayɔ ɔ, kyɛ watu nzamangɔmhyɛlɛfoɛ ne musueyelɛfoɛ wafi aseɛ ye aso. Nzu ati yeɛ ɛpena kyɛ esua me ngaen maa beku me ee?”