Ɛksadɔso 22:1 - AHYERƐLƐ KRONGRON

¹ “Sɛ ebie wua nandwie anaa boaen, ná oku ye, anaa ɔyɛ ye atɔen a, ɔsɛ kyɛ ɔfa nandwie nnu tua nandwie ko ne kerɛ, ná ɔfa mmoaen nna tua boaen ko ne kerɛ. Ɔsɛ kyɛ awueniɛ ne tua mbata, nakoso sɛ wangora ye tua a, ye de ɔsɛ kyɛ bɛyɛ ye atɔen betua kerɛ.

Ɛksadɔso 22:1 Iomraidhean Croise

2 Samuel 12:6

Odi kyɛ ɔfa boaen ne bie si ye gya nu pɛen nna, ɔnate sɔ nikyee bɔ wayɔ ne ati, yeɛ afei ɔnate kyɛ ɔnze anwumvoin.”

Ɛksadɔso 21:36

Nakoso sɛ benwu kyɛ nandwie ne taa si, nakoso ye mene nga ye ndo tuin nu a, ye de ɔsɛ kyɛ ye mene fa nandwie si nandwie gya nu, ná ɔfa ye kaka fuin ne.

Anyandera 14:4

Nekaa bɔ nandwie nyii nne berɛ ne, aleɛ nne berɛ, na nandwie nyii anwoserɛ yeɛ ɔmaa yɛnya fieso aleɛ pee ɔ.

Anyandera 6:31

Nakoso sɛ bɛkye ye a, okotua ye nwo mmɔhoɛ nzoo, ɔkɔhwere ye awuro nningyein amukoraa.

Yeremia 2:34

Ehiafoɛ bɔ bedi be ɔ, bɛ mogya yeɛ wayɛ wɔ ndaadeɛ nu ɔ, ɔwɔ nu kyɛ angye bɛ kyɛ betu anoa bo de, nakoso ɛhe amukoraa si ne,

Hesekiel 33:15

ná sɛ bɔnefoɛ ne fa nikyee bɔ bafa basi ye berɛ awowaa ne osa ma ye mene, osa fa nikyee bɔ wawua ɔ ɔma ye mene, ná odi ngoa ahyɛdeɛ ne aso, bɔ ɔnyɔ amumuyɛɛ a, ye de, amba, okonya ngoa, ongowu.

Numeri 5:7

na odi kyɛ sɔ sona ne ka bɔne bɔ wayɔ ne. Odi kyɛ ɔfa nikyee si ye gya nu otua kerɛ; ósa fa nnu nu ngyɛmuɛ ko boka so ná ɔfa ma sona bɔ wayɔ ye tɛɛ ne.

Luka 19:8

Yeɛ Sakeo dwɔso gyinane, na osele Awurade kyɛ, “Ao, Awurade, mefa m’anwonyadeɛ bue mekyɛ ehiafoɛ; na sɛ mafa aminɛlilɛ so male ebie nikyee a, ngɔbɔ ye nwo pɛen nna ngotua ye kerɛ.”