Ɛksadɔso 21:26 - AHYERƐLƐ KRONGRON

²⁶ “Sɛ ebie bɔ ye kanganiɛ bienzua anaa brasua nye maa ɔsɛkye a, ɔnate ye nye ne ati, ɔsɛ kyɛ ɔmaa onya ye fawɔnwodi.

Ɛksadɔso 21:26 Iomraidhean Croise

Nehemia 5:5

Yɛne y’eliɛma Yudafoɛ ne, yɛ mukoraa yɛte sona ko. Yɛ mma te kyɛ bɛ mma deɛ mɔ ala. Nakoso yɛhyɛ yɛ mma mmienzua ne yɛ mma mmrasua mɔ maa bɛyɛ nganga, na yɛ mma mmrasua nemɔ bie de yali moa yatɔne bɛ. Yɛyɔ ye nwo hwee a ɔnyɛ ye, yeɛ y’aseɛ ne yɛ bobe boo mɔ ayɛ ebiemɔ deɛ.”

Edwein 10:14

Nakoso enwu ye. Amba, wɔ nye tua amaneɛ ne aworabɔlɛ bɔ ɔba ɔ, maa yiti ɛkɔhwe ye so wɔ ye nwo. Sona bɔ ɔyɛ anwumvo ne, ɔfa ye nwo wura wɔ sa; wɔ yeɛ ɛte ayisiaaniɛ bokafoɛ ɔ.

Edwein 10:18

na edi ayisiaaniɛ ne sona bɔ ɔyɛ anwumvo ɔ bɛ dwirɛ ma bɛ, amaa ɔnate so dasaniɛ bɔ ofi nnɛterɛ nu wanyɛ anwunanwuna ko.

Edwein 9:12

Ofikyɛ ye bɔ ɔtɔ mogya so wereɛ ne, ɔkaye bɛ bɔ bɛwɔ amaneɛ nu ɔ, na ɔmma ye wora mvi bɛ sufrɛ.

Ɛksadɔso 21:20

“Sɛ ebie fa bakaa bɔ ye kanganiɛ bienzua anaa brasua maa owu ye sa nu a, ye de bɛkɔtɔ meneɛ ne so wereɛ.

Ɛksadɔso 21:24

bɔ ɛkɔfa kɔyɛ ebie nye ne, sɔ ala yeɛ bɛkɔyɛ wɔ bie bekotua kerɛ ɔ; bɔ ɛkɔfa kɔyɛ ebie gye ne, sɔ ala yeɛ bɛkɔyɛ wɔ bie bekotua kerɛ ɔ; bɔ ɛkɔfa kɔyɛ ebie sa ne, sɔ ala yeɛ bɛkɔyɛ wɔ bie bekotua kerɛ ɔ; bɔ ɛkɔfa kɔyɛ ebie gya ne, sɔ ala yeɛ bɛkɔyɛ wɔ bie bekotua kerɛ ɔ;

Ɛksadɔso 21:25

ɛfa see yera ebie a, sɔ ala yeɛ bɛkɔyera wɔ bie bekotua kerɛ ɔ; epura ebie a, sɔ ala yeɛ bekopura wɔ bie bekotua kerɛ ɔ; yeɛ sɛ ɛma ebie nwo beabea a, sɔ ala yeɛ bɛkɔma wɔ nwo kɔbeabea kotua kerɛ ɔ.

Ɛksadɔso 21:27

Yeɛ sɛ ɔbɔ ye kanganiɛ bienzua anaa brasua ma ye gye tu a, ɔnate ye gye ne ati, ɔsɛ kyɛ ɔmaa onya ye fawɔnwodi.

Ɛfesofoɛ 6:9

Meneɛ mɔ, ɛmɔ koso ɛ́mɔyɛ bɛ sɔ ala, nnɛma ɛmɔyɛ bɛ so ahupoo; ofikyɛ ɛmɔse kyɛ bɔ ɔte ɛmɔ ne bɛ Meneɛ ne ɔwɔ nyameɛso, bɔ ye de, ɔnyɛ mmenia nu nyeyemuɛ ɔ.

Deuteronomi 16:19

Nnɛbua ndɛengyea, nnɛsisi ebie wɔ ndɛenbualɛ nu, yeɛ nnɛde fea-ase-ma, ofikyɛ fea-ase-ma ma nworɛniɛ bu ye nye gua ndɛen turoloo so, na ɔmaa mmenia bua bɛ bɔ bedi be ɔ ndɛengyea.

Kolosefoɛ 4:1

Meneɛ mɔ, edwirɛ bɔ ɔte pɛpɛɛpɛ ná ɔtengyɛ yeɛ ɛ́mɔfa beli ɛmɔ ngoaa mɔ ɔ, ofikyɛ ɛmɔse kyɛ ɛmɔ koso ɛmɔle Meneɛ wɔ nyameɛso.