Ɛksadɔso 21:20 - AHYERƐLƐ KRONGRON

²⁰ “Sɛ ebie fa bakaa bɔ ye kanganiɛ bienzua anaa brasua maa owu ye sa nu a, ye de bɛkɔtɔ meneɛ ne so wereɛ.

Ɛksadɔso 21:20 Iomraidhean Croise

Gyenesise 4:15

Na AWURADE sele ye kyɛ, “Nna sɔ ɔ! Sɛ ebie ku Kein a, bɛkɔtɔ sɔ sona ne so wereɛ pɛen nzoo.” Na AWURADE hyɛle Kein nzorɛ, kyɛbɔ ɔkɔyɛ na ebie nwu ye a ongohu ye ɔ.

Gyenesise 4:24

Sɛ bɛkɔtɔ Kein so wereɛ pɛen nzoo de a, nzaade bɛkɔtɔ Lamɛke so wereɛ aburasoo ne nzoo.”

Gyenesise 9:6

Sona biala bɔ ɔkɔha obiɛngo mogya kogua ne, ye wora sona yeɛ ɔkɔha ye mogya kogua ɔ, ofikyɛ Nyameɛ sɛso yeɛ ɔyɔle sona ɔ.

Ɛksadɔso 21:19

ná sɛ nziɛ ye, ye nwo sande ye maa ɔkora dwɔso tira ye pɔmaa nu fite natenate a, ye de sona bɔ ɔbɔle ye ne, ɔkɔfa ye nwo koli. Nakoso ye mmerɛ bɔ wasɛkye ye ne de, ɔsɛ kyɛ otua ye nwo kerɛ, ná osa nea ye maa ye nwo sa bɔkɔɔ.

Ɛksadɔso 21:21

Nakoso sɛ kanganiɛ ne di ɛlɛho anaa elenyɔ ná wanwu a, ye de bɛngɔtɔ meneɛ ne so wereɛ; ofikyɛ kanganiɛ ne te ye agyapadeɛ.

Anyandera 29:19

Bɛmva bɛ noa mbaen bɛndea akoaa, ofikyɛ ɔte edwirɛ ne abo po a, ongoli so.

Numeri 35:19

Wereɛtɔlɛniɛ ne yeɛ odi kyɛ oku kodiawuniɛ ne ɔ. Sɛ wereɛtɔlɛniɛ ne nwu kodiawuniɛ ne a, odi kyɛ oku ye.

Romanfoɛ 13:4

Ofikyɛ wɔ yeeyɛlɛ ti bɛte Nyameɛ somvoɛ. Nakoso sɛ ɛyɔ bɔne de a, ye de ɔsɛ kyɛ esuro ɔ, ɔnate kyɛ bendira ɛhɔtɔ ne mbaen! Bɛte Nyameɛ somvoɛ bɔ bɛtɔ wereɛ bɛma bɛ yaafɛlɛ ba sona bɔ ɔyɔ bɔne so ɔ.

Deuteronomi 19:21

Nnɛnwu ye anwumvoin: bɛkɔfa ngoa bekotua ngoa kerɛ; bɔ ɛkɔfa kɔyɛ ebie nye ne, sɔ ala yeɛ bɛkɔyɛ wɔ bie bekotua kerɛ ɔ; bɔ ɛkɔfa kɔyɛ ebie gye ne, sɔ ala yeɛ bɛkɔyɛ wɔ bie bekotua kerɛ ɔ; bɔ ɛkɔfa kɔyɛ ebie sa ne, sɔ ala yeɛ bɛkɔyɛ wɔ bie bekotua kerɛ ɔ; bɔ ɛkɔfa kɔyɛ ebie gya ne, sɔ ala yeɛ bɛkɔyɛ wɔ bie bekotua kerɛ ɔ.