Ɛksadɔso 21:2 - AHYERƐLƐ KRONGRON

² Sɛ ɛtɔ kanganiɛ bɔ ɔte Hebriniɛ a, ɔsɛ kyɛ ɔso wɔ afoɛ nzia. Nakoso afoɛ bɔ ɔtɔ so nzoo ne de, maa ɔfa ye nwo li tɔtorɔtɔɔ ɔhɔ.

Ɛksadɔso 21:2 Iomraidhean Croise

Gyenesise 27:28

Nyameɛ ɔ́tɔ nyameɛso bosue ne bie ógua wɔ so, na ɔ́ma wɔ aseɛ so nningyein paa, ɔne aburoo ne bobe nzaa pee.

Gyenesise 27:36

Na Yisɔ hane kyɛ, “Aso ye dumaa Yakob ne ɔnzɛ ye anaa? Ye pɛen nyɔ so ɛhe yeɛ wapepɛ me gya ndii nu ɔ. Olili moa olele me panyi, na kekesaala ye de, wale me saleɛ.” Na obisale kyɛ, “Anyakyi me saleɛ ne bie?”

2 Ahemvo 4:1

Ngɔmhyɛlɛfoɛ fekue ne, bɛ nu ko aye oosuni hyirele Elisa kyɛ, “Me hu, bɔ ɔte wɔ somvoɛ ne, wawu. Ɛse kyɛ wɔ somvoɛ, né osuro AWURADE. Nakoso ebie bɔ yɛma ye kerɛ ɔ, wawa kyɛ ɔbaafa me mma nyɔ nemɔ yɛ nganga sie kerɛ ne anoa.”

Nehemia 5:8

na nzele bɛ kyɛ, “Y’eliɛma Yudafoɛ bɔ batɔne bɛ bama Amaenmaensofoɛ mɔ ne, yabɔ mmɔden bɔ yɛkɔhora biala yapɔ bɛ. Nakoso afei de ɛmɔtɔne ɛmɔ bɔbɔ ɛmɔ aliɛma Yudafoɛ bɛma Yudafoɛ maa yɛsa yɛkɔpɔ bɛ!” Bɛyɛle konn, na né bennwu dwirɛ bɔ bɛhã ɔ.

Ɛksadɔso 12:44

Nakoso kanganiɛ biala bɔ afa sikaa atɔ ye ne, ɛpɛ ye bienzua de a, ɔkora di bie.

Ɛksadɔso 21:3

Sɛ ye ngome twe yeɛ ɔwale hɔ a, ye ngome yeɛ ɔkɔhɔ ɔ. Nakoso sɛ ɔne ɔye yeɛ bɛwale de a, ye de ɔne ɔye yeɛ bɛkɔhɔ ɔ.

Ɛksadɔso 21:7

“Sɛ bienzua bie yɛ ɔwa brasua atɔen maa ɔkɔyɛ afaneɛ a, ye de afaneɛ ne ngonya ye fawɔnwodi kyɛbɔ mmienzua nganga nemɔ nya ye ne.

Ɛksadɔso 22:3

“Sɛ bɛkye awueniɛ kyɛ ótu anoa bo ba nu, ná bɛbɔ ye maa owu a, sona bɔ ɔbɔle ye ne onni ye wue nwo fɔ.

Lewitikɔso 25:54

Na sɛ bamva sɔ atee he biala so bambɔ ye a, ye de sana Yubilee afoɛ ne anu yeɛ ɔne ye mma mɔ bekonya bɛ fawɔnwodi ɔ.

Mateo 18:25

Né ɔngɔhora kerɛ ne tua, yiti ye mene ne hyɛle kyɛ bɛtɔne ye, ɔne ɔye ne ye mma, yeɛ bɔ ole ye amukoraa, ná bɛfa betua kerɛ ne.

1 Korintofoɛ 6:20

Bɛtɔle ɛmɔ nyɔboɛ serɛ. Yiti ɛ́mɔfa ɛmɔ nipadua bɛhyɛ Nyameɛ animnyam.

Deuteronomi 15:1

“Afoɛ nzoo biala ayieleɛ, odi kyɛ ɛfa ebiala ye kerɛ bɔ ɔma wɔ ɔ kyɛ ye.

Deuteronomi 15:18

Nnɛmaa ɔyɛ wɔ yea kyɛ ɛ́yakyi ye maa ɔfa ye nwo di tɔtorɔtɔɔ ofi wɔ nwo kɔ ɔ, ofikyɛ waso wɔ afoɛ nzia wayɔ paaniɛ akatuaa mmɔhoɛ nyɔ adwuma; na AWURADE wɔ Nyameɛ koyira wɔ wɔ nikyee biala bɔ ɛkɔyɔ ɔ nu.

Deuteronomi 31:10

Na Mose hyɛle bɛ kyɛ, “Afoɛ nzoo biala ayieleɛ, bɔ ɔte kerɛ-fahyɛlɛ afoɛ ne, wɔ Asese aluolue mmerɛ ne anu,