Ɛksadɔso 21:14 - AHYERƐLƐ KRONGRON

¹⁴ Nakoso sɛ ebie nye la ye nwo, ná ɔlakalaka obiɛngo ku ye a, ye de twe ye fi m’afɔleɛ bokyea ne anwo ma behũ ye.

Ɛksadɔso 21:14 Iomraidhean Croise

2 Samuel 3:27

Abenɛ sa wale Hebron nen, Yoabo ne ye bɛhɔle kuro berɛ pambim ne ahameɛ, kyɛ ɔne ye bɛkwaatu asure. Na Yoabo wɔle Abenɛ kunu dadeɛ huni ye, ɔnate kyɛ né Abenɛ aha Yoabo aliɛma Asahel mogya wagua.

2 Ahemvo 11:15

Yeɛ ɔsɔfo Yehoada hyɛle safohene mɔ bɔ bɛlela koɛhonɛfoɛ nemɔ noa ne kyɛ, “Ɛmɔhwe ye bɛfa koɛhonɛfoɛ nemɔ anu bɛbra, na ebiala bɔ okogyina ye si ne, ɛ́mɔfa ngrandɛ behũ ye.” Na ɔsɔfo ne hane kyɛ, “Nnɛmaa ɛmɔku ye wɔ AWURADE awuro berɛ.”

Edwein 19:13

Bɔne bɔ bɛboapa bɛyɔ ne, twe w’akoaa fi ye nwo. Sɔ bɔne nemɔ, nnɛmaa bedi me so, amaa ɔnate so mali be wɔ wɔ nyunu, ná manni mmeraatolɛ piri ne anwo fɔ.

Ɛksadɔso 21:15

“Ebiala bɔ ɔkɔbɔ ɔse anaa oni nen, ɔsɛ kyɛ beku ye.

Anyandera 28:17

Sɛ ebie di obiɛngo wue nwo fɔ a, ɔkɔnwati toonn kɔfa kɔhɔ ewue nu, na nnɛma ebiala si ye ate.

Numeri 35:16

Nakoso sɛ ebie fa buralɛ bɔ obiɛngo maa owu a, ɔte kodiawuniɛ, na odi kyɛ beku ye bie.

Deuteronomi 1:43

Ɔwɔ nu kyɛ nga ngyirele ɛmɔ de, nakoso ɛmɔandie, na ɛmɔhwi bɛfale AWURADE noa dwirɛ so. Ɛmɔlili bɛ ti piri, na ɛmɔfo bɛhɔle mmokaa aseɛ ne aso dɔ.

Deuteronomi 18:22

Tie, sɛ ngɔmhyɛlɛniɛ bie dwudwo AWURADE dumaa nu, nakoso edwirɛ ne anzi anaa wamma nu a, né ɔte edwirɛ bɔ nna AWURADE yeɛ waha ɔ. Ngɔmhyɛlɛniɛ ne wabɔ ye bɔbɔ ye ti anu yeɛ waha ɔ, nnɛma ɛmɔsuro ye.

Deuteronomi 27:24

“ ‘Musue tó sona biala bɔ ɔkɔfea ye nwo kohũ obiɛngo ɔ.’ Na mmenia ne amukoraa kosuro so kyɛ, ‘Amen!’

Hebrifoɛ 10:26

Na sɛ yɛnya yɛnya nahorɛ ne nwo nimdeɛ, na ye si ye yɛ nye la ye nwo yɛkɔ so yɛyɔ bɔne de a, ye de bɔnefakyɛ afɔleɛ biala nne berɛ ko;

2 Petro 2:10

nganga bɛ bɔ bedi anwoɔnaen akɔnnɔ fiɛ si, ná bebu tumililɛ animtia ɔ. Besi b’ahone, bedi bɛ ti piri, na benzuro kyɛ bɛkɔkekã dwirɛ bekotia animnyamfoɛ nemɔ ɔ.