Ɛksadɔso 20:8 - AHYERƐLƐ KRONGRON

⁸ “Kaye afofikyẽa ne, ná di ye krongron.

Ɛksadɔso 20:8 Iomraidhean Croise

Gyenesise 2:2

Kyẽa bɔ ɔtɔ so nzoo nen, né Nyameɛ ayie ye adwuma bɔ ɔyɔle ne yɔ; na kyẽa bɔ ɔtɔ so nzoo ne, olili afofi wɔ ye adwuma bɔ ɔyɔle amukoraa nwo.

Gyenesise 2:3

Yiti Nyameɛ yirale kyẽa bɔ ɔtɔ so nzoo ne, na ɔyɛle ye krongron, ofikyɛ ye adwuma bɔ ɔyɔle ye wɔ nningyein bɔlɛ nu ne, sɔ kyẽa ne yeɛ olele ye nwome ɔ.

Nehemia 13:15

Sɔ mmerɛ ne, nwuni ye wɔ Yuda kyɛ mmenia betwi nzaa, yeɛ afei bɛsoa aburoo bɛteta afunum mɔ si afofikyẽa. Sɔ ala yeɛ né bɛfa nzaa, bobe, borɔdoma ne nningyein ahoroɔ bɛsoa ngaka nemɔ bɛba Yerusalem afofikyẽa ɔ, na mmɔle bɛ kɔkɔ kyɛ nnɛmaa bɛtɔne nningyein afofikyẽa.

Nehemia 9:14

Ɛmaa benwuni w’afofikyẽa krongron ne, yeɛ ɛnate wɔ somvoɛ Mose so mane bɛ ahyɛdeɛ ne nhyehyɛleɛ ne mmeraa.

Ɛksadɔso 23:12

“Fa elesia yɔ w’adwuma, nakoso kyẽa bɔ ɔtɔ so nzoo ne de, de wɔ nwome; amaa ɔnate so wɔ nandwie ne w’afunum bale bɛ nwome, ná w’afaneɛ awa ne wɔ wɔfoɛ koso bale bɛ nwome.

Ɛksadɔso 31:12

Na AWURADE sele Mose kyɛ,

Ɛksadɔso 35:1

Mose mane Yisrael ɛlɔen ne amukoraati yiale, na osele bɛ kyɛ, “Bɔ AWURADE ahyɛ kyɛ ɛmɔyɔ ɛhe:

Yesaya 56:2

Sona bɔ ɔyɔ sɔ ne, ɔte saleɛ ma ye, yeɛ sona awa bɔ otira nu pindinn ne, bɔ odi afofikyẽa ne aso, bɔ ɔmva efiɛ nga ye ne, bɔ ɔte ye nwo fi bɔne biala yɔlɛ nwo ne.”

Yesaya 58:13

“Sɛ ɛhyɛ wɔ nwo so wɔ ɛnatelɛ nu wɔ afofikyẽa ne, ná anyɔ bɔ wɔ bɔbɔ ekuro ɔ wɔ me kyẽa krongron ne, ná mmom ɛfrɛ afofikyẽa ne anigye kyẽa, ɔne AWURADE kyẽa krongron ne kyɛ anidie kyẽa; sɛ edi ye ni, ná anni wɔ bɔbɔ wɔ ti piri, ná anyɔ bɔ wɔ bɔbɔ ekuro ɔ, anaakyɛ angekã edwirɛ mbaen mbaen a,

Yeremia 17:21

Bɔ AWURADE kã ɛhe: Ɛ́mɔnea ɛmɔ nwo yé ná ɛmɔanzoa nningyein afofikyẽa, anaa ɛmɔamva nningyein bamva Yerusalem pambim nemɔ anu bamma nu.

Yeremia 17:22

Nnɛma ɛmɔsoa nningyein befi ɛmɔ awuro mɔ nu afofikyẽa, yeɛ nnɛma ɛmɔyɔ adwuma biala, na mmom ɛ́mɔsie afofikyẽa ne krongron, kyɛbɔ nhyehyɛle mane ɛmɔ nana mɔ ne.

Yeremia 17:24

“ ‘Nakoso AWURADE nwa nyoo: Sɛ ɛmɔtie me dwirɛ nahorɛ nu, ná ɛmɔamva nningyein bamva kuro ye pambim nemɔ anu banwura nu afofikyẽa, na mmom ɛmɔsie afofikyẽa ne krongron, ná ɛmɔanyɔ adwuma biala sɔ kyẽa ne a,

Hesekiel 20:20

ɛ́mɔyɛ m’afofingyẽa nemɔ krongron ma bɛyɛ sɛngyerɛnneɛ bɔ ɔla me ne ɛmɔ y’afia ɔ, amaa ɔnate so ɛmɔanwu kyɛ me ole AWURADE ɛmɔ Nyameɛ ne.

Lewitikɔso 19:3

Odi kyɛ ebiala bu oni ne ɔse, ná ɛ́mɔli m’afofingyẽa nemɔ aso. Me ole AWURADE ɛmɔ Nyameɛ.

Lewitikɔso 19:30

Ɛ́mɔli m’afofingyẽa so, ná ɛ́mɔli me nekaa krongron ne ni: Me ole AWURADE.

Lewitikɔso 23:3

Elesia yeɛ ɔsɛ kyɛ ɛmɔfa bɛ́yɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ. Ɔte nyianu krongron, ná onni kyɛ ɛmɔyɔ adwuma biala; ɔte afofikyẽa ma AWURADE wɔ nekaa biala bɔ ɛmɔkɔtena ɔ.

Lewitikɔso 26:2

Ɛ́mɔli m’afofingyẽa ne aso ná ɛ́mɔli me nekaa krongron ne ni: Me ole AWURADE.

Numeri 15:32

Mmerɛ bɔ né Yisraelfoɛ wɔ ɛserɛ ne aso ne, afofikyẽa bie, benwuni kyɛ biaa bie obubu eyein ɔ.

Deuteronomi 5:12

“ ‘Di afofikyẽa ne, ná yɛ ye krongron, kyɛbɔ AWURADE wɔ Nyameɛ ahyɛ wɔ ne.