Ɛksadɔso 20:7 - AHYERƐLƐ KRONGRON

⁷ “Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Ɛksadɔso 20:7 Iomraidhean Croise

Gyenesise 27:20

Nakoso Yisake bisale ɔwa ne kyɛ, “Mma, na ɔyɛle sɛɛ bɔ enyane naen ne bie ndɛndɛ sɔa ye?” Na obuale kyɛ, “Ofikyɛ AWURADE wɔ Nyameɛ mane me ti yɛle paa.”

1 Ahemvo 2:9

Yiti nnɛmaa ɔfa ye nwo di tɔtorɔtɔɔ, ofikyɛ ɛte nworɛniɛ; ɛse nikyee bɔ odi kyɛ ɛfa yɔ ye ɔ. Nea kyɛ ɛkɔmaa bɛkɔhã ye mogya bekogua maa ɔkɔhɔ borɔ ɔ.”

2 Ahemvo 5:20

Gehasi bɔ ɔte Nyameɛ sona Elisa somvoɛ ne, osusuli kyɛ, “Me mene ama sɔ Sirianiɛ Naaman ne, wafa ye nwo wali, ofikyɛ wanne akyɛdeɛ bɔ wafa wabrɛ ye ne. Kyɛ AWURADE te ase ye, ngɔpo ye so ngɔɔpena nikyee bie ngole ngofi ye dɔ.”

Edwein 139:20

bɛ bɔ bɛkekã musue dwirɛ betia wɔ, ɔne wɔ pɔfoɛ mɔ bɔ bɛbɔ wɔ dumaa mbaen mbaen ɔ!

Anyandera 30:9

amaa ɔnate so mannya me nwo tam, ná mambo wɔ manga kyɛ, “Nwa ole AWURADE?” Afei koso, ná wanhia me ma manwua, ná mamva fiɛ manga me Nyameɛ dumaa.

Yeremia 34:16

Nakoso ɛmɔsesane ɛmɔ adwene bɛfale efiɛ bɛhane me dumaa, na ebiala osa ɔɔhyele ye kanganiɛ bienzua anaa brasua, bɔ wamaa wafa ye nwo wali kyɛbɔ né ye nye la so ne, na ɛmɔsa bɛfale bɛ bɛwale ngoaasolɛ nu maa bɛɛyɛle ɛmɔ nganga ne afaneɛ mɔ.

Yeremia 4:2

ná sɛ ɛta ndaen kyɛ, ‘Kyɛ AWURADE te ase ye!’ wɔ nahorɛ nu, pɛpɛɛpɛyɛlɛ nu ne tenenee nu a, ye de, maen maen mɔ bekonya bɛ saleɛ wɔ ye nu, na ye nu yeɛ bekonya b’animnyam ɔ.

Hesekiel 39:7

“Ngɔla me dumaa krongron ne ali wɔ me maen Yisrael nu, mengɔma bengogua me dumaa krongron ne nwo fiɛ ko; na maen maen nemɔ bekonwu kyɛ me ole AWURADE, Yisrael nu Krongronniɛ ne.

Lewitikɔso 19:12

“Nnɛma ɛmɔfa me dumaa bɛta edwirɛ bɔ nahorɛ ɔnne nu ɔ nwo ndaen, ná angua wɔ Nyameɛ dumaa nwo fiɛ: Me ole AWURADE.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

2 Korintofoɛ 1:23

Na afei mefrɛ Nyameɛ kyɛ oli me adanzeɛ; né membena kyɛ mebɔ ɛmɔ wora ti yeɛ manza mamma Korinto ɔ.

Deuteronomi 10:20

AWURADE wɔ Nyameɛ yeɛ ɔsɛ kyɛ esuro ye ɔ; ye ngome twe yeɛ sɔne ye ɔ; ye yeɛ fa wɔ nwo bɔ ye ɔ, na ye dumaa yeɛ fa ta ndaen ɔ.

Deuteronomi 5:11

Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Deuteronomi 6:13

Suro AWURADE wɔ Nyameɛ, ye yeɛ ɔsɛ kyɛ ɛso ye ɔ, na ye dumaa ngome yeɛ fa ta ndaen ɔ.

Yakobo 5:12

Aliɛmaa mɔ, ɛhe amukoraa asi ne, nnɛma ɛmɔta ndaen! Nnɛma ɛmɔfa nyameɛso anaa aseɛ anaa nikyee biala bɛta ndaen. Na mmom ɛ́mɔma ɛmɔ “Yoo” yɛ yoo, ná ɛmɔ “Daabi” yɛ daabi, ná bammua ɛmɔ foɛ.

Yosua 2:12

Ɔnate kyɛ mayɛ ɛmɔ paa ne ati, ɛ́mɔta AWURADE ndaen kekesaala ye, kyɛ ɛmɔ koso ɛmɔkɔyɛ me baba awuro ama paa. Ɛ́mɔhyire me nikyee bɔ ɔkɔmaa ngole ɛmɔ ngoli,

Yosua 2:17

Na mmienzua nyɔ ne sele ye kyɛ, “Ndaen he bɔ amaa yata ye, sɛ anni edwirɛ bɔ yɛkã ye aso de a, ye de yɛndo:

Yosua 9:20

Bɔ yɛkɔyɛ bɛ hɔ ɛhe: Yɛkɔmaa bekonya bɛ ti bekodidi nu, amaa ɔnate ndaen bɔ yata yahyire bɛ ne ati Nyameɛ amvɛ yɛ so yaa.”