Ɛksadɔso 20:6 - AHYERƐLƐ KRONGRON

⁶ Nakoso bɛ bɔ bekuro me dwirɛ, ná bedi me mmeraa dwirɛ so ne de, mekuro bɛ dwirɛ maa okodwu aworɛ ndoatoasoɛ apee apee so.

Ɛksadɔso 20:6 Iomraidhean Croise

Nehemia 1:5

Na ngane kyɛ, “Ao AWURADE, nyameɛso Nyameɛ, Nyameɛ piri bɔ wɔ nwo yɛ suro bɔ edi apam so ná ɛye ɔdɔ bɔ onni ngasi ali kyire bɛ bɔ bekuro wɔ dwirɛ ná bedi wɔ mmeraa dwirɛ ne aso ne,

Edwein 103:17

Nakoso AWURADE ye ɔdɔ bɔ onni ngasi ne, ɔwɔ berɛ ofi tetetete bɔ ɔkwaadwu afebɔɔ ma bɛ bɔ besuro ye ɔ, na ye tenenee wɔ berɛ ma bɛ mma ne bɛ nnomaa mɔ;

Ɛksadɔso 34:7

bɔ ye dɔ bɔ onni ngasi wɔ berɛ ma mmenia apee apee, bɔ ɔfa amumuyɛɛ ne mmeraatolɛ ne bɔne kyɛ ɔ. Nakoso ɔmma sona bɔ odi fɔ ne ɔmva ye nwo tɔtorɔtɔɔ, na ɔprapra seɛ mɔ bɔne nwo asohwenɛ gua bɛ mma mɔ ne bɛ nnomaa mɔ so, maa okodwu aworɛ ndoatoasoɛ nza ne nna so.”

Anyandera 3:1

Mma, nnɛma wɔ wora fi me foɛtulɛ ne, na mmom fa me mmeraa dwirɛ nemɔ sie wɔ ti anu;

Yeremia 32:18

wɔ bɔ ɛye wɔ ɔdɔ ali kyire mmenia apee apee, nakoso ɛprapra seɛ mɔ b’amumuyɛɛ nwo akatuaa gua bɛ mma mɔ so ɔ. Ao, Nyameɛ Piri, Tuminiɛ kandinga, ye dumaa ole Asafo AWURADE.

Daniel 9:4

Mmɔle mbaeɛ ngyirele AWURADE me Nyameɛ, na nne ndole nu ngane ye pefee kyɛ, “O AWURADE, Nyameɛ piri bɔ ye nwo yɛ suro, bɔ odi apam ne ɔdɔ bɔ onni ngasi ɔ so ma bɛ bɔ bekuro ye dwirɛ ɔne bɛ bɔ bedi ye mmeraa dwirɛ so ɔ;

Numeri 14:18

‘AWURADE ahone nhu ndɛ, na ye ɔdɔ bɔ onni ngasi sone; ɔfa amumuyɛɛ ne mmeraatolɛ kyɛ, nakoso ɔmma sona bɔ odi fɔ ne, ɔmva ye nwo tɔtorɔtɔɔ; ɔprapra seɛ mɔ bɔne nwo asohwenɛ gua bɛ boso ama mɔ so, maa okodwu aworɛ ndoatoasoɛ nza ne nna so.’

Yohane 14:15

“Sɛ ɛmɔkuro me dwirɛ a, ɛmɔli m’ahyɛdeɛ so.

Yohane 14:21

Na sona bɔ ole m’ahyɛdeɛ ná odi so nen, ye yeɛ okuro me dwirɛ ɔ; na bɔ okuro me dwirɛ nen, me Baba kohuro ye dwirɛ, ngohuro ye dwirɛ, na ngɔye me nwo ali ngohyire ye.”

Asomafoɛ 2:39

Ofikyɛ Nyameɛ anohoba ne wɔ berɛ ma ɛmɔ ne ɛmɔ mma ne bɛ bɔ bɛwɔ dedeede, ɔne ebiala bɔ Awurade, yɛ Nyameɛ, kɔfrɛ ye kɔwa ye berɛ ɔ.”

Deuteronomi 4:37

Na ɔnate kyɛ ohurole wɔ nana mɔ dwirɛ ne ati, ɔpale nu yele bɛ bosofoɛ. Na ye bɔbɔ deinn ɔnate ye tumi piri so yeɛ ɔyele wɔ fili Misraim ɔ.

Deuteronomi 5:29

O, sɛ ahaa daa biala bele sɔ adwene ne, kyɛ bekosuro me ná bali me mmeraa dwirɛ mukoraati so a, ahaa okoyie bɛ ne bɛ mma mɔ yé afebɔɔ!

Deuteronomi 7:9

Yiti ɔsɛ kyɛ enwu ye kyɛ, AWURADE wɔ Nyameɛ ne, ye ole Nyameɛ; Nyameɛ nahorɛlilɛniɛ bɔ odi ye adɔeɛ apam so ma mmenia bɔ bekuro ye dwirɛ ná bedi ye mmeraa dwirɛ so ɔ, kodwu aworɛ ndoatoasoɛ apee so.

Yakobo 1:12

Sona bɔ omia ye nye fa nzɔhwɛ nu ne, onya saleɛ; ofikyɛ sɛ ɔkora gyina nzɔhwɛ ne noa a, okonya ngoa abotire bɔ Awurade afa ahyɛ bɛ bɔ bekuro ye dwirɛ bɔ ne.

1 Yohane 4:19

Yɛkuro ye dwirɛ, ofikyɛ ye yeɛ olili moa hurole yɛ dwirɛ ɔ.

1 Yohane 5:3

Sɛ yɛdi Nyameɛ ahyɛdeɛ so a yeɛ okyire kyɛ yɛkuro ye dwirɛ ɔ, na ye ahyɛdeɛ ne aso lilɛ koso nyɛ se.

2 Yohane 1:6

Na ɔdɔ ole kyɛ yɛkoli ye ahyɛdeɛ ne aso ɔ’. Na ahyɛdeɛ ne, kyɛbɔ yate fi ahyɛaseɛ ne ole kyɛ yɛtena ɔdɔ nu.