Ɛksadɔso 20:4 - AHYERƐLƐ KRONGRON

⁴ “Nnɛyɔ amoen biala ɛso ye, anaa nikyee biala bɔ ye sue te kyɛ ewienu anwuro anwuro nikye, anaa aseɛ so nikye, anaa aseɛ bo dɔ nzue nu nikye.

Ɛksadɔso 20:4 Iomraidhean Croise

1 Ahemvo 12:28

Yiti Nana Yeroboam fale adwene, na ɔfale esikaa kɔkorɛ yɔle nandwie mmaa nyɔ. Osele maen ne kyɛ, “Ɛmɔahɔ Yerusalem bie a, ɔte paa. Yisrael ee, ɛmɔ nyameɛ mɔ bɔ bɛyele ɛmɔ befili Misraim aseɛ so bɛwale ne, bɛ ɛhe.”

2 Ahemvo 17:12

Né AWURADE ahã ahyire Yisraelfoɛ kyɛ nnɛmaa bɛsɔne mmosoen mɔ, nakoso bɛsɔnene bɛ.

2 Aberɛso Dwirɛ 33:7

Amoen bɔ osele ne, ɔfa ɔɔpenane Nyameɛ awuro berɛ; awuro bɔ Nyameɛ hane ye nwo dwirɛ hyirele Dawide ne ɔwa Solomon kyɛ, “Sɔ awuro he, yeɛ Yerusalem bɔ maneanea Yisrael mmusua kure amukoraa nu matu masie berɛ ne, nu yeɛ ngɔmaa bɛkɔsɔne me dumaa afebɔɔ ɔ.

Edwein 78:58

Ofikyɛ bɛfale b’asɔneyɛɛ nemɔ bewurale ye apue maa ɔfɛle yaa; na b’amoen nemɔ ati, Nyameɛ hwene bɛ nwo nungunɛ.

Edwein 97:7

Mmenia bɔ bɛsɔne mmosoen, bɔ bɛfa amoen mɔ bɛhoahoa bɛ nwo ne, bɛ mukoraa bɛ nyunu agua ase; nyameɛ mɔ amukoraa, odi kyɛ ɛmɔkoto ye.

Ɛksadɔso 20:23

Nnɛma ɛmɔfa ɛdwetɛ bɛyɛ nyameɛ foforɛ mɔ bɛboka me so, anaa sikaa kɔkorɛ bɛyɛ nyameɛ foforɛ mɔ bɛfa.

Ɛksadɔso 32:1

Mmerɛ bɔ mmenia ne nwuni kyɛ Mose ahyɛ soma wɔ bokaa ne aso, ná ondwu mma nen, mmenia ne boaboale bɛ noa bɛhɔle Aarɔn berɛ, na besele ye kyɛ, “Dwɔso ná yɔ bosoen mɔ bɔ bekoli yɛ nyunu ma yɛ. Ofikyɛ sɔ Mose ne, akoaa he bɔ ɔɔyele yɛ fili Misraim aseɛ so wale ne de, yɛnze bɔ wato ye ɔ.”

Ɛksadɔso 32:23

Besele me kyɛ, ‘Yɔ nyameɛ mɔ bɔ bekoli yɛ nyunu ma yɛ, ofikyɛ sɔ Mose ne, akoaa he bɔ ɔɔyele yɛ fili Misraim aseɛ so wale ne de, yɛnze bɔ wato ye ɔ.’

Ɛksadɔso 32:4

Olele sikaa kɔkorɛ bɔ bɛfa bɛbrɛle ye ne, ohurole ye, na ɔfa yɔle nandwie ba amoen. Na bɛhane kyɛ, “O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Ɛksadɔso 32:8

Atee bɔ ngyirele bɛ ne, bakwati ye ndɛndɛ so. Bahuro nikyee bafa bayɔ nandwie ba, bakoto ye, yeɛ babɔ afɔleɛ bama ye, na baha kyɛ, O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Ɛksadɔso 34:17

“Nnɛhuro nikyee biala fa yɔ bosoen sɔne ye.

Yesaya 42:17

Bɛ bɔ bɛfa bɛ wora bewura mmosoen nu, bɛ bɔ bɛkã bekyire amoen mɔ bɔ bahuro nikyee bafa bayɔ ɔ kyɛ, “Ɛmɔte yɛ nyameɛ mɔ” ne, bɛkɔtete bekosa, na bɛ nyunu kogua ase bɔkɔɔ.

Yesaya 42:8

Me ole AWURADE, me dumaa ɛne, memva m’animnyam memma ebiala, yeɛ m’ayɛyelɛ koso, memva memma amoen mɔ.

Yesaya 45:16

Bɛ mukoraa bɛkɔfɛre, na bɛ nyunu kogua ase, Bɛ bɔ bɛyɔ amoen ne, animguaseɛ kɔto bɛ kɔbɔ nu.

Hesekiel 20:7

Na nzele bɛ kyɛ: Odi kyɛ ɛmɔ nu biala ogyi akyiwadeɛ nningyein bɔ ɛmɔ nye gye ye nwo ne ogua. Nnɛma ɛmɔfa Misraim mmosoen begua ɛmɔ nwo fiɛ. Me ole AWURADE ɛmɔ Nyameɛ ne.

Hesekiel 8:10

Yiti nworole nu ngɔneane. Na né bakurukyire ngaka mukoraa bɔ bɛtwe bɛ nwo ase ɔ, yeɛ ngaka mukoraa bɔ bekyi ɔ, ɔne Yisrael mmosoen amukoraa bagua fasue ne anwo babra bayia.

Hesekiel 8:3

Ɔtengyɛle nikyee bie bɔ ye sue te asaa ɔ, ɔfa sɔle me ti nwiaa nu, na Sunzum ne mane me so hɔle anwuro ne ase b’afia, na ɔfale me wale Yerusalem wɔ nyekyire bɔ ofi Nyameɛ berɛ ɔ nu. Ɔfale me wale asɔneyɛɛ sua ne akunu dɔ anoa piri bɔ ye nye kyire sorɔ dɔ ne anyunu berɛ, nekaa bɔ nungunɛhwenɛ amoen bɔ ɔtwetwe nungunɛ ba ne ogyi ne.

Lewitikɔso 19:4

Nnɛma ɛmɔdi mmosoen si, yeɛ nnɛma ɛmɔhuro nikyee biala bɛfa bɛyɔ amoen biala bɛfa: Me ole AWURADE ɛmɔ Nyameɛ.

Lewitikɔso 26:1

“Nnɛma ɛmɔyɔ mmosoen, yeɛ nnɛma ɛmɔgyina amoen bɔ base anaakyɛ bonima biala bɛma bɛ nwo; nnɛma ɛmɔfa nyɔboɛ bɔ ɛmɔali so adwii bɛpenapena ɛmɔ aseɛ so bɛsɔne bɛ, ofikyɛ me ole AWURADE ɛmɔ Nyameɛ.

Numeri 12:8

Ye de megyina ye nyunu me ne ye yɛdwudwo pefee; mendwudwo mengyire ye anyandera nu; na onwu kyɛbɔ AWURADE ye sue te ɔ. Nzu ati yeɛ ɛmɔanzuro kyɛ ɛmɔkodwudwo bekotia me somvoɛ Mose ɔ?”

Asomafoɛ 17:29

Na ɔnate kyɛ yɛte Nyameɛ mma ne ati, ɔnzɛ kyɛ yɛdwene kyɛ Nyameɛ sue te kyɛ esikaa kɔkorɛ, anaa ɛdwetɛ, anaa nyɔboɛ bɔ kuro sona afa ye sa ne ye nworɛ wali adwii wayɔ ɔ.

Romanfoɛ 1:23

Bɛfale Nyameɛ bɔ onwu ɔ n’animnyam bɛsesane honi mɔ bɔ bɛte kyɛ kuro sona bɔ owu ɔ, ɔne nnomaa ne ndɔteboa ne ngaka bɔ bɛtwe bɛ nwo ase ɔ.

Deuteronomi 16:22

yeɛ nnɛfa nyɔboɛ biala pena berɛ kyɛ ɔte bosoen atenaleɛ, bɛte nningyein bɔ AWURADE wɔ Nyameɛ kyi ɔ.

Deuteronomi 27:15

“ ‘Musue to sona biala bɔ ɔkɔyɔ amoen anaa okohuro nikyee kɔyɔ amoen ɔ: AWURADE akyiwadeɛ biala, bɔ ɔte dwumvoɛ sa noa adwuma, bɔ ɔkɔfa kosie mvealeɛ nu kɔsɔne ye ɔ’. Na mmenia ne amukoraa kosuro so kyɛ, ‘Amen!’

Deuteronomi 5:8

“ ‘Nnɛyɔ amoen biala ɛso ye, anaa nikyee biala bɔ ye sue te kyɛ ewienu anwuro anwuro nikye, anaa aseɛ so nikye, anaa aseɛ bo dɔ nzue nu nikye.

Nyekyire 16:2

Yiti abɔfo bɔ oli moa ne hɔle oohwiele bɔ ɔwɔ ye kulie ne anu guale aseɛ so, na kena bɔ ɔbo mvamva ná otutu ɔ tutuli mmenia bɔ bele kaka ne nzorɛhyɛlɛ ne, ɔne bɛ bɔ bɛkotole ye honi ne.

Nyekyire 9:20

Nakoso adasa mmaa ngaa bɔ ɛhawo hemɔ wangukũ bɛ ne, banzakyera b’adwene bamvi bɛ sa noa nnwumaa nwo, banyakyi sunzummɔne mɔ sɔnenɛ, yeɛ banyakyi sikaa kɔkorɛ, ɛdwetɛ, kɔɔbere, nyɔboɛ ne bakaa amoen mɔ bɔ bɛngora bennwu nikye, anaa bɛnde dwirɛ, anaa bɛnnate ɔ sɔnenɛ;

Maenbulɛfoɛ 17:3

Yeɛ Mika sa fale ɛdwetɛ apee ko ɛyaa ko ne brɛle ye maame; na ye maame sele kyɛ, “Ngyi mma ye gya nu yeɛ métu ɛdwetɛ ne mesie berɛ mema AWURADE ɔ, kyɛ béhuro ye bɛ́fa bɛ́yɔ buralɛ amoen.”