Ɛksadɔso 20:24 - AHYERƐLƐ KRONGRON

²⁴ Wɔ de, si nnɛterɛ afɔleɛ bokyea ma me, na so yeɛ fa wɔ mmoaen ne wɔ nandwie bɔ naen yeralɛ afɔleɛ, ɔne w’asomdwee afɔleɛ ɔ. Na nekaa biala bɔ ngɔmaa ɛkɔkaye me dumaa nen, ngɔwa wɔ berɛ ngooyira wɔ.

Ɛksadɔso 20:24 Iomraidhean Croise

Gyenesise 12:2

Ngɔmaa ɛkɔyɛ maen pirikua, ngoyira wɔ, ná mama wɔ dumaa ahɔ anwuro, amaa ɔnate so ayɛ saleɛ.

2 Samuel 6:12

Na ebiemɔ bɛbɔle Nana Dawide amaneɛ kyɛ, “Ɔnate Nyameɛ alaka ne ati, AWURADE ayira Obɛde Edom awuro ama, ɔne bɔ ole ye amukoraa.” Yiti Dawide hɔle anigye so ɔɔfale Nyameɛ alaka ne fili Obɛde Edom awuro wale Dawide kuro ne anu.

1 Ahemvo 8:29

amaa sɛ eyia oo, kɔngɔen oo, sua ye bɔ ɔte nekaa bɔ ahã kyɛ, ‘Me dumaa kɔla so’ ye, wɔ nye ali ye si; amaa ɔnate so, atie mbaeɛ bɔ w’akoaa kɔfa ye nye kohyire ɛwa kɔbɔ ɔ.

1 Ahemvo 8:43

ye de tie amanvraniɛ ne mbaeɛ wɔ nyameɛso, nekaa bɔ ɛte ne, ná yɔ bɔ ɔkɔfa kɔto wɔ nyunu amukoraati ma ye, amaa aseɛ ye aso mmenia amukoraa bate wɔ dumaa ne nga ná basuro wɔ, kyɛbɔ wɔ maen Yisrael besuro wɔ ne. Ɔnate ɛhe aso bekonwu kyɛ wɔ dumaa yeɛ ɔla sua bɔ masi ye aso ɔ.

1 Ahemvo 9:3

AWURADE sele ye kyɛ, “Mate wɔ mbaeɛ ne wɔ dwirɛ bɔ afa ato me nyunu ne. Sua bɔ asi afa me dumaa ato so afebɔɔ ne, mate ye nwo maa wayɛ krongron. Me nye koli ye si, na ɔkɔla m’ahone nwo daa biala.

2 Ahemvo 5:17

Yeɛ Naaman hane kyɛ, “Sɛ engole m’akyɛdeɛ ne po a, mesrɛ wɔ, maa bɛsa ɛwa nnɛterɛ somaa bɔ afunum nyɔ kɔhora ye soa ɔ bɛma w’akoaa. Ofikyɛ w’akoaa, mengɔbɔ naen yeralɛ afɔleɛ anaakyɛ afɔleɛ biala mengɔma nyameɛ foforɛ biala ko, sana AWURADE angome.

2 Aberɛso Dwirɛ 12:13

Yiti Nana Rehoboam mane ye ahennie bo tindimuni wɔ Yerusalem, na olili hene. Rehoboam lili bia ne, né wali afoɛ aburanna ne ko. Na olili bia ne afoɛ buru ne nzoo wɔ Yerusalem bɔ ɔte kuro bɔ AWURADE aneanea Yisrael mmusua kure amukoraa nu waye wafa ye dumaa wato so ne aso. Oni ole Amonniɛ bie bɔ bɛfrɛ ye Naama.

2 Aberɛso Dwirɛ 6:6

Nakoso nneane nu nyele Yerusalem kyɛ mefa me dumaa meto so, yeɛ nneane nu nyele Dawide kyɛ oli me maen Yisrael so.’

2 Aberɛso Dwirɛ 7:16

Na afei, awuro he, mate ye nwo maa wayɛ krongron, amaa me dumaa ala so afebɔɔ. Me nye koli ye si, na ɔkɔla m’ahone nwo daa biala.

Ɛsra 6:12

Na sɛ ɛhene bie anaa maen bie otu sɔ mmeraa ne gua, anaakyɛ ɔsɛkye Nyameɛ awuro he bɔ ɔwɔ Yerusalem ne a, Nyameɛ bɔ wama ye dumaa ala Yerusalem so ne, ótu sɔ hene ne anaa ɔ́bɔ sɔ maen ne. Me, Dario yeɛ mahyɛ sɔ mmeraa ye ɔ, na odi kyɛ bedi so pɛpɛɛpɛ!”

Nehemia 1:9

nakoso sɛ ɛmɔsa bɛba me berɛ, ná ɛmɔdi me mmeraa dwirɛ so a, ye de aseɛ ye aso nekaa biala bɔ mama ɛmɔ babɔ aya baagua ne, ngɔboaboa ɛmɔ noa ngofi dɔ; ná mafa ɛmɔ mawa nekaa bɔ maye masie berɛ mafa me dumaa mato so ne.’

Edwein 101:2

Atee bɔ ɔte pɛpɛɛpɛ ne, so yeɛ ngɔfa ɔ. Ao, kyinzu yeɛ ɛkɔwa me nwo wa ɔ? Ngɔfa ahone bɔ nu te ɔ ngɔnate m’awuro berɛ.

Edwein 122:2

Ao Yerusalem, yɛ gya gyigyi wɔ pambim nemɔ anu.

Edwein 128:5

AWURADE kofi Sion koyira wɔ, na ekonwu Yerusalem ngɔsoɛ, mmerɛ bɔ ɛte ngoa nu amukoraa.

Edwein 134:3

AWURADE bɔ ɔbɔle anwuro ne aseɛ ne, ófi Sion oyira wɔ.

Edwein 74:7

Bato wɔ nekaa krongron ne anu see; bafa efiɛ bahã wɔ dumaa krongron atenaleɛ ne, na badwiri bagua ase.

Edwein 76:2

Ye tena sua wɔ Salem, na ye atenaleɛ wɔ Sion.

Edwein 78:68

na mmom ɔneaneane nu yele Yuda abusua kure, bɔ ye ole Sion bokaa bɔ okuro ye dwirɛ ne.

Ɛksadɔso 10:25

Nakoso Mose sele kyɛ, “Odi kyɛ ɛma yɛ sa ka nningyein bɔ yɛkɔfa kɔbɔ afɔleɛ ɔne naen yeralɛ afɔleɛ yɛkɔma AWURADE yɛ Nyameɛ ne ɔ.

Ɛksadɔso 18:12

Na Yɛtro, bɔ ɔte Mose sia bienzua ne, ɔfale naen yeralɛ afɔleɛ ne afɔleɛ ahoroɔ brɛle Nyameɛ. Na Aarɔn ne Yisrael mbanyi amukoraa wale, na bɛ ne Mose sia bienzua ne bedidili wɔ Nyameɛ nyunu.

Ɛksadɔso 20:25

Na sɛ ɛfa nyɔboɛ si afɔleɛ bokyea ma me a, nnɛfa nyɔboɛ bɔ base ɔ si, ofikyɛ sɛ ɛfa pɛwaa di adwii wɔ so a, né agua ye nwo fiɛ.

Ɛksadɔso 24:4

Na Mose hyerɛle AWURADE dwirɛ ne amukoraati. Na ɔpɛle aleɛ dwɔsole ngyerɛmɔ sili afɔleɛ bokyea wɔ bokaa ne nye abo, na ɔfale nyɔboɛ buru ne nyɔ penapenane berɛ, ɔfa gyinane berɛ mane Yisrael abusua kure buru ne nyɔ ne.

Ɛksadɔso 24:5

Afei ɔsomane Yisrael mmerandeɛ, na bɛfale nandwie bɛɛbɔle naen yeralɛ afɔleɛ ne asomdwee afɔleɛ bɛmane AWURADE.

Ɛksadɔso 27:1

“Fa bɔsema si afɔleɛ bokyea. Ma ye tendenn nu yɛ agyirɛ nnu, ná ye tɛtrɛtɛɛ nu yɛ agyirɛ nnu. Ma afɔleɛ bokyea ne yɛ ahinanan, ná ma ye aseɛnwo bɔ ɔkwaadwu ye anwuro ne ɔyɛ agyirɛ nza.

Yesaya 64:5

Sona bɔ ɔbɔ tenenee bra wɔ anigye so ne, bɔ ɔkaye wɔ ɔfa w’atee so ne, ɛyɛ ye awaawaatuu. Tie, yɛ bɔne maa ɛfɛle yaa, yɛ bɔne nu yeɛ yɛtɛte ye dadadada ɔ, aso ekole yɛ ngoa anaa?

Lewitikɔso 17:9

ná wamva wamma ɛtena sua atenaleɛ anoa nu berɛ wamma ammɔ afɔleɛ ne wamma AWURADE a, odi kyɛ bɛpɛ ye asue befi maen ne anu.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Mateo 18:20

Ofikyɛ nekaa biala bɔ mmenia nyɔ anaa nza koyia nu me dumaa nu nen, né nwɔ b’afia wɔ berɛ.”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Deuteronomi 12:11

ye de nekaa bɔ AWURADE ɛmɔ Nyameɛ kɔneanea nu kɔye kosie berɛ kyɛ ɔ́ma ye dumaa da so nen, berɛ yeɛ ɛ́mɔfa nningyein bɔ méhyɛ ɛmɔ ne amukoraati bɛhɔ ɔ: ɛmɔ naen yeralɛ afɔleɛ ne ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɔne ɛmɔ aboadeɛ afɔleɛ paa mukoraati bɔ ɛmɔfa bɛhyɛ AWURADE bɔ ɔ.

Deuteronomi 12:21

Nekaa bɔ AWURADE wɔ Nyameɛ kɔye kosie berɛ kɔfa ye dumaa kɔto so ne, sɛ ɔne nekaa bɔ ɛte ne anu twe a, ye de ɛkɔhora kohũ wɔ nandwie anaa wɔ mmoaen bɔ AWURADE afa ama wɔ ne anu bie, kyɛbɔ mahyɛ wɔ ne, na di naen ne wɔ wɔ kuro ne anu mmerɛ biala bɔ ekuro ɔ.

Deuteronomi 12:5

Na mmom ɔsɛ kyɛ ɛmɔpena aseɛ bɔ AWURADE ɛmɔ Nyameɛ kɔneanea nu kɔye kosie berɛ wɔ ɛmɔ abusua kure ne amukoraati nu, kyɛ ɔ́fa ye dumaa to so ná ɔtena berɛ ne, na berɛ yeɛ ɛmɔhɔ ɔ.

Deuteronomi 14:23

W’aburoo, wɔ nzaa ne wɔ ngoo, yeɛ wɔ nandwie ne wɔ mmoaen bamuɛbaa nemɔ, so buru nu ngyɛmuɛ ko ne, di wɔ AWURADE wɔ Nyameɛ nyunu, wɔ nekaa bɔ okohyire kyɛ ɔ́ma ye dumaa da so ne; amaa ɔnate so asua kyɛ ekosuro AWURADE wɔ Nyameɛ daa.

Deuteronomi 16:11

Di ahurusi wɔ AWURADE wɔ Nyameɛ nyunu, ɛne wɔ mma mmienzua ne mmrasua, wɔ nganga mmienzua ne mmrasua, Lewifoɛ bɔ bɛte wɔ kuro, ɛwɔfoɛ mɔ, nyisiaafoɛ ne kunafoɛ bɔ bɛte wɔ kuro ɔ, wɔ nekaa bɔ AWURADE wɔ Nyameɛ kɔneanea nu kɔye kosie berɛ kyɛ ɔ́ma ye dumaa da so ne.

Deuteronomi 26:2

so mmakaammaa mukoraa bɔ ekoli moa kɔte ne, bɔ ekonya kofi aseɛ bɔ AWURADE wɔ Nyameɛ ɔ́fa ma wɔ ne aso ne, fa bie gua kɛndɛen nu, ná fa kɔ nekaa bɔ AWURADE wɔ Nyameɛ kɔneanea nu kɔye kosie berɛ kyɛ ɔ́ma ye dumaa da so ne.

Deuteronomi 7:13

Okohuro wɔ dwirɛ, okoyira wɔ, na ɔkɔma wɔ boso kɔta pee. Okoyira wɔ kunu mmaa, w’aseɛ so aleɛ, w’aburoo ne wɔ nzaa ne wɔ ngoo, wɔ nandwie ne wɔ mmoaen kɔta pee; wɔ aseɛ bɔ ɔtale ye nwo ndaen hyirele wɔ nana mɔ kyɛ ɔkɔfa kɔma wɔ ne aso.

1 Timoteo 2:8

Yiti mekuro kyɛ mmienzua bɛbɔ mbaeɛ wɔ nekaa biala, bɛma asaa bɔ ye nwo te ɔ so, bɔ ɛyaafɛlɛ anaa aporowaasulɛ nne nu ɔ.