Ɛksadɔso 20:22 - AHYERƐLƐ KRONGRON

²² Na AWURADE sele Mose kyɛ, “Edwirɛ he yeɛ ka kyire Yisraelfoɛ ɔ: ‘Ɛmɔ bɔbɔ ɛmɔanwu ye kyɛ me ne ɛmɔ yadwudwo fi nyameɛso.

Ɛksadɔso 20:22 Iomraidhean Croise

Nehemia 9:13

Edwu wale Sinai bokaa ne aso, na ɛne bɛ dwudwole fili nyameɛso, na ɛmane bɛ tenenee nhyehyɛleɛ, mmeraa turoloo, yeɛ ahyɛdeɛ ne mmeraa dwirɛ bɔ ɔte paa ɔ.

Deuteronomi 4:33

Aso mmenia bie wɔ berɛ bɔ bate Nyameɛ komvi kyɛ odwudwo fi see nu, kyɛbɔ ate ye, ná banya ngoa ɔ?

Deuteronomi 4:36

Ɔmaa ɛtele ye komvi fili nyameɛso, kyɛ ɔ́fa tengyɛtengyɛ wɔ. Na aseɛ ye aso koso, ɔmaa enwuni ye see pirikua ne, na ɛtele ye dwudwolɛ fili see ne anu.

Deuteronomi 5:24

Na ɛmɔsele kyɛ, ‘AWURADE yɛ Nyameɛ waye ye animnyam ne ye tumi piri wahyire yɛ, na yate ye komvi yafi see ne anu. Ɛnɛ de, yanwu ye kyɛ, sɛ Nyameɛ ne sona dwudwo a, saa sɔ sona ne kora nya ngoa.

Deuteronomi 5:26

Ofikyɛ dasaniɛ beni yeɛ wate Nyameɛ teasefoɛ ne komvi kyɛ odwudwo fi see nu, kyɛbɔ yate ye, ná wanya ngoa ɔ?