Ɛksadɔso 20:19 - AHYERƐLƐ KRONGRON

¹⁹ Na besele Mose kyɛ, “Wɔ bɔbɔ dwudwo kyire yɛ, na yɛkotie. Nnɛma Nyameɛ dwudwo kyire yɛ, ná yanwuwu.”

Ɛksadɔso 20:19 Iomraidhean Croise

Gyenesise 3:10

Na biaa ne buale kyɛ, “Ndele wɔ gya boso wɔ turo ne anu, na ɛserɛ hane me, ofikyɛ né me nwo la so, yiti ngɔmveale.”

Gyenesise 32:30

Yiti Yakob frɛle berɛ Peniɛl, ofikyɛ ɔnwa, “Me nye abɔ Nyameɛ nyunu, nakoso me ngoa tɛ tira me.”

Ɛksadɔso 33:20

Na ɔfa sɔle so kyɛ, nakoso ɛngɔhora ngonwu me nyunu, ofikyɛ sona nnwu me nyunu ná onnya ngoa.

Asomafoɛ 7:38

Mmerɛ bɔ Yisrael ɛlɔen ne yiale ɛserɛ so nen, né Mose boka bɛ so; ɔne yɛ nana mɔ yeɛ né bɛwɔ berɛ ɔ, afei koso né ɔne abɔfo bɔ odwudwo hyirele ye wɔ Sinai Bokaa ne aso ne wɔ berɛ, na olele Nyameɛ ngoa dwirɛ ne mane yɛ.

Galatiafoɛ 3:19

Afei mmeraa ne botaeɛ ole sɛɛ? Mmeraatolɛ ti yeɛ ɔmaa bɛfa bɛbokale so ɔ, kɔpem kyɛ Abraham bosoniɛ bɔ yiti yeɛ bɛhyɛle bɔ ne ɔkɔwa ɔ. Nyameɛ hyehyɛle mmeraa ne, na ɔnate abɔfo mɔ so yeɛ ɔhyehyɛle ye wɔ ndamgyinaniɛ bie sa nu ɔ.

Deuteronomi 18:16

Na ɛhe yeɛ ɛsrɛle AWURADE wɔ Nyameɛ wɔ Horebo bokaa ne anwo, wɔ nyianu kyẽa ne kyɛ, ‘Nnɛmaa mete AWURADE me Nyameɛ dwudwolɛ ko, yeɛ nnɛmaa menwu sɔ see totohyia ne ko, ná manwu.’

Deuteronomi 5:5

Na sɔ mmerɛ ne, me de ngyinane AWURADE ne ɛmɔ afia, kyɛ méka AWURADE noa dwirɛ mékyire ɛmɔ; ofikyɛ né ɔnate see ne ati ɛmɔsuro, na ɛmɔamvo bangɔ bokaa ne aso. Na ɔhane kyɛ,

Hebrifoɛ 12:19

nekaa bɔ bɛtele totorobɛndo hulɛ ne, ɔne komviɛ totohyia bɔ ɔmaa bɛsrɛle kyɛ nnɛma Nyameɛ dwudwo kyire bɛ ko ne.