Ɛksadɔso 20:14 - AHYERƐLƐ KRONGRON

¹⁴ “Nnɛsɛkye agyaa.

Ɛksadɔso 20:14 Iomraidhean Croise

Gyenesise 39:9

Awuro wa de, ebiala nni mu ndra me, yeɛ ɔmva hwee mmɔ me aheɛ, sana wɔ ngome, ofikyɛ ɔye ole wɔ. Nzu ati yeɛ nyɔ sɔ amumuyɛɛ piri ye na nyɔ bɔne ndia Nyameɛ ɔ?”

2 Samuel 11:27

Olili ye kuna yiele nen, Dawide somane maa bɛɛfale ye bɛwale ye ahemvie berɛ. Ɔyɛle ɔye, na ɔne ye bɛwole baa bienzua. Nakoso AWURADE nye angye nikyee bɔ Dawide yɔle ne anwo.

Lewitikɔso 18:20

Nnɛne ebiɛngo aye bɛda, ná angua wɔ ne brasua ne nwo fiɛ.

Lewitikɔso 20:10

“Sɛ bienzua bie ne obiɛngo aye bɛbɔ adwaman a, odi kyɛ beku bienzua ne ɔne brasua bɔ babɔ adwaman ne bɛ munyɔ.

Malaki 2:15

Aso Nyameɛ wanyɔ ɛmɔ sona komapɛ bɔ ngoa sunzum wɔ ɛmɔ nu ɔ? Na nzikyɛ yeɛ ɔpena ɔ? Kyɛ ɛmɔkɔwo mmaa bɔ Nyameɛ surolɛ wɔ bɛ nu ɔ. Yiti ɛ́mɔnea ɛmɔ nwo yé wɔ ɛmɔ sunzum nwo, na nnɛma ebiala fa ye mmerandeɛ nu braa ɔfa nnakannaka atee so.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Numeri 5:12

“Ka kyire Yisraelfoɛ kyɛ, Sɛ bienzua bie aye fa ye si, ná wanni nahorɛ wamma ye,

Mateo 19:18

Na obisale ye kyɛ, “Nu beni?” Yeɛ Yesu buale kyɛ, “Nnɛdi awue, nnɛsɛkye agyaa, nnɛwua, nnɛdi adanzewia.

Romanfoɛ 13:9

Mmeraa ne nwa, “Nnɛsɛkye agyaa, nnɛdi awue, nnɛwua, [nnɛdi adanzewia], nnɛma wɔ nye boro ebie nikye.” Na sɛ mmeraa dwirɛ biala boka so a, babɔ ye porɛ wɔ edwirɛ he anu kyɛ, “Kuro ebiɛngo dwirɛ kyɛ wɔ bɔbɔ wɔ nwo.”

Deuteronomi 5:18

“ ‘Nnɛsɛkye agyaa.

Hebrifoɛ 13:4

Odi kyɛ ebiala di agyaa ni, na nnɛma ebiala gua agyaa mba nwo fiɛ, ofikyɛ Nyameɛ kobua adwamanbɔlɛfoɛ ne agyaasɛkyelɛfoɛ ndɛen.

Yakobo 2:11

Ofikyɛ, bɔ ɔhane kyɛ, “Nnɛsɛkye agyaa” nen, ye ala yeɛ ɔhane kyɛ, “Nnɛdi awue” ɔ. Na sɛ anzɛkye agyaa, nakoso edi awue a, né ayɛ ebie bɔ wato mmeraa ne ɔ.

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”