Ɛksadɔso 20:13 - AHYERƐLƐ KRONGRON

¹³ “Nnɛdi awue.

Ɛksadɔso 20:13 Iomraidhean Croise

2 Ahemvo 21:16

Asa koso, Manase hane mogya bɔ odi be ɔ pee guale, kɔpem kyɛ ɔhane mogya guale Yerusalem nekaa biala ɔ. Asora bɔne bɔ ɔhwehwene Yuda hɔle nu maa ɔnate so bɛyɔle bɔ ɔte bɔne wɔ AWURADE nyunu ne.

2 Aberɛso Dwirɛ 24:22

Nana Yoase wangaye paa bɔ Sakaria baba Yehoada ɔyɔ mane ye ne, na mmom ohuni ɔwa ne. Mmerɛ bɔ beku Sakaria ne, ɔteane nu kyɛ, “AWURADE ɔ́nea bɔ ɛmɔyɔ ye, ná otua ɛmɔ so kerɛ!”

Ɛksadɔso 21:12

“Ebiala bɔ ɔkɔbɔ obiɛngo maa okowu nen, ye wora bekohu ye bie.

Ɛksadɔso 21:14

Nakoso sɛ ebie nye la ye nwo, ná ɔlakalaka obiɛngo ku ye a, ye de twe ye fi m’afɔleɛ bokyea ne anwo ma behũ ye.

Ɛksadɔso 21:20

“Sɛ ebie fa bakaa bɔ ye kanganiɛ bienzua anaa brasua maa owu ye sa nu a, ye de bɛkɔtɔ meneɛ ne so wereɛ.

Ɛksadɔso 21:29

Nakoso sɛ nandwie ne taa si mmenia, bɔ babɔ ye mene kɔkɔ, nakoso ɔnga ye ndo tuin nu ne, sɛ oku bienzua anaa brasua a, ɔsɛ kyɛ bɛboro nandwie ne nyɔboɛ (beku ye), yeɛ ye mene ne koso bɛ́boro ye nyɔboɛ behũ ye.

Ɛksadɔso 23:7

Nnɛto ebiɛngo soen, yeɛ nnɛku sona bɔ odi be ná ɔtengyɛ ɔ, ofikyɛ mengobua amumuyɛɛniɛ be.

Anyandera 1:11

Sɛ bɛkã kyɛ, “Bra maa yɛɛtetɛ yɛli awue, bɛ bɔ bedi be ne, maa yɛɛtɛ atunu yɛhu bɛ mbaen;

Anyandera 1:18

Nakoso sɔ mmenia nemɔ bɛtetɛ bedi bɛ bɔbɔ bɛ nwo awue, na bɛtetɛ bekuku bɛ nwo.

Yesaya 26:21

Ofikyɛ AWURADE fi ye atenaleɛ berɛ ɔ́ba, kyɛ aseɛ so ama b’amumuyɛɛ ti ɔbaahwe bɛ so. Aseɛ kɔma mogya bɔ bahã bagua so ɔ nwo kɔla ali, na ɔngɔfa bɛ bɔ bahu bɛ wɔ so ne ngɔfea ko.

Yeremia 26:15

Na mmom, ɛ́mɔnwu ye kyɛ amba, sɛ ɛmɔku me a, mogya bɔ odi be ɔ yeɛ ɛmɔkɔmaa ɔkɔbɔ ɛmɔ bɔbɔ deinn, kuro he ɔne nu ama bɛ ti so ɔ. Ofikyɛ nahorɛ nu, AWURADE yeɛ ɔsomane me ɛmɔ berɛ kyɛ mmanga sɔ dwirɛ ye amukoraa ngyire ɛmɔ maa ɔhɔ ɛmɔ so anu ɔ.”

Lewitikɔso 24:17

Ebiala bɔ okoli awue ne, odi kyɛ beku ye bie.

Lewitikɔso 24:21

Ebiala bɔ okohu ebie kaka ne, odi kyɛ ɔfa bie si ye gya nu; nakoso ebiala bɔ okohu sona ne de, odi kyɛ beku ye ɔ.

Mateo 19:18

Na obisale ye kyɛ, “Nu beni?” Yeɛ Yesu buale kyɛ, “Nnɛdi awue, nnɛsɛkye agyaa, nnɛwua, nnɛdi adanzewia.

Marko 10:19

Ɛse mmeraa dwirɛ ne: ‘Nnɛdi awue, Nnɛsɛkye agyaa, Nnɛwua, Nnɛdi adanzewia, Nnɛdi aminɛ, Di ɛse ne eni ni.’ ”

Luka 18:20

Ɛse mmeraa dwirɛ ne: ‘Nnɛsɛkye agyaa, Nnɛdi awue, Nnɛwua, Nnɛdi adanzewia, Di ɛse ne eni ni!’ ”

Asomafoɛ 16:28

Na Pɔɔlo teane nu serɛserɛ sele kyɛ, “Nnɛdi wɔ nwo awue, na yɛ mukoraa yɛwɔ wa!”

Asomafoɛ 28:4

Na mmerɛ bɔ supɔ ne aso ama nwuni kyɛ ewoo ne abrabra ye sa nen, besisele bɛ nwo kyɛ, “Aporowaa biala nne ye nwo, biaa he te wudiniɛ. Ɔwɔ nu kyɛ wanya ye ti ngoa wafi ɛpo nu de, nakoso ye bɔne nwo asohwenɛ bɔ oli ye si ngɔma ongonya ngoa.”

Romanfoɛ 13:9

Mmeraa ne nwa, “Nnɛsɛkye agyaa, nnɛdi awue, nnɛwua, [nnɛdi adanzewia], nnɛma wɔ nye boro ebie nikye.” Na sɛ mmeraa dwirɛ biala boka so a, babɔ ye porɛ wɔ edwirɛ he anu kyɛ, “Kuro ebiɛngo dwirɛ kyɛ wɔ bɔbɔ wɔ nwo.”

Galatiafoɛ 5:21

anyeboroborolɛ, awuelilɛ, nzaabolɛ, ewiase anigye mbaen mbaen ɔne nningyein bɔ ɔtete sɔa ɔ. Mebɔ ɛmɔ ɛhemɔ nwo kɔkɔ, kyɛbɔ mabɔ ɛmɔ kɔkɔ daa ne, kyɛ bɛ bɔ bɛyɔ sɔ nningyein nemɔ ngɔhɔ Nyameɛ ahennie ne anu.

Deuteronomi 5:17

“ ‘Nnɛdi awue.

1 Timoteo 1:9

Yeɛ yɛse kyɛ mmeraa ne ɔnne berɛ mma teneneeniɛ, na mmom ɔwɔ berɛ ma mmeraatolɛfoɛ, asoserɛfoɛ, bɛ bɔ benzuro Nyameɛ, bɔnefoɛ, bɛ bɔ bɛ nwo nde, ɔne bɛ bɔ bɛ nwo agua fiɛ ɔ, bɛ bɔ beku bɛ se ne bɛ ni, awudifoɛ,

Yakobo 2:11

Ofikyɛ, bɔ ɔhane kyɛ, “Nnɛsɛkye agyaa” nen, ye ala yeɛ ɔhane kyɛ, “Nnɛdi awue” ɔ. Na sɛ anzɛkye agyaa, nakoso edi awue a, né ayɛ ebie bɔ wato mmeraa ne ɔ.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.