Ɛksadɔso 20:12 - AHYERƐLƐ KRONGRON

¹² “Di ɛse ne eni ni, amaa ɔnate so anya ngoa tendenn wɔ aseɛ bɔ AWURADE wɔ Nyameɛ ɔ́fa ma wɔ ne aso.

Ɛksadɔso 20:12 Iomraidhean Croise

Gyenesise 48:12

Yosef pagyale ngwadaa nemɔ fili Yisrael gya so, na Yosef kunduni fale ye nyunu butuli berɛ.

Gyenesise 50:12

Yiti Yakob mma mɔ yɔle kyɛbɔ ɔhyɛle bɛ ne ala mane ye;

1 Ahemvo 2:19

Yiti Bahyeba hɔle Nana Solomon berɛ kyɛ ɔkwaafa Adoniya dwirɛ ne to ye nyunu. Nana Solomon dwɔsole ooyiale Bahyeba, na ɔbɔle ye nu ase mane Bahyeba. Afei Solomon tenane ye ahennie bia so, na ɔmaa bɛfale ahennie bia bɛbrɛle ye maame maa ɔtenane ye sa famaa so.

2 Ahemvo 2:12

Elisa hɔle so neane, na ɔteane nu kyɛ, “Me baba ee! Me baba ee! Yisrael teaseɛnam mɔ ne pɔngɔhanɛfoɛ ee! Na afei Elisa wannwu Elia ko ne. Elisa sɔle ye bɔbɔ ye ataadeɛ nu suale nu nyɔ.

Ɛksadɔso 21:15

“Ebiala bɔ ɔkɔbɔ ɔse anaa oni nen, ɔsɛ kyɛ beku ye.

Ɛksadɔso 21:17

“Ebiala bɔ ɔkɔnoma ɔse anaa oni nen, ɔsɛ kyɛ beku ye.

Anyandera 15:5

Kwaseaa mva ye baba foɛtulɛ nyɛ huu, nakoso sona bɔ betwi ye nyunu a otie ne, ɔte badwemma.

Anyandera 17:6

Nnomaa te nworowaa b’abotire, yeɛ mmaa b’animnyam ole bɛ baba.

Anyandera 20:20

Ebiala bɔ ɔkɔnoma ɔse anaa oni ne, ye kanea konua wɔ awosii kabii nu.

Anyandera 28:24

Ebiala bɔ owua ɔse ne oni, ná ose kyɛ, “Ɛhe de, nna mmeraatolɛ ɔ” ahɔ ne, obiɛngo ole awerɔm awueniɛ.

Anyandera 3:16

Ngoa tendenn wɔ ye sa famaa nu, yeɛ anwonya ne animnyam wɔ ye sa bɛen nu.

Anyandera 30:11

Mmenia biemɔ wɔ berɛ a, bɛnoma bɛ baba, yeɛ bɛnga kyɛ bɛ maame onya saleɛ.

Anyandera 30:17

Anyeɛ bɔ ɔgoro ye baba anwo, ɔne bɔ ɔpo kyɛ okotie ye maame dwirɛ ne, bɔnza nu anene mɔ kotutu sɔ anyeɛ ne, na kɔleɛ mma mɔ kosuso koli.

Yeremia 35:18

Na Rekabofoɛ nemɔ de, Yeremia sele bɛ kyɛ, “Asafo AWURADE, Yisrael Nyameɛ nwa: Ɔnate kyɛ ɛmɔali ɛmɔ nana Yonadabo ahyɛdeɛ so, ná ɛmɔali ye nhyehyɛleɛ amukoraa so, ná ɛmɔayɔ bɔ wahyɛ ɛmɔ ne amukoraa ne ati,

Yeremia 35:7

onni kyɛ ɛmɔsi sua anaa ɛmɔdua nikyee anaa ɛmɔyɛ bobe boo, yeɛ onni kyɛ ɛmɔnya nu biala, na mmom odi kyɛ ɛmɔtena ɛtena sua nu ɛmɔ ngoa amukoraa, amaa ɔnate so ɛmɔatena ase bahyɛ wɔ aseɛ bɔ ɛmɔayɛ ɛwɔfoɛ wɔ so ne aso.’

Hesekiel 22:7

Bebu seɛ ne niɛ animtia wɔ wɔ nu; bɛhyɛ ɛwɔfoɛ so wɔ wɔ nu; yeɛ besisi nyisiaa ne kunafoɛ mmrasua koso wɔ wɔ nu.

Lewitikɔso 19:3

Odi kyɛ ebiala bu oni ne ɔse, ná ɛ́mɔli m’afofingyẽa nemɔ aso. Me ole AWURADE ɛmɔ Nyameɛ.

Lewitikɔso 19:32

“Fa ebulɛ ma panyi, di nworowaa ni, ná suro wɔ Nyameɛ: Me ole AWURADE.

Malaki 1:6

Baa di ɔse ni, yeɛ akoaa di ye mene ni. Na sɛ nde Seɛ de a, né nzaade m’anidie wɔ nisua? Na sɛ nde meneɛ de a, né nzaade esurolɛ bɔ besuro me ne ɔwɔ nisua? Ɛmɔ, asɔfo mɔ bɔ ɛmɔbu me dumaa animtia ɔ, bɔ Asafo AWURADE ose ɛmɔ hɔ ɛne. Nakoso ɛmɔbisa kyɛ, ‘Atee beni aso yeɛ yabu wɔ dumaa animtia ɔ?’

Mateo 19:19

Di ɛse ne eni ni; yeɛ kuro ebiɛngo dwirɛ kyɛ wɔ bɔbɔ wɔ nwo.”

Marko 10:19

Ɛse mmeraa dwirɛ ne: ‘Nnɛdi awue, Nnɛsɛkye agyaa, Nnɛwua, Nnɛdi adanzewia, Nnɛdi aminɛ, Di ɛse ne eni ni.’ ”

Marko 7:10

Ofikyɛ Mose hane kyɛ, ‘Di ɛse ne eni ni,’ yeɛ: ‘Ebiala bɔ ɔkɔhã ɔse anaa oni nwo dwirɛ tɛɛ ne, ehunɛ yeɛ odi kyɛ beku ye ɔ!’

Luka 18:20

Ɛse mmeraa dwirɛ ne: ‘Nnɛsɛkye agyaa, Nnɛdi awue, Nnɛwua, Nnɛdi adanzewia, Di ɛse ne eni ni!’ ”

Ɛfesofoɛ 5:21

Na ɔsɛ kyɛ ɛmɔfa Kristo nu esurolɛ nu bɛbrɛ ɛmɔ nwo ase bɛmoma bɛ nwo.

Deuteronomi 11:8

“Yiti mmeraa dwirɛ bɔ méhyɛ méma ɛmɔ ɛnɛ ye, ɛ́mɔli ye mukoraati so, amaa ɔnate so ɛmɔanya anwoserɛ baafa aseɛ bɔ ɛmɔkwaapɛ asue Yɔɔdan bɛfa ne,

Deuteronomi 11:9

amaa amɔanya ngoa tendenn wɔ aseɛ bɔ AWURADE fa hyɛle ɛmɔ nana mɔ bɔ, kyɛ ɔkɔfa kɔma bɛ ne bɛ bosofoɛ ne aso, aseɛ bɔ nyɔfonesue ne woɛ tengyɛ wɔ so ne.

Deuteronomi 21:18

“Sɛ ebie le baa bienzua asoserɛniɛ bɔ ommu hwee, bɔ ondie ɔse ne oni dwirɛ, bɔ bɛtea ye de, nakoso ondie bɛ dwirɛ a,

Deuteronomi 25:15

Asusudeɛ nyɔboɛ bɔ ɔte pɛpɛɛpɛ yeɛ ɔsɛ kyɛ enya ɔ; asusudeɛ bɔ ɔte pɛpɛɛpɛ yeɛ ɔsɛ kyɛ enya ɔ, amaa ɔnate so anya ngoa tendenn wɔ aseɛ bɔ AWURADE wɔ Nyameɛ ɔ́fa ma wɔ ne aso.

Deuteronomi 27:16

“ ‘Musue tó sona biala bɔ onni ɔse ne oni ni ɔ.’ Na mmenia ne amukoraa kosuro so kyɛ, ‘Amen!’

Deuteronomi 32:47

Ofikyɛ ɔtte edwirɛ mbaen biala, na mmom ɔte ɛmɔ ngoa nyamaa. Na aseɛ bɔ ɛmɔkwaapɛ asue Yɔɔdan bɛfa bɛtena so ne, sɔ edwirɛ he yeɛ ɔkɔmaa ɛmɔkɔtena so bɛkɔhyɛ ɔ.”

Deuteronomi 4:26

ye de méfrɛ anwuro ne aseɛ maa bedi adanzeɛ betia ɛmɔ ɛnɛ kyẽa ye, kyɛ ɔngɔhyɛ biala ɛmɔ boso konua bɔkɔɔ wɔ aseɛ bɔ ɛmɔkwaapɛ asue Yɔɔdan bɛkɔfa ne aso. Ɛmɔngɔtena so bɛngɔhyɛ, na ɛmɔ boso konua bɔkɔɔ.

Deuteronomi 4:40

Ye sɔ ne ati, di ye ahyɛdeɛ ne ye mmeraa dwirɛ bɔ méhyehyɛ méma wɔ ɛnɛ kyẽa ye aso, amaa ɔnate so wayie wɔ ne wɔ bosofoɛ yé, ná atena aseɛ bɔ AWURADE wɔ Nyameɛ ɔ́fa ma wɔ afebɔɔ ne aso ahyɛ.”

Deuteronomi 5:16

“ ‘Di ɛse ne eni ni, kyɛbɔ AWURADE wɔ Nyameɛ ahyɛ wɔ ne, amaa ɔnate so anya ngoa tendenn, ná wayie wɔ yé wɔ aseɛ bɔ AWURADE wɔ Nyameɛ ɔ́fa ma wɔ ne aso.

Deuteronomi 5:33

Atee amukoraati bɔ AWURADE ɛmɔ Nyameɛ wahyɛ kyɛ ɛ́mɔfa so bɛ́bɔ bɛ bra ne, odi kyɛ ɛmɔfa so, amaa ɔnate so ɛmɔanya ngoa, ná wayie ɛmɔ yé, ná ɛmɔatena aseɛ bɔ ɛmɔ sa baahã ye ne aso bahyɛ.

Deuteronomi 6:2

amaa ɔnate so ɛne wɔ mma ne wɔ nnomaa ɛmɔasuro AWURADE wɔ Nyameɛ, wɔ w’asetena mukoraati nu, ná ali ye ahyɛdeɛ ne ye mmeraa dwirɛ mukoraati bɔ méhyɛ wɔ ne aso, ná anya ngoa tendenn.

Kolosefoɛ 3:20

Ngwadaa, ɛ́mɔyɛ sotie bɛ́ma ɛmɔ awofoɛ mɔ wɔ nikyee biala nu, na ɛhe yeɛ ɔsɔ Awurade nye ɔ.

Rutu 3:6

Yiti Rutu hɔle nekaa bɔ bɛboro ayuo ne, na ɔɔyɔle kyɛbɔ ye sia hyirele ye ne ala.

1 Samuel 22:3

Dawide fili berɛ hɔle Misepe bɔ ɔwɔ Moabo. Na ɔfa tole Moabo hene nyunu kyɛ, “Mesrɛ wɔ ala, ma me baba ne me maame bɛɛtena wɔ wa kɔpem kyɛ ngonwu bɔ Nyameɛ kɔyɔ kɔma me ɔ.”