Ɛksadɔso 20:11 - AHYERƐLƐ KRONGRON

¹¹ Ofikyɛ elesia yeɛ AWURADE fa bɔle anwuro ne aseɛ, ɛpo ne bɛ nu nningyein amukoraati ɔ, nakoso olele ye nwome kyẽa bɔ ɔtɔ so nzoo ne. Yiti AWURADE yirale afofikyẽa ne, na ɔyɛle ye krongron.

Ɛksadɔso 20:11 Iomraidhean Croise

Gyenesise 1:28

Nyameɛ yirale bɛ, na osele bɛ kyɛ, “Ɛ́mɔwo ná ɛmɔta, ɛ́mɔyi aseɛ so tɛkyɛ ná ɛmɔli so; ná ɛ́mɔnya tumi wɔ ɛpo nu naen so, ɔne ewienu nnomaa ne kaka biala bɔ ɔwɔ aseɛ so ɔ so.”

Gyenesise 1:31

Nyameɛ nwuni kyɛ nningyein bɔ wayɔ ne amukoraa te paa paa. Aleɛ sane, na aleɛ hyene: kyẽa bɔ ɔtɔ so nzia ɛne.

Ɛksadɔso 31:17

Ɔte sɛngyerɛnneɛ afebɔɔ wɔ me ne Yisraelfoɛ y’afia, kyɛ elesia yeɛ AWURADE fa bɔle anwuro ne aseɛ ɔ, nakoso kyẽa bɔ ɔtɔ so nzoo ne de, wanyɔ adwuma, na olele ye nwome.”

Ɛksadɔso 8:22

Nakoso sɔ kyẽa ne, ngɔye Gosen aseɛ bɔ me mmenia te so ne ngosie ahameɛ; nwɔsea pembepembe paa ne ngɔhɔ berɛ bie, amaa ɔnate so anwu ye kyɛ me ole AWURADE wɔ aseɛ ye aso.

Ɛksadɔso 9:29

Na Mose sele ye kyɛ, “Sɛ mefi kuro ye anu mefite pɛ a, ngɔtrɛ me sa nu ngɔsrɛ AWURADE, na agralaa ne kɔyakyi, yeɛ asukɔtwea nyɔboɛ ne koso ngɔte ngogua ko, amaa ɔnate so anwu ye kyɛ aseɛ ye te AWURADE deɛ.

Yesaya 42:10

Ɛmɔ bɔ ɛmɔkɔ ɛpo, ɔne ɛpo nu nningyein amukoraa, yeɛ supɔ mɔ nu ama, ɛ́mɔto dwein foforɛ bɛ́ye AWURADE ayɛ, ɛ́mɔto ye ayɛyelɛ dwein ne béfi ewiase noa dɔ paa.

Yesaya 48:13

Me sa yeɛ ɔtole aseɛ fapem ɔ, yeɛ me sa famaa trɛtrɛle ewienu nu ɔ; na sɛ meto me sa mefrɛ bɛ a, bɛ mukoraa bɛbagyinagyina me nyunu.

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Asomafoɛ 20:7

Kyẽa bɔ oli moa wɔ dapɛn ne anu ne, mmerɛ bɔ yɛyiale nu kyɛ yɛdidi ne, Pɔɔlo yɛle ngyerɛkyerɛ hyirele bɛ, na ɔtoale so alaa maa oodwuli abunnamu; ofikyɛ né aleɛ kye a, ɔkɔ.

Asomafoɛ 4:24

Na bɛtele sɔ dwirɛ nen, bɛyɛle ko bɛmane bɛ komvi so bɛbɔle mbaeɛ behyirele Nyameɛ kyɛ, “Awurade Nyameɛ bɔ ɛbɔle anwuro ne aseɛ ne ɛpo ne bɔ ɔwɔ bɛ nu amukoraa ɔ,

Deuteronomi 5:15

Kaye kyɛ né ɛte kanga wɔ Misraim aseɛ so, na AWURADE wɔ Nyameɛ nate tumi piri ne tumi asaa so yele wɔ fili berɛ. Ye sɔ ne ati, AWURADE wɔ Nyameɛ ahyɛ wɔ kyɛ eli afofikyẽa ne aso.

Hebrifoɛ 4:4

Ɔnate kyɛ wahã kyẽa bɔ ɔtɔ so nzoo ne nwo dwirɛ wɔ nekaa bie kyɛ, “Na kyẽa bɔ ɔtɔ so nzoo nen, Nyameɛ lele ye nwome wɔ ye nnwumaa mukoraa nu.”

Nyekyire 10:6

na ɔfale bɔ ɔte ase afebɔɔ, bɔ ɔbɔle anwuro ne bɔ ɔwɔ nu, aseɛ ne ne bɔ ɔwɔ nu, yeɛ ɛpo ne bɔ ɔwɔ nu ne tale ndaen kyɛ, “Mmerɛ biala nne berɛ ko,