Ɛksadɔso 2:23 - AHYERƐLƐ KRONGRON

²³ Afoɛ pee pɛle nu, na Misraim hene wuli. Afei Yisraelfoɛ nwuni ngoaasolɛ nu amaneɛ piri paa; bɛbɔle awuye, na bɛ suɛ wɔ ngoaasolɛ nu ne dwuli Nyameɛ nyunu.

Ɛksadɔso 2:23 Iomraidhean Croise

Gyenesise 16:11

Na AWURADE abɔfo ne sele ye bieku kyɛ, “Nea, ɛnwonzɛ, ɛkɔwo baa bienzua, na ɛkɔto ye dumaa Yismael, ofikyɛ w’aworabɔlɛ ne adwu AWURADE nyunu.

Gyenesise 4:10

Na AWURADE sele kyɛ, “Nzikyɛ nikye yeɛ ayɔ ye? Eliɛma ne, ye mogya ɔteatea nu sũ frɛ me fi aseɛnwo.

Nehemia 9:9

“Yɛ nana mɔ bɔ né bɛwɔ Misraim ne, enwuni amaneɛ bɔ né bɛwɔ nu ɔ, na etiele bɛ sufrɛ wɔ Ɛpo Kɔkorɛ noa.

YOB NWOMAA NE 35:9

“Mmenia bɔ awuye, ɔnate nhyɛsoɛ worawora ti, besu bɛpena mmokalɛ, ofikyɛ bewura tumifoɛ atianuserɛfoɛ bɛ sa.

Edwein 102:1

Ao AWURADE, tie me mbaeɛ; ma me sufrɛ oodwu wɔ nyunu.

Edwein 102:2

Nnɛye wɔ nye fea me wɔ m’amaneɛnwunɛ mmerɛ nu. Yɛ asoɛ tie me; sɛ mesu mefrɛ wɔ a, bua me ndɛndɛ.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 18:6

Nzu mvrɛle AWURADE wɔ m’amaneɛ nu, na ndeane nu mvrɛle me Nyameɛ kyɛ ɔboka me. Ɔwɔ ye asɔneyɛɛ sua nu dɔ yeɛ ɔtele me komvi ɔ, na me sufrɛ dwuli ye so anu.

Ɛksadɔso 1:14

Bɛmane bɛ wora bɔle, ofikyɛ bɛhyɛle bɛ maa bɛyɔle adwuma bɔ ɔbo bɛ so wɔ nnɛterɛ ne mmerekese pɛlɛ nu, fieso adwuma ahoroɔ nu; na bɛhyɛle bɛ anyeborolɛ paa wɔ adwuma biala nu.

Ɛksadɔso 4:19

Na AWURADE sele Mose wɔ Midian kyɛ, “Sá kɔ Misraim, ofikyɛ bɛ bɔ né bɛpena wɔ beku wɔ ne, bɛ mukoraa bawu.”

Ɛksadɔso 6:5

Asa koso, Yisraelfoɛ bɔ Misraimfoɛ afa bɛ ayɛ nganga ne, mate awuye bɔ bɛbɔ ne, na makaye m’apam ne.

Ɛksadɔso 6:9

Mose hane sɔ dwirɛ ne hyirele Yisraelfoɛ nemɔ, nakoso ɔnate b’aba nu bɔ né wabu, ɔne ngoaasolɛ serɛserɛ bɔ né bɛwɔ nu ne ati, bandɛ ye so.

Ɛksadɔso 7:7

Mmerɛ bɔ bɛ ne Faro dwudwole nen, né Mose ali afoɛ aburawɔtwɛ, yeɛ Aarɔn koso afoɛ aburawɔtwɛ ne nza.

Yesaya 19:20

Na ɛhe kɔyɛ Asafo AWURADE nwo sɛngyerɛnneɛ ne adanzeɛ wɔ Misraim aseɛ so. Na sɛ mmenia hyɛ bɛ so ná besu bɛfrɛ AWURADE a, ɔkɔsoma defoɛ ne komafoɛ maa ɔkɔɔpepɛ kole bɛ.

Yesaya 5:7

Hmmm, Asafo AWURADE bobe boo ne, ye ole Yisrael awuro ama, yeɛ Yudafoɛ wora bɛte ye boo bɔ ɔyɛ ye nyemene ɔ. Ahaa né ɔpena kyɛ onwu ndɛenbualɛ turoloo, nakoso onwu aminɛlilɛ, ahaa né ɔpena kyɛ onwu tenenee, nakoso awuyebɔlɛ yeɛ ɔte ɔ!

Numeri 20:16

Yɛsu yɛfrɛle AWURADE. Otiele yɛ suɛ, na ɔsomane abɔfo maa ɔɔyele yɛ fili Misraim. Kekesaala ye yɛwɔ Kadese, kuro bɔ ɔwɔ w’aseɛ ne noa ne aso.

Asomafoɛ 7:30

“Na afoɛ aburanna pɛle nu ne, abɔfo yele ye nwo ali hyirele Mose wɔ ngyɛkyerɛ bɔ né ogye ne anu wɔ ɛserɛ bie bɔ opingye Sinai Bokaa ne.

Deuteronomi 24:15

Kyẽa biala bɔ ɔkɔyɔ adwuma ne, tua ye kerɛ koraka né eyia atɔ, ofikyɛ ɔte ehianiɛ, na ye nyunu ne ye si ɛne. Anyɔ a, okosũ kohyire AWURADE kogua wɔ so, na ɔkɔkakyi bɔne kɔma wɔ.

Yakobo 5:4

Ɛ́mɔtie! Apaafoɛ bɔ bɛyɔle ɛmɔ fieso adwuma ne, b’akatuaa bɔ ɛmɔnate asisie so bɛfa besiele ne, ɔtea nu; na bɛ bɔ bɛtele ɛmɔ fieso nnɔbaeɛ ne, bɛ suɛ ne waadwu Asafo Awurade so anu.

Maenbulɛfoɛ 4:3

Na Yisraelfoɛ sũ frɛle AWURADE kyɛ ɔɔpepɛ le bɛ. Ofikyɛ né Sisera le buralɛ teaseɛnam ɛyaa ngona, yeɛ afei né wahyɛ Yisraelfoɛ so yeayea afoɛ aburanyɔ.

1 Samuel 12:8

Mmerɛ bɔ Yakob hɔle Misraim ne, [Misraimfoɛ hyɛle bɛ so] ɛmɔ nana mɔ sũ frɛle AWURADE, na AWURADE somane Mose ne Aarɔn maa bɛɛyele ɛmɔ nana mɔ befili Misraim, na ɔmaa bɛɛtenane wa.

1 Samuel 9:16

“Ɛhema, bekye sɔa ala, ngɔma biaa bie bɔ ofi Benyamin aseɛ so kɔwa wɔ berɛ, na fa ɛpopalɛ ngoo popa ye ma oli me maen Yisrael so hene. Ɔkɔpepɛ kole me maen kofi Filistifoɛ sa nu, ofikyɛ manwu amaneɛ bɔ me mmenia benwu ye ne, na bɛ suɛ adwu me nyunu.”