Ɛksadɔso 2:22 - AHYERƐLƐ KRONGRON

²² Sipora wole baa bienzua, na Mose tole ye dumaa Gɛsɔm, ɔnate kyɛ Mose hane kyɛ, “Maayɛ ɛwɔfoɛ wɔ amanvrafoɛ aseɛ so.”

Ɛksadɔso 2:22 Iomraidhean Croise

Gyenesise 23:4

“Nde ɛwɔfoɛ ne amanvraniɛ wɔ ɛmɔ nu wa. Ɛ́mɔma me ɛmɔ aseɛ ne bie ma mva nyɛ asieleɛ, na nzie me fuin ne ma ofi berɛ.”

1 Aberɛso Dwirɛ 16:20

bɔ bekyinikyini maen maen mɔ so, bɔ befi ahennie ko anu bɛkɔ maen foforɛ nu ne,

1 Aberɛso Dwirɛ 29:15

Wɔ nyunu, yɛte ɛwɔfoɛ ne amanvrafoɛ, kyɛ yɛ nana mɔ amukoraa ala. Yɛ ngyẽa bɔ yɛdi ye aseɛ ye aso ne, ɔpɛ nu kɔ kyɛ wawoɛ, na yɛngɔhyɛ ná yatu yamini.

Edwein 119:19

Nde ɛwɔfoɛ wɔ aseɛ ye aso, nnɛfa wɔ mmeraa dwirɛ ne fea me.

Edwein 39:12

“Ao AWURADE, tie me mbaeɛ, ná tie me sufrɛ; nnɛye wɔ nye fi me moenporolɛ ne anwo; ofikyɛ nde kyɛ wɔ wɔfoɛ bɔ ɔngɔhyɛ ɔ, nde amanvraniɛ kyɛ me nana mɔ amukoraa.

Ɛksadɔso 2:10

Akwadaa ne nyini, na ɔɔfale ye mane Faro awa brasua ne. Ɔfale ye yɛle ɔwa, na ɔtole ye dumaa Mose, ofikyɛ ɔhane kyɛ, “Nzue nu yeɛ nyele ye mvili ɔ.”

Ɛksadɔso 22:21

“Nnɛdi ɛwɔfoɛ aminɛ, anaa nnɛsisi ye, ofikyɛ né ɛmɔ koso ɛmɔte wɔfoɛ wɔ Misraim aseɛ so.

Ɛksadɔso 4:20

Yiti Mose fale ɔye ne ye mma mmienzua nyɔ ne tenatenane afunum so, na osa hɔle Misraim aseɛ so. Na ɔfale Nyameɛ pɔmaa ne tirale.

Lewitikɔso 25:23

Onni kyɛ bɛte aseɛ ne terama, ofikyɛ aseɛ ne te me deɛ, na me nyunu de, ɛmɔte ɛwɔfoɛ ne hwɛsofoɛ.

Asomafoɛ 7:29

Na mmerɛ bɔ Mose tele sɔ dwirɛ nen, ɔnwatili, na ɔɔyɛle ɛwɔfoɛ wɔ Midian aseɛ so, na ɔwole mmaa mmienzua nyɔ wɔ berɛ.

Maenbulɛfoɛ 18:30

Afei Danfoɛ gyinane amoen ne bɛsɔnene ye. Yonatan bɔ ɔse ole Gɛsɔm bɔ ɔse ole Mose ne, ɔne ye mma mɔ yeɛ né bɛte Dan abusua kure asɔfo kɔpem kyɛ ebiemɔ bɛɛhyele Danfoɛ nnure bɛhɔle ɔ.

1 Samuel 1:20

Hana nwonzɛle, na mmerɛ ne sone ne, ɔwole baa bienzua, na ɔtole ye dumaa Samuel, ofikyɛ ɔhane kyɛ, “Nzrɛle ye mvili AWURADE berɛ.”