Ɛksadɔso 2:21 - AHYERƐLƐ KRONGRON

²¹ Mose penene so ɔne biaa ne bɛtenane, na ɔfale ɔwa brasua Sipora mane Mose gyale.

Ɛksadɔso 2:21 Iomraidhean Croise

Ɛksadɔso 2:10

Akwadaa ne nyini, na ɔɔfale ye mane Faro awa brasua ne. Ɔfale ye yɛle ɔwa, na ɔtole ye dumaa Mose, ofikyɛ ɔhane kyɛ, “Nzue nu yeɛ nyele ye mvili ɔ.”

Ɛksadɔso 2:20

Na obisale ye mma mmrasua nemɔ kyɛ, “Ɔwɔ nisua? Nzu ati yeɛ ɛmɔayakyi biaa ne dɔ ɔ? Ɛmɔɔfrɛ ye ma oodidi.”

Ɛksadɔso 3:1

Né Mose yeɛ ɔnea ye sia Yɛtro, bɔ ɔte Midian sɔfo ne mmoaen so ɔ. Ɛlɛho bie, ɔhane mmoaen ne hɔle dedeede wɔ ɛserɛ ne noa dɔ paa, na oodwuli Nyameɛ bokaa Horebo nye abo.

Ɛksadɔso 4:18

Mose sá hɔle ye sia Yɛtro berɛ, na osele ye kyɛ; “Mesrɛ wɔ, maa nza ngɔ nniɛma mɔ berɛ wɔ Misraim, ná ngɔnea sɛ bɛtɛ te ase a.” Na Yɛtro sele Mose kyɛ, “Kɔ asomdwee nu oo.”

Numeri 10:29

Mose sele Midianniɛ Rewel bɔ yeɛ ɔte ye sia bienzua ne, ɔwa Hobabo kyɛ, “Yɛtu yɛkɔ nekaa bɔ AWURADE aha ye nwo dwirɛ kyɛ, ‘Ngɔfa ngɔma ɛmɔ’ ne. Ɛne yɛ hɔ, na yɛkɔnea wɔ yé; ofikyɛ AWURADE ahyɛ Yisrael bɔ kyɛ ɔkɔmaa okoyie ye yé.”

Numeri 12:1

Mmerɛ bɔ né bɛwɔ Haserote né, Miriam ne Aarɔn dwudwo tiale Mose, ɔnate kyɛ né Mose waagya Kuseniɛ braa bie (né wagya Kuseniɛ braa amba).

Asomafoɛ 7:29

Na mmerɛ bɔ Mose tele sɔ dwirɛ nen, ɔnwatili, na ɔɔyɛle ɛwɔfoɛ wɔ Midian aseɛ so, na ɔwole mmaa mmienzua nyɔ wɔ berɛ.

1 Timoteo 6:6

Nakoso nyamesom paa bɔ ɔma wɔ kunu dwo wɔ ne, ɔte anwonya piri;

Hebrifoɛ 11:25

na mmom ohurole kyɛ ɔne Nyameɛ mmenia bekonwu amaneɛ tra kyɛ okoli fɛɛ wɔ bɔne nu mmerɛ kãa bie ɔ.

Hebrifoɛ 13:5

Ɛ́mɔye sikanyeboro befi ɛmɔ brabɔlɛ nu, ná ɛ́mɔma ɛmɔ nye sɔ bɔ ɛmɔanya ɔ; ofikyɛ ye bɔbɔ wahã kyɛ, “Mengoli wɔ ngasi, yeɛ mengɔye me sa wɔ wɔ bo le.”

Yakobo 1:10

yeɛ sikaniɛ koso, wɔ ase bɔ babrɛ ye ne anu, ofikyɛ ɔkɔpɛ nu kɔhɔ kyɛ eburo ndire nyerɛen.